كارينز 2012 النترا 2012

[acs]

انا عاوز اشترى عربية وحتار اشترى كيا كارينز او النترا 2012 عاوز اعرف اى عربية فيهم اعلى عن الارض علشان المطبات علشان دى مشكلة كنت بعانى منها مع سيارتى القديمة لانوس
من حيث القوة والنعومة واستهلاك البنزين وقطع الغيار والتحميل
العربيتين الفئة الاولى اتوماتيك
واية مميزات كل عربية والف شكر يا جماعة برجاء الافادة

[Sehsss]

1 - الارتفاع.. الكارينز
2 - القوة والنعومة.. الألنترا
3 - استهلاك البنزين.. الإلنترا
4 - قطع الغيار.. الإلنترا أغلى
5 - التحميل.. الكارينز

[Hosam_Optrawy]

لو عايز حاجه عاليه يبقى كيا سول

صحيح الكارينز اعلى من الالنترا بحاجه بسيطه بس الاتنين مش عاليين

اللى تعتبر عاليه الى حد ما السول , بس اصغر منهم

[Dr'AhmZZong]

الانترا احسن في كل حاجة ماعدا الوسع الداخلي للكارنز

[ashouhdy]

عفشة نعومة خامات وسع كارينز قوة للالنترا ... الاتنين مش عاليين قوى عن الارض بس اعلى من المعتاد مش حتحك يعنى

[M_SALLAM]

مش عارف ليه مش هاضم الألنترا الجديدة دى !!!
انا رأى ولا دى ولا دى لأن موتور الكارينز ضعيف شوية على حجمها و الألنترا صاج ورق و قريبة جدا من الأرض .
انا رأيى خير الأمور الوسط و هاتلك واحدة رينو فلوانس ....

[M_SALLAM]

اة صحيح نسيت اقولك انك ممكن كمان تفكر فى الداستر عربية وهم ...

[Sehsss]

الانترا احسن في كل حاجة ماعدا الوسع الداخلي للكارنز

والارتفاع يا أحمد

[zangry]

1 - الارتفاع.. الكارينز
2 - القوة والنعومة.. الألنترا
3 - استهلاك البنزين.. الإلنترا
4 - قطع الغيار.. الإلنترا أغلى
5 - التحميل.. الكارينز

+1111

[mody3on]

الكارنز مش عالية اوي .. انا رايي الالنترا بس ده ميمنعش ان الكارينز ممتازة جدا .. بس كشكل وشياكة اعتقد الالنترا تكسب .. وقطع الغيار واعادة البيع الاتنين تقريبا زي بعض

[acs]

انا متشكر اووووووووووى ليكم يا رجاله
و ياريت اللى عنده معلومات اكتر يبقى جزاكم الله خير

[hashad14]

فى معلومه محدش قلها انت همك انها متحكش فى المطب للاسف الكارينز عاليه بس بتحك فى بعض المطبات
لان فيها مشكله ان البعد بين الكاويتش الامامى والخلفى كبير اكتر من المعتاد لكبر السياره وبالتالى تلاقى فى بعض المطبات الكاوتش الامامى بينزل قبل الكوتش الخلفى ميطلع على المطب فبالتالى بتحك

[ashouhdy]

شوف التقرير اللى فى قسم كيا

[acs]

وهل الفئة الاولى اوتو فى العربيتين فيها مالتى فنكشن و ام بى ثرى ولا لاء

[محمد بدر]

انا ركبت الكارنز سنتين وشهرين بالضبط
السيارة بصفة عامةممتازة كونها عائلية
مميزاتها
1- وسع مبالغ فيه وغير موجود بأى سيارة فى هذه الفئة
2- الصاج والبودى بشكل عام بسم الله ماشاء الله تشعر فعلا" بقوة ومتانة
3- العفشة قوية بس ممكن تشعر انها نشفة بعض الشىء بس من غير تخبيط على الإطلاق
4- جلستها مريحة وبالتالى راحة فى السفر
5- تقفيل وفنش ممتاز
6- سعر إعادة البيع ممتاز وانا شخصيا جربت الموضوع ده
7- ومميزات أخرى تكتشفها بعد كده لوحدك علشان مش فكرها
عيوبها
1- السيارة ممكن تحك فى المطبات لون محمل او لو كان مطب عالى عن المعقول لازم تاخذ بالك
2- الموتور كان عايز يبقى أقوى شوية - علشان حجم السيارة كبير (كونها عائلية)
وأعتقد مفيش عيوب تانى