اشتري مين فيهم من غير ندم

[Ahassan25]

nissan sunny 2003
golf 4 1999
passat 1999
matrix 2006
bmw e36
opel vectra 2002

[Abdm]

أتكل على الله فى الماتريكس أولا ...............يليها الآوبل فيكترا .... شرط الحالة الآفضل فى أيهم .

والله الموفق والمستعان

[Ahassan25]

شكرا يا رجالة علي اهتمامكم

[mado83]

ياريت توضح اهتماماتك
يعنى بتجرى وسفرك كتير
محتاج الشنطه ولا مش فارقه
ولو قطع الغيار مش هتفرق معاك
والاهم من كل ده حاله العربيه الموجوده
يعنى قرد بيتنطط ولا اسد عجوز

[Ahassan25]

يا مادو اه انا بجرى طبعا و يهمنى الشنطة و بحب السفر و مجوز :)

[Ahassan25]

و قطع الغيار مش فارقة و حالة العربية مفيش حاجة لسه منهم معبنة ادامى

[tutankhamoun]

أدام بتقارن بحاجات كلها مستعملة
يبقى حالة العربية بس هي اللي هاتفرق
لو أنت مركز على عربية بعينها يبقى تدور على حاجة حالتها حلوة

[Ahassan25]

طب يا رجالة لو في حاجة تانية احلى فى حدود ال 60 اولولي

[MohammedAladel]

الاهم من كل ده حاله العربيه الموجوده
يعنى قرد بيتنطط ولا اسد عجوز

+ 1

[MohammedAladel]

عندك رينو ميجان ممكن تجيبها فى حدود 60000 بحالة كويسة

[Dr'AhmZZong]

إنت اخرك 60 ألف ولا ممكن تزود ؟؟

و هل عايز زيرو ولا لأ ؟؟

[mazgangy]

nissan sunny 2003
golf 4 1999
passat 1999
matrix 2006
bmw e36
opel vectra 2002

بالترتيب كده
جولف4
باسات
بى ام
فيكترا
نيسان وحتتظلم فوسط الوحوش دى مع انها عربيه محترمه جداا
ماتريكس ومعرفش ايه جابها هنا دى :d:d

[TOOLA]

نسيان صنى 2003: عربية تقفيل يابانى, أسمع انها اعتمادية جدا, قطع غيارها أعتقد حراقة حبة, ماتورها مش بتاع جرى أوى بس لو هتجيب مانيوال يبقى مش هتضايق جامد, المبلغ المعاك يجيب حالة جيدة, و ان كنت افضل انك تدور على موديل 2005, لانه الموديل الوحيد فى الصنى ال 1600 و يابانى حتى لو هتزود بسيط اوى عن الميزانية المعاك.

matrix 2006: عربية انا بستمتع بركوبها شخصيا, واسعة, عملية, بتاعت شغل, ماتورها و عفشتها و تكييفها قوى, بس مش كل الناس بتحب شكلها, اسعار قطع الغيار معقولة, بس لو عاوزمنها حالة يبقى لازم تزود حبتين بردو.

golf 1999 و باسات 99 و زود عليهم بورا 2000: الجولف لو 1400 يفضل تبعد عنها مش هتأدى معاك بس ممكن تدور على 1600 منها و لو كده يبقى أحسنلك تبص على بورا 1600, ساعتها هتاخدعربية بشنطة و أعتبرها أشيك من الجولف و الباسات و ماتورها قايم بيها كويس, يعيبها انها ضايقة من ورا و عفشتها ناشفة شوية و كلهم بيحتاجو مواظبة فى الصيانة و قطع الغيار, بالنسبة للباست هيا أوسعهم و أجملهم عفشة (بس أغلاهم عفشة بردو) لكن ال 1600 قليلين عليها, مشكلو ال 3 عربيات دول ان كلهم قدام و هتحتاج تدور جامد عشان تلاقى حالة, يا كده يا تجيب عربية جولف وقيع ب 50 و اساسيتها سليمة و تسقط ماكينة بفتيسها بعفشتها بالضفيرة, بس طبعا لو ملكش و معندكش حد دايس فى الكلام ده يبقى فكك و حاول توقع حته بورا مانيوال.

bmw e36:صعب تلاقى حالة اوى و الاشتغالات فيها كتير, و الالمانى عامة هتلاقى عربيات انصاص كتير فى السوق خصوصا ال بى ام و بعديها الجولف و البورا, بس طبعا لو لقيت حالة يبقى ماتتسبش.

accent 2006: معرفش انتا تقصد الشكل القديم ولا النيو اكسنت, بس هعتبرها النيو, الميزة الهتاخدها ان الفلوس المعاك ممكن تجبلك موديل 2008 و حالة جيدة, بس هى أقل احدة من الفات.

من الأخر بعد مادوختك: عليك على حاجة من الثلاثة, صنى 2005 يابانى 1600 أو ماتركس أو بورا 1600 ,المهم فى الثلاثة هى الحالة الجيدة و خصوصا البورا حتى لو هتزود بسيط عن المبلغ المعاك.

[Hossam_hassan4]

انا بقول جولف بصراحه بالذات 4 دي حاجه مفيش بعد كده او جيب حاجه فرنساوي و هتستفاد بسعر اعاده البيع المنخفض و هتاخد عربيه بسعر اقل من امكانيتها و ده بسبب ثقافه المصريين مش اكتر شوف مثلا c4 او ميجان

[moh19227]

بسم الله الرحمن الرحيم
الاجابه تونس -- قصدي اوبل -- :)