لانسر بومة 2012 ولا سيراتو

[Dr'AhmZZong]

مابحبهاش يا شباب و بعدين غير شكلها مابحسش انها عائلية

آه هو شكلها مش قد كده ..

لكن بالنسبة ل عائلية ديه .. حاسيييييييييب .. دي أوسع عربية أنا شفتها في حياتي أنا مش ببالغ .. اركبها و شوف < مش هتخسر حاجة > ..

احسن من سيراتو مييييييييييت مرة ..

[Sehsss]

مابحبهاش يا شباب و بعدين غير شكلها مابحسش انها عائلية

ما بتحبهاش، ممكن في ناس ما بتحبش شكلها.. لكن مش عائلية، ازاي يا راجل اركبها وانت تعرف

[alrabeh]

بصراحة أنا ركبت السيراتو وانا مسافر وقعدت على الكنبة الخلفية لقيتها متعبة جدا وسيئة للغاية
ولما سقتها لقيت الثبات بعد -130-120 مش تمام
التيدا لما تركبها حتنسى شكلها
ولو ممكن مستعمل يبقى الصح تشوف اوكتافيا تكون حالتها ممتازة ولا وجه للمقارنة بينها وبين السيراتو

[crayvor]

أنا مش داخل أقارن بين العربيتين ولا حاجة.. بس سؤال للناس اللي ردت لغاية دلوقتي...
ماحدش خالص ملاحظ ان سعر اعادة بيع السيراتو أعلي من سعر اعادة بيع البومة؟ ازاي يعني البومة تفوقت فجأة ف سعر اعادة البيع؟

كمان بعد 5 سنين مثلا لما صاحب الموضوع يفكر يبيع العربية حاتبقي البومة دي عدي زمانها وجبر.

وبعدين ليه ماتفكرش ف حاجة جديدة تكون لسة نازلة مثلا السنة اللي فاتت أو السنة دي؟ أهي تقعد معاك 4 أو خمس سنين وانت اسمك برضه راكب الشكل الجديد.

أديك مثال.. الأكسنت أعلي فئة والريو 2012 أعلي فئة. علي فكرة أنا شايف الريو للي بيفهم عربية جبارة وفيها ABS و EBD و Dual Airbags والمالتي فانكشن فيها محترم والتابلوه بصراحة وهم.. طبعا بلوتوث و... طب ما تشوف انت واحكم
Specifications : Kia Rio, a talented compact: Models l KIA Motors
كان عندي أمل أجيبها بس الفلوس نقصت 35 ألف بس الحاجة الوحيدة اللي ناقصاها ان التكييف يبقي Digital بس مش متأكد هو فيه فعلا digital ولا manual

[Hosam_Optrawy]

الحاجة الوحيدة اللي ناقصاها ان التكييف يبقي Digital بس مش متأكد هو فيه فعلا digital ولا manual

كل الفئات manual

[Reefa84]

يا جماعة انا محتار في نفس الموضوع , مننحية مقارنة يباني بكوري اكيد اليباني يكسب بس السيراتو عجباني اكتر بس اكيد انا عايز حاجة تعيش معايا ومصرفش عليها كتير ، ياريت حد يرد عليا

[Dawns_Mist]

أنا هتكلم بمنتهى الحيادية .. أنا في مقارنات كتير كنت بقول على السيراتو جميلة ، و أنا سوقتها كتير جدا كل الفئات ، و عربيتي لانسر بومة .. و أنا مهندس ميكانيكا ، فكلامي اللي هقوله ده والله شاهد عليا مافيش فيه تحيز أبدا ..

التسارع و قوة الموتور :
لانسر بومة تكسب بفرق شاسع ، ولو مش مصدقني ادخل على قسم ميتسوبيشي و شوف موضوع بتاعي فيه التسارع بين كل العربيات اللي في الفئة دي .. البومة عربيتي 1600 أوتو 2005 بجيب بيها من 0 - 100 في 9 ثواني و الفيديو موجود في الموضوع ، السيراتو في 12.5 ثانية بالستب ترونيك كمان ... و فيه عشرين فيديو على اليو تيوب للبومة و هي بتعدي من السيراتو في الدراج .. و ادخل على تقييم توب جير كمان و شوف كلامه عن البيرفورمانس للسيراتو ... فالكلام عن 124 حصان للسيراتو ده أكيد كلام مش منطقي لإن عربيتي 109 حصان و عربية واحد من حبايبي سيراتو و ياما ياما ياما كررنا نفس الدراج و دايما البومة بتكسب بفرق كبير جدا ... فكل اللي بيقول السيراتو موتور أقوى يا إما ماجربش موتور البومة .. أو منبهر بالأرقام اللي مالهاش أي دليل واقعي !!!
الثبات و الأمان :
أكيد برضه البومة و ده مش كلامي .. اسأل أصحاب السيراتو و هما هيقولولك قد إيه بتكون خفيفة على السرعات العالية
الفرامل :
مع إني معترض على فرامل البومة و كنت عملت موضوع في قسم ميتسوبيشي قبل كده برضه .. لكنها أحسن من فرامل السيراتو برضه بفرق كبير ، و ده بسبب فرق الوزن على السرعات العالية و ده بسبب إن شاسيه البومة تقفيلة و توزيع الأحمال عليه أحسن من السيراتو بكتير ... أنا عربيتي مافيهاش abs و عملنا تيست للفرامل مع سيراتو هاي لاين في الفرامل .. عربيتي وقفت من سرعة 100 من غير زحف قبل السيراتو الهاي لاين موديل السنة بفرق أكبر من 10 متر .. و اللي عنده تجربة شخصية عملية يوافيني بيها
الكماليات :
السيراتو تكسب بفرق كبير
قطع الغيار :
مش هتحس بفرق كبير ، لكن توكيل السيراتو سيء بالنسبة للزيرو انت هتحتاج التوكيل فترة
الراحة الداخلية :
بومة تكسب بفرق كبير ... و دي حاجة معروفة عن عفشة السيراتو التورجن بيم ذات التكنولوجيا القديمة و الغير مريحة أبدا و اللي بتأثر سلبيا على الثبات
الاتساع الداخلي :
أعتقد البومة تكسب بفرق بسيط

* البومة عربية جميلة و اعتمادية بطريقة مش طبيعية .. لكن شكلها بقى قديم و كمالياتها قليلة جدا و سعرها حاليا غالي من وجهة نظري .... أنا لو مكان حضرتك هفكر في عربيات تانية خالص .. التيدا جميلة .. الكورسا الجديدة .. الإبيزا ممتازة .. ممكن توفر فلوسك و تشوف الصني الشكل الجديد نازل امتى ......................

* السيراتو عربية كويسه .. شكلها حلو جدا .. كماليات مناسبة في الهاي لاين و قطع غيار متوفرة .. لكن سعرها غالي عليها برضه من وجهة نظري .. لو هتشتريها هتاخد منها الشياكة و سعر إعادة البيع و الكماليات .. هتضحي شوية بالأداء نسبيا و بالأمان نسبيا مقارنة بالمبلغ اللي هتدفعه ..

بالتوفيق ..

[Ahmod]

التسارع و قوة الموتور :
لانسر بومة تكسب بفرق شاسع ، ولو مش مصدقني ادخل على قسم ميتسوبيشي و شوف موضوع بتاعي فيه التسارع بين كل العربيات اللي في الفئة دي .. البومة عربيتي 1600 أوتو 2005 بجيب بيها من 0 - 100 في 9 ثواني و الفيديو موجود في الموضوع ، السيراتو في 12.5 ثانية بالستب ترونيك كمان ... و فيه عشرين فيديو على اليو تيوب للبومة و هي بتعدي من السيراتو في الدراج .. و ادخل على تقييم توب جير كمان و شوف كلامه عن البيرفورمانس للسيراتو ... فالكلام عن 124 حصان للسيراتو ده أكيد كلام مش منطقي لإن عربيتي 109 حصان و عربية واحد من حبايبي سيراتو و ياما ياما ياما كررنا نفس الدراج و دايما البومة بتكسب بفرق كبير جدا ... فكل اللي بيقول السيراتو موتور أقوى يا إما ماجربش موتور البومة .. أو منبهر بالأرقام اللي مالهاش أي دليل واقعي !!!

معلش يا كبير اسمحلي انا معترض على الكلام ده ! !

انا فاكر موضوعك وجبت فيديوهات وقلت البومة ال CVT من 0-100 في 9 ثواني وانها بتقطع اي 1600 ! وكلام كتيييييييير !

سبنا بقى من كل الكلام ده وخلينا على ارض الواقع كلمت واحد زميلي معاه بومة CVT سوبر اكشن ! انا على الكلام اللى كنت سامعه منك قلت هيزعلني بكتيييييييييير

طلعت معاه على المحور مش عايز اقولك اني طالع منه وحاطه في ضهري لحد 170

ومش بس كدة ده سخن معانا بومة تانية برضوا بالصدفة ! وبرضوا في ال Range 140-170 كنت مفرتك الاتنين ! رشعتله عشان يوسعلي مرضاش ! خدت الشمال وجيت اطلع منه فضلت ثابت معاه لحد ما وصلت ل 170 وطبعا صاحبي اللى كنت بشد معاه اصلا كان ورانا احنا الاتنين ! ! بعد ال 170 ماتوري ال 1.3 قالي Stop ارحمني كفايا كدة ! !

Btw: انا البوجيهات عندي في عربيتي بقالها خمس سنين وفلتر البنزين نفس الكلام ! وده كاتم العربية على السرعات العالية ! ! يعني اعتقد انا لو روشت العربية بصيانة محترمة وطلعت معاه تاني ممكن افضل حاطه في ضهري لحد ماقفل عدادي ! ! ؟

وانا ماطلعش من السيراتو يعني اسمحلي كدة مع احترامي ليك السيراتو اللى صاحبها مفتحها صح لو جريت مع البومة هتزحفها الاسفلت وراها

ُEdit: السيراتو 0-100 في 10.2 بالاستيب ! مش 12.5

وادي الفيديو اهو اتفرج بنفسك !

Toyota Yaris 1.3 L vs Lancer 1.6 CVT Drag Race - YouTube

[Dawns_Mist]

إحنا بحثنا و اتكلمنا كتير في الموضوع ده يا أحمد باشا و جيبتلك أكتر عربية بومة 2005 - 2006 - 2007 لانسر من مصر المحروسة مش بره مصر و مش ملعوب فيهم و كلهم بيجيبوا الـ 100 كم في 9 ثواني و عربيتي منهم و مش موضوعنا دلوقتي المقارنة بين الياريس و البومة ...

و ده فيديو البومة 2007 cvt و سيراتو 2010 في مصر برضه و بدون تعديلات .. و ممكن أصورلك أخوه تاني بعربيتي و عربية صاحبي السيراتو ..
Mitsubishi Lancer 1.6L Vs. Kia Cerato 1.6L - YouTube

و لما بقول أرقام بتكون يا إما من الكتالوج فبقول ده من الكتالوج .. أو بتجربتي فبقول دي تجربتي .. فالسيراتو 12 ثانية ده تجربتي أنا بالستب ترونيك بس الستب ترونيك كان 4 نقلات هاي لاين 2010 ماكانش لسه الـ 6 نقلات نزل .. مش عارف هيكون الفرق كبير بينهم ولا لأ ...

و عموما الاختلاف في الرأي لا يفسد للود قضية .. و هصورلك برضه دراج قريب أوي بين عربيتي و اليارس بتاعت صاحبي علشان برضه أوريك تجربي مع اليارس .. يمكن اليارس اللي جربتهم هما اللي كانوا أي كلام .. و يمكن برضه البومة اللي انت بتتكلم عنها دي هي اللي أي كلام !!!

و أنا هنا في مقارنة شراء .. فبنصح صاحب الموضوع يركب العربيتين و يجرب الموتورين و يقولنا رأيه ...

[Ahmod]

إحنا بحثنا و اتكلمنا كتير في الموضوع ده يا أحمد باشا و جيبتلك أكتر عربية بومة 2005 - 2006 - 2007 لانسر من مصر المحروسة مش بره مصر و مش ملعوب فيهم و كلهم بيجيبوا الـ 100 كم في 9 ثواني و عربيتي منهم و مش موضوعنا دلوقتي المقارنة بين الياريس و البومة ...

و ده فيديو البومة 2007 cvt و سيراتو 2010 في مصر برضه و بدون تعديلات .. و ممكن أصورلك أخوه تاني بعربيتي و عربية صاحبي السيراتو ..
Mitsubishi Lancer 1.6L Vs. Kia Cerato 1.6L - YouTube

و لما بقول أرقام بتكون يا إما من الكتالوج فبقول ده من الكتالوج .. أو بتجربتي فبقول دي تجربتي .. فالسيراتو 12 ثانية ده تجربتي أنا بالستب ترونيك بس الستب ترونيك كان 4 نقلات هاي لاين 2010 ماكانش لسه الـ 6 نقلات نزل .. مش عارف هيكون الفرق كبير بينهم ولا لأ ...

و عموما الاختلاف في الرأي لا يفسد للود قضية .. و هصورلك برضه دراج قريب أوي بين عربيتي و اليارس بتاعت صاحبي علشان برضه أوريك تجربي مع اليارس .. يمكن اليارس اللي جربتهم هما اللي كانوا أي كلام .. و يمكن برضه البومة اللي انت بتتكلم عنها دي هي اللي أي كلام !!!

و أنا هنا في مقارنة شراء .. فبنصح صاحب الموضوع يركب العربيتين و يجرب الموتورين و يقولنا رأيه ...

الاتنين بومة اللى في الفيديو اي كلام ! ! ؟ بتاعة صاحبي واللى طلعت فجاءة على المحور دي ! ! ؟ ياراجل قول كلام غير ده !

اقولك الفيديو منطقي ليه ! ! اللحظة اللى البومة طلعت مني من الشمال ! كانت البومة بتاعة زميلي برضوا بتطلع مني من اليمين وده عند سرعة 120 ! ! ؟ بيحصل Drop عندي في ال acceleration ! معناها ان في الرنج ده البومة افضل ! !

وفي الوقت اللى العربية فاقت فيه طلعت من بتاعة زميلي وقللت الفرق بيني وبين التانية وكنت هطلع لولا الطريق ! ! ؟ معناها اني في الرنج ده افضل من الاتنين !! ؟

وبعدين مانا قلتلك نبعد شوية عن كلام الفيديوهات ونخليها باللى بيحصل على ارض الواقع

انا عارف ان الموضوع مابين البومة والسيراتو

بس لما انا ابقى بطلع من البومة اقلها لحد 160/170 ! ومش بطلع من السيراتو

يبقى السيراتو هتعمل ايه مع البومة ! ! ! ؟؟؟

[Dawns_Mist]

معلش يا كبير اسمحلي انا معترض على الكلام ده ! !

انا فاكر موضوعك وجبت فيديوهات وقلت البومة ال cvt من 0-100 في 9 ثواني وانها بتقطع اي 1600 ! وكلام كتيييييييير !

سبنا بقى من كل الكلام ده وخلينا على ارض الواقع كلمت واحد زميلي معاه بومة cvt سوبر اكشن ! انا على الكلام اللى كنت سامعه منك قلت هيزعلني بكتيييييييييير

طلعت معاه على المحور مش عايز اقولك اني طالع منه وحاطه في ضهري لحد 170

ومش بس كدة ده سخن معانا بومة تانية برضوا بالصدفة ! وبرضوا في ال range 140-170 كنت مفرتك الاتنين ! رشعتله عشان يوسعلي مرضاش ! خدت الشمال وجيت اطلع منه فضلت ثابت معاه لحد ما وصلت ل 170 وطبعا صاحبي اللى كنت بشد معاه اصلا كان ورانا احنا الاتنين ! ! بعد ال 170 ماتوري ال 1.3 قالي stop ارحمني كفايا كدة ! !

Btw: انا البوجيهات عندي في عربيتي بقالها خمس سنين وفلتر البنزين نفس الكلام ! وده كاتم العربية على السرعات العالية ! ! يعني اعتقد انا لو روشت العربية بصيانة محترمة وطلعت معاه تاني ممكن افضل حاطه في ضهري لحد ماقفل عدادي ! ! ؟

وانا ماطلعش من السيراتو يعني اسمحلي كدة مع احترامي ليك السيراتو اللى صاحبها مفتحها صح لو جريت مع البومة هتزحفها الاسفلت وراها

ُedit: السيراتو 0-100 في 10.2 بالاستيب ! مش 12.5

وادي الفيديو اهو اتفرج بنفسك !

toyota yaris 1.3 l vs lancer 1.6 cvt drag race - youtube

مع حبي و احترامي و تقديري ليك يا أحمد .. و انت عارف إني مش بتريق والله و إني بقول عليك من زمان راجل محترم ... بس الفيديوهات دي عفوا تثبت العكس تماما يا أحمد باشا ..

انت بتقولي واخد الانسر في ظهرك طول الطريق لحد الـ 170 و بتاع البومة اللي قدامك هو اللي قفل عليك ولولا كده كنت هتزحف 2 بومة وراك ..

راوند 1 ... البومة راكبين 2 .. اليارس راكب واحد .. بداية من الـ 70 كم / س .... البومة ولا مرة جت ولا ظهرك يا أفندم البومة كانت جنبك بفرق الكبوت بس و عدت منك في النهاية برضه على السرعة العالية .. و البومة اللي قدامك انت أصلا ماكنتش عارف تقرب من الشنطة بتاعته و عربيتك كانت خلاص بتموت و البومة التانية عدت منك في النهاية برضه و أصبح المشهد الأخير 2 بومة قدامك و انت اللي في ظهرهم بفرق لا يقل عن 50 متر .. و البومة اللي كانت قدامك عمرها ما قفلت عليك أبدا .. و ماعتقدش إن ده كان واحد بيسخن معاكم ولا غيره ده راجل ماشي في طريقه عادي في حاره واحده و عمره ما غير حارته !!!

راوند 2 ... البومة فضلت جنبك برضه أول ما بدأتم لحد مانت عديت من جنب الميكروباص فكان لازم بتاع البومة يهدي علشان الميكروباص .. بالتالي ده لا يعد دراج عادل أبدا لإنك كده كنت هتلبس البومة في الميكروباص و جاي تقولي إنك بتعدي منها !!!

عموما الفيديو موجود و ياريت أسمع تعليقات باقية الشباب عليه ... و في الأول و في الآخر أنا رديت عليك في المشاركة اللي فاتت و مش فارق معايا انت عديت منها ولا ماعدتش منها .. عربيتي بعد 6 سنين هلك و عدادها دلوقتي عامل 140 ألف كيلو و من غير أي تعديل بتجيب الـ 100 كم / س في 9 ثواني لحد النهارده ... بالتالي انت مش بتكلمني عن عربية غريبة عليا و أنا قتلت موضوع سحب العربيات الشعبية الي في مصر دي بحثا لإني مهندس الميكانيكا و كنت في مرسيدس المعادي و مركز صيانة كيا في كفر الزيات و جربت كل العربيات الشعبية اللي في مصر كلها بنفسي ... و انا مش بقول على البومة عربية مالهاش حل .. لا دي عربية كمالياتها قليلة جدا ، ثباتها كويس لكن مش واو يعني ، فراملها كويسه لكن على قوة موتورها كانت لازم تبقى أقوى من كده ... فأنا بحاول أكون منصف ... الياريس بسوقها بقالي 4 سنين و سوقت أكتر من ياريس و عارف آخرها .. و السيراتو سافرت بيها كتير والله و برضه عارف آخرها .. و بقول لكل عربية حقها على قد ماقدر بدون تحيز .. ولو كلامي يا جماعة مش عاجبكم فانا متأسف و ده مجرد رأي مش ملزم لأي حد .. و أعتقد كفاية أوي كده على المقارنة دي ..

[Dawns_Mist]

ابقى اعمل فيديو من الثبات على طريق فاضي خالص يا أحمد بين البومة و الياريس .. بس من الثبات مدام انت مقتنع إن الياريس في الربنج قبل 120 أحسن و اعمل بيه موضوع مستقل خالص في قسم المقارنات هنا علشان بس مانشتتش الناس في الموضوع ده ..

[Dawns_Mist]

تعديل .. إحقاقا للحق كي أكون منصفا ..

السيراتو الجديدة سحبها من بعد الـ 80 لحد الـ 160 أحسن من سحب عربيتي ..
انا لسه مجرب و متأكد من الموضوع ده النهارده و حبيت برضه أقول الحق علشان أكون منصف ..

أنا مالحقتش أقيس فرق كام ثانية بالظبط .. لكن هو أسرع بفرق مناسب في مصلحة السيراتو الجديدة ، بالنسبة للبومة .. لكن مازالت الشارك 1.5 أفضل في التسارع على السرعات فوق الـ 80 من السيراتو الجديدة و من البومة طبعا ..

دي بس كلمة حق حبيت أضيفها و أكيد هتفيد صاحب الموضوع ..

[MIVEC.A92]

بعيدا اني بكره غبور و الطريقة اللي بينزل بيها هيونداي في مصر ... بس ايه رأيكوا يا جماعة في ال ix20 ... أنا شايف ان العربية دي فلتت من غبور عشان نزلت بالكماليات و انظة الأمان و السعر ده ... ؟؟

[Hosam_Optrawy]

بومه فى 9 ثوانى صعب دا تسارع لينيا تربو او موتور 1600 GDi على الاقل

انا مش باكدبك يا Dawns_Mist بس قصدى ان مش الطبيعى بتاع العربيه انها تجيب التسارع دا يعنى هاتبقى فى حالات وظروف معينه مش كل العربيات

لكن السيراتو هى اللى فى معظم الاحوال هاتلاقيها احسن وبالارقام , لو على الفيديوهات دى فيديوهات زميلنا ياسر الصياد 0 - 100 فى 10 ثوانى

http://www.youtube.com/watch?v=h2YBk8FRe00

ودا فيديو تانى فى 8 ثوانى بس الراجل امين وكاتب انه كان فى منزل

http://www.youtube.com/watch?v=jxhET50Xe54

دا بالنسبه للفيديوهات اما بارقام الكتالوجات فالبومه مستحيل يبقى مكتوب ان تسارعها فى 9 ثوانى

دا اللانسر شارك 2000 سى سى 150 حصان اوتوماتيك تسارعها 10.5 ثوانى من بروشور ميتسوبيشى

وبال 1600 مايفك اللى لسه نازل تسارع فى 13.6 ثانيه برضه من بروشور ميتسوبيشى

طبعا الارقام دى ممكن تتكسر فى التجربه على ارض الواقع بس الفرق مش بيكون كبير

يبقى البومه اللى هى 106 حصان و 142 نيوتن تسارعها 9 ثوانى ازاى