الى خبراء المنتدى الفرق بين شيفروليه لانوس ودايو لانوس

[ahmed_kot88]

الفرق بين شيفروليه لانوس ودايو لانوس
وفى الزيرو الافضل شيفروليه لانوس ولا فيرنا ولا لوجان (مانيوال) من ناحية
1-استهلاك البنزين
2- الاعتماديه
3- الصيانه
4- قطع الغيار
5- السياره كركوبه عامة والتحمل ووسع الصالون
7- جودة خامات السياره
8- الوكيل

[Bently]

اولا الفرق بينهم هو ان الشيفروليه فيها حاجات كتيييير صينى لكن كعربية لاتنين واحد
فى الزيرو ارشحلك اللوجان بقوة
1-استهلاك البنزين----لوجان
2- الاعتماديه -----لوجان
3- الصيانه----لوجان وكيلها محترم و مش بتحتاج صيانة كتير
4- قطع الغيار -----الفيرنا والانوس حاجاتهم منتشرة اكتر
5- السياره كركوبه عامة والتحمل ووسع الصالون ----كل دا و زيادة عليهم علو عن الارض لوجان
7- جودة خامات السياره -----لوجان
8- الوكيل----لوجان طبعااااااا

[Dr'AhmZZong]

اظن الدايو احسن ..

لو عايز زيرو تبقى لوجان تكسب في كل حاجة ماعدا انتشار قطع الغيار تكسب فيها اللانوس و الفيرنا

[ahmed_kot88]

اظن الدايو احسن ..

لو عايز زيرو تبقى لوجان تكسب في كل حاجة ماعدا انتشار قطع الغيار تكسب فيها اللانوس و الفيرنا

الدايو احسن فى ايه بالظبط
وبالنسبه للاقاليم زى حالاتى هتفرق قطع الغيار و الصيانه
ممكن اعرف الصيانه الدوريه فى التوكيل للوجان تتكلف كام يعنى كل كام كيلو وتكلفتها كام

[mailo]

الفرق بين شيفروليه لانوس ودايو لانوس
مفيش فرق ولو في مسمار حتى اللا في 2012 الإزاز ملون والاريال مدمج
وفيه ناس بتقول إن طرمبة البنزين والموبينة بقوا صيني وأنا مش شايف إن دي حاجة مصيبة يعني
وفى الزيرو الافضل شيفروليه لانوس ولا فيرنا ولا لوجان (مانيوال) من ناحية
1-استهلاك البنزين-- معرفش بس المفروض لوجان بحكم إنها احدث بس الفرق بينها وبين الباقيين مش كبير لو فيه فرق
2- الاعتماديه -- lanos طبعا
3- الصيانه -- لانوس وفرنا أي حد بيشتغل فيهم ولو بتعمل صيانة لعربيتك بانتظام مش هتقف معاك خالص
4- قطع الغيار -- lanos وبعدين فرنا
5- السياره كركوبه عامة والتحمل ووسع الصالون -- lanos بلا منازع
7- جودة خامات السياره -- مش عارف بس مفهمش حد حلو اوي أو حد وحش قوي
8- الوكيل -- معرفش

[Dr'AhmZZong]

الدايو احسن فى ايه بالظبط
وبالنسبه للاقاليم زى حالاتى هتفرق قطع الغيار و الصيانه
ممكن اعرف الصيانه الدوريه فى التوكيل للوجان تتكلف كام يعنى كل كام كيلو وتكلفتها كام

الدايو احسن في التقفيل ..

حضرتك ممكن تخش قسم لوجان في رينو و إن شاء الله تستفيد ..

[Sehsss]

بص يا سيدي أنا كان معايا دايو لانوس 2004 وركبت شيفروليه لانوس 2011 ، العربيتين مختلفين في شوية حاجات، أولهم التقفيل الدايو أفضل، ثانيا صوت الموتور أعلى شوية عن الدايو مش عارف ليه، ثالثا في قطع غيار صيني دخلت العربية زي طرمبة البنزين وعملت مشاكل في بعض السيارات وتم تبديلها بالكوري، رابعا فيه حاجات مصري في العربية زي الكراسي والفرش والبطارية وشوية خراطين علشان المكون المصري، وأنا لما ركبت الشيفروليه حسيتها مش زي عربيتي خاااااالص منه لله منصور (خربها)، وفي الوقت الحالي لو عاوز زيرو في نفس الفئة تبقى رينو لوجان أفضل اختيار، وبالتوفيق