سانديرو اوتو ولا حاجة تانية

[crayvor]

السلام عليكم..
اليومين دول بعد ما بصيت علي (أشباه) العربيات اللي بتتباع مستعمل واقتنعت ان اللي معاه عربية سليمة مش بيبيعها اليومين دول (شفت كل حاجة من الكورسا للسيراتو) حاجيب ان شاء الله حاجة زيرو اوتوماتيك.

المهم اللي في دماغي حاليا السانديرو حاصلي صلاة استخارة وبكرة ان شاء الله انزل أحجزها. كنت بس عاوز أسأل للتأكد ان كان فيه حاجة ف نفس رانج السعر (83 ألف) ممكن تبقي أحسن.. وأحسن من حيث ايه؟

اللي مش عاجبني بصراحة ف السانديرو: أماكن زراير الزجاج الكهربا وشكل العدادات بوجه عام. ويعني التابلوه كانو المفروض ع الأقل يعملو كاسيت يمشي مية واحدة معاه زي مثلا الأفيو والأوبترا وخلافه.

اللي بصراحة دخلت دماغي أوي البيكانتو.. بس حاسس ان 83 ألف كتير علي حجمها. كمان شغلي يلزم شوية فيه موضوع البرستيج ف العربية + سفر كتير وده مش متحقق ف البيكانتو نهائي.

فكرت برده ف الأفيو اوتو بس كلام الناس بيقلق منها. كمان العربية مع أخويا وبدأ يظهر فيها التزييق ف المساعدين ورا وأنا وداني حساسة أوي مع الحاجات دي.

أي اوبشنات تانية؟

[Sehsss]

السانديرو عربية كويسة ولو إني عندي رأي يوفر معاك 4 آلاف جنيه وهو رينو لوجان أوتوماتيك بـ79 اللي هي هي السانديرو، وانت أولى بالفرق

[zangry]

السانديرو عربية كويسة ولو إني عندي رأي يوفر معاك 4 آلاف جنيه وهو رينو لوجان أوتوماتيك بـ79 اللي هي هي السانديرو، وانت أولى بالفرق

+111111111

[Donzi]

انت شكلك بتحب الهاتش باك و بالتالي يبقى افضل اختيار فيهم السانديرو مع العلم انها لسة متجربتش بما فيه الكفاية و اقصد الاوتو طبعا بس مقارنة بالبيكانتو فهي 1600 سي سي دا غير الحجم الاكبر و بالتالي الوسع و الراحة جوة العربية افضل

ربنا يوفقك للي فيه الخير

[shaddadfalcon1]

هو ايه الفرق بين اللوجان والسانديرو الأتنين المانيول غير ان السانديرو شكلها احلي وهاتشك باك؟

[ayman1204]

السانديرو حلوة اوى اوى اوى

[crayvor]

شكرا للردود :)
أنا عارف ان اللوجان هي السانديرو بس كا شكل بصراحة عمري ما استريحت للوجان ومستعد ادفع الفرق عشان خاطر السانديرو. أنا مش من النوع الميال لستايل معين بس ميال لأن العربية اللي حاجيبها تكون داخلة دماغي وماتنسوش اني حاجيبها من الزيرو يعني ان شاء الله حاتبقي عشرة 5 سنين ع الأقل. وعندي نظرة الي حد ما ان السانديرو حاتنتشر ان شاء الله.

أي عربيات تانية غير اللوجي؟ أنا نازل أحجز النهاردة ع المغرب كده ان شاء الله.

[M.Radwan]

اتكل على الله السناديرو ممتازة..أنا راكب لوجان وعمرى ما ندمت اني جبتها مع إني مبهدلها ومرمطها ههههههههه

[el_nahal2004]

استخير ربنا وتوكل الله فى السانديرو
عربية جميلة

[Dr'AhmZZong]

السانديرو حلوة اوى اوى اوى

اتكل على الله السناديرو ممتازة..أنا راكب لوجان وعمرى ما ندمت اني جبتها مع إني مبهدلها ومرمطها ههههههههه

استخير ربنا وتوكل الله فى السانديرو
عربية جميلة

[ahmedmohamed7]

توكل على الله :)

[crayvor]

أنا توكلت علي الله ورحت الطارق كارفور.. عنده دفعة جت يوم 6 بس للأسف الطارق مابيجيبش ولا الأزرق ولا الأحمر المارلبورو.. وتقريبا كدة لمحلي ان النبيتي كمان كله متاخد دا لو اتبقي أساسا حاجة من الدفعة اللي جت.. فا قلت ماحجزش بقي طالما كدة كدة خربانة وأشوف كام معرض كدة الأول.
روحت التوكيل قاللي عندي الألوان كلها قلت يا مسهل.. قالي العربية ب 83 (عند الطارق ب 85) قلت يا مسهل.. قالي حاتستلم كمان 3 شهور قلتله يحنن يا حاج علي جنب.. دانا مستحمل شهر من غير العربية بالعافية تقولي 3 شهور

المهم حد يعرف معارض ف اسكندرية جايلها دفعات قريب أو عندها مخزون ف الاستخوبوس؟