محتار بيت عربيات ومحتاج مقارنة جين2-mg-frv

[ggaamm]

بسم الله الرحمن الرحيم

أرجوكم يارجالة حد يفيدنى فى المقارنة دى

أنا عجبانى ال MG3 الجديدة وبيقولوا أنها أنجليزى فى الأصل

لكن كل ما أقول لحد يقولى لا خليك فى الجين 2 . وبصراحة الجين والبيرسونا مع انهم كانوا وكلين دماغى وعجبونى جداً إلا أنى سمعت ان قطع غيارهم غالية وكمان وكيلهم زفت !!!

أما ال FRV فهى كانت حلمى من البداية لكن من بعد ماشوفت تقفيلها خوفت منها لأنه مش قد كده وحسيت ساعتها أن سعرها أغلى من أمكانياتها


كمان لفت نظر الأسبرانزا M12 وعجبنى شكلها وكمان سعرها أقل
وكمان ناس كتير شكرت فى jac ودى بقى سعرها جامد جداً وهى تقريباً فى مستوى الفيرنا

يريت تريحونى فى الحيرة دى
مع العلم أنى قفلت من البروتون كله بسبب سمعته فى الوكيل والغيار وكده

يريت تساعدونى فى مقارنة بين الجين أو برسونا مع الMG3 تحديداً
ويريت أسمع آرائكم فى الباقى :)

وشكراً مقدماً
ممنوع الكتابه باللون الاحمر
مشرف عام 1

[Donzi]

طيب ما انت اصلا قايل انك قفلت من البروتون كله يبقى خرجها من المقارنة لان الجين 2 لو داخلة المقارنة مع كل اللي انت قلتهم يبقى اكيد اكيد هي اللي تكسب

و ماتحصرش نفسك في الصيني خالص و قول انت عاوز عربية في حدود كام بامكانيات ايه و هاتلاقي ترشيحات لحاجات افضل من كدا

[ggaamm]

منا قفلت منها بسبب الوكيل وان قطع غيارها غالية وكمان ناس كتير اجتمعت أن فيها عيوب بتظهر وهى جديدة أصلاً !!!

على العموم انا عاوز عربية فى حدود 80 ولو قسط يبقى ماتزيدش عن 1000 فى الشهر وممكن 30 مقدم

وصحيح المهم تكون شبابية فمتقوليش لوجان ارجوك
هههههههههه

[Dr'AhmZZong]

طب إيه رأيك في رينو سانديرو ؟؟؟

[ggaamm]

طب إيه رأيك في رينو سانديرو ؟؟؟

حلوة بس ضيقة وغالية
وكمان الكامل منها غالى قوى وأنا مش هشترى غير عربية كاملة بصراحة

عاوز أعدى مرحلة 2 أزاز كهربا دى
ههههههههههههههههههه

[ggaamm]

ايه يارجالة مافيش حد يساعدنى

[Sehsss]

طيب ما تشوف النيسان صني، أو رينو لوجان لو بتحب العربيات الواسعة

[ggaamm]

طيب ما تشوف النيسان صني، أو رينو لوجان لو بتحب العربيات الواسعة

اللوجان شكلها معفن بصراحة بالذات من ورا :))

والنيسان كلاسيك حبتين لكنها جميلة أكيد .. بس ده ال ex منها بـ 88 وبصراحة ياسوبر أو أوتوماتيك يابلاش !!

طيب أيه رأيكم فى ال206 ؟؟

[ahmedibrahim]

يا باشا السانديرو واسعة جدا .. نفس صالون اللوجان بس هاتش باك والاتو الكاملة ب82 ألف تقريبا
كمان فى الرينو الاستب واى ودى فيها اي بي اس وايرباج بس مانيول وأعتقد سعرها 78 ألف
والعربيات دى بتتميز انك بتاخد منها أعلى قيمة مقابل ثمنها عشان موضوع اتفاقية أغادير وتخفيض الجمارك عليها ل20% تقريبا

[Sehsss]

اللوجان شكلها معفن بصراحة بالذات من ورا :))

والنيسان كلاسيك حبتين لكنها جميلة أكيد .. بس ده ال ex منها بـ 88 وبصراحة ياسوبر أو أوتوماتيك يابلاش !!

طيب أيه رأيكم فى ال206 ؟؟

بلاش بيجو علشان قطع غيار غالية وتوكيلها سيء

[Hmatchy]

بص لو عايز عربيه ثبات وشكل و استهلاك بنزين ممتاز متفكرش الا فى frv لكن لو بطنك هتوجعك من موضوع انها صينى يبقى فكك منها
انا معايا fsv عامل بيها 50000 ك ثبات لحد 180 و 190 وباكل بيها غرز محدش بياكلها ورايا
توكيل يعتبر الافضل خصوصا ان اللى عاوز يجيب بروتون ينسى التوكيل بتاعها
استهلاك بنزين فوق الممتاز انا لسه رايح اسكندرية كنا 5 وماشى 160-140 ومعانا شنط فولت فى امارات مصر اول الطريق و رحت اسكندريه و رجعت 160-180 وكل ده ب 40 ليتر بالنسبة للتقفيل انا مش شايفو سىء للدرجة بس دى ازواق
لاكن كعربيه ال frv انا شايفها احسن قيمة مقابل المال المدفوع فيها

[ggaamm]

يا باشا السانديرو واسعة جدا .. نفس صالون اللوجان بس هاتش باك والاتو الكاملة ب82 ألف تقريبا
كمان فى الرينو الاستب واى ودى فيها اي بي اس وايرباج بس مانيول وأعتقد سعرها 78 ألف
والعربيات دى بتتميز انك بتاخد منها أعلى قيمة مقابل ثمنها عشان موضوع اتفاقية أغادير وتخفيض الجمارك عليها ل20% تقريبا

ماهى سعرها حلو أنا مش مختلف معاك
لكنى لأول وهلة كده حسيتها ضيقة جداً دى يدوب قد السبارك !!!

وعلى فكرة كذا حد نصحنى بيها بس بارضو حاسسها مش هتريحنى :(

[ggaamm]

بلاش بيجو علشان قطع غيار غالية وتوكيلها سيء

أمممممممممممم

توكيل بيجو وحش !!؟؟

والله دى كانت معششة فى دماغى خصوصاً وأنى سمعت أن توكيلها محترم وقطع الغيار بتركب عليها من موديل 2000 اللى هو الشكل القديم !!!

كده أنت قلقتنى منها بصراحة وخليت الجين تطلع فوقيها مع ان التانية توكيلها زفت بارضو
ههههههههههه

[ggaamm]

بص لو عايز عربيه ثبات وشكل و استهلاك بنزين ممتاز متفكرش الا فى frv لكن لو بطنك هتوجعك من موضوع انها صينى يبقى فكك منها
انا معايا fsv عامل بيها 50000 ك ثبات لحد 180 و 190 وباكل بيها غرز محدش بياكلها ورايا
توكيل يعتبر الافضل خصوصا ان اللى عاوز يجيب بروتون ينسى التوكيل بتاعها
استهلاك بنزين فوق الممتاز انا لسه رايح اسكندرية كنا 5 وماشى 160-140 ومعانا شنط فولت فى امارات مصر اول الطريق و رحت اسكندريه و رجعت 160-180 وكل ده ب 40 ليتر بالنسبة للتقفيل انا مش شايفو سىء للدرجة بس دى ازواق
لاكن كعربيه ال frv انا شايفها احسن قيمة مقابل المال المدفوع فيها

أنا سمعت فعلاً أنها عربية ممتازة بس كله يفضل يقلك صينى صينى صينى لما كرهونا فى العربيات
ههههههههههه

والله كنت بحبها خصوصاً أول مانزلت لكن كل ما أقول لحد يقولى ياعم دى صينى !!

وكمان أنا سمعت ان اللى معاك أحسن من الfrv بكتييييير
بس بصراحة ماكدبش عليك أنا مش متأكد بس المعلومة دى سمعتها كتير تقريباً على ماسمعت عشان التانية أخف وبيقولوا فراملها وحشة والباور على طول بيبوظ !!