بونتو كلاسيك vs فيرنا

[houbaz]

يا رجالة، انا كنت بدور للمدام على فيرنا فى حدود ال 45 الف 2006 او 2007 وانا عارف انها عربية كويسة و يعتمد عليها اقصد Reliable بس وقعت ادامى بونتو كلاسيك 2009 عاملة 22 الف كيلو و حالتها نضيفة اوى و معلوماتى ان البونتو كعربية حريمى مش وحشة.. عايزكو تقارنو معايا من حيث:
1. الاعتمادية و الاعطال
2. اسعار قطع الغيار
3. ال Resale
4. الثبات على الطريق (استخدام الطريق الدائرى يوميا)

و شكرا :)

[Dr'AhmZZong]

كل اللي حضرتك عيزه موجود في الفيرنا ماعدا الثبات في صالح بونتو

[Sehsss]

. الاعتمادية و الاعطال.. الفيرنا
2. اسعار قطع الغيار.. الفيرنا
3. ال Resale.. الفيرنا
4. الثبات على الطريق.. البونتو

[Ghosts]

فيرنا وش ....

[Land_Cruiser]

. الاعتمادية و الاعطال.. الفيرنا
2. اسعار قطع الغيار.. الفيرنا
3. ال Resale.. الفيرنا
4. الثبات على الطريق.. البونتو

[redhat]

انا معايا بونتو نفس الموديل بصراحة العربية هايلة ثابتة علي الطريق وموفرة في البنزين امان عالي وسائد الهوائية- تكيف محترم -فيها اوبشن مش موجود في عربيات اغلي منها كتير وبعدين ايطالي وتقفيل اوربي

[dr_radioooooo]

طالما البونتو حالتها حلوة متسيبهاش وخصوصا لو سعرها كويس
واعتقد المدام هتحبها اكتر

[Dawns_Mist]

فرق أسعار قطع الغيار بين البونتو و الفيرنا ... 30 % زيادة على أي قطعة للبونتو
الاعتمادية و الأعطال ... لو اللي هيركب العربية مش سويق أوي .. يبقى البونتو أفضل لإن الفيرنا مشهورة أوي أوي عند كل مراكز الصيانة بالديسك و الاسطوانه و العمرة و على قد ما موتورها قوي بس بيتهلك بسرعة جدا و عفشتها ماتتوقعش منها الكتير برضه ... بالتالي هيكون التقفيل الأوروبي أفضل في الحالة دي من وجهة نظري
الثبات و الأمان و الأوبشنز و التقفيل و الراحة ..... كل ده في مصلحة البونتو إلا نقطة إعادة البيع طبعا في مصلحة الفيرنا

[houbaz]

الف شكر يا رجالة على مشاركاتكم و اهتمامكم، الحمد لله اشترينا فيرنا زيرو :)

[Hossam_hassan4]

Punto 3arbya more7a gedan w options aktar w shakl a7la kman w aman aktar kteer w sabat

Laken e3adt el be3 fe sale7 el verna w 9eta3 el 3'yar fe sale7 el verna bas msh far2 kbeer w kman e3adet el be3 msh hatefre2 kteer