ماذا تفضل

[amdd]

لو عندك عربية او معندكش وربنا يكرمك كده ويكون عندك قريب
وسواء الشوارع عندك زحمة او فاضية
ايهما تفضل فى اسلوب القياده
قيادة عربية مانوال(m/t) ولا تفضل قيادة عربية اوتوماتيك(a/t)..وايه السبب؟؟

[Dr'AhmZZong]

اوتوماتيك طبعا ..

لأن بلدك بقت زحمة جدا اكتر مما تتخيل ..

[_hema]

كان زمااااااان والبلد رايقه كانت سواقه المانيول ممتعه للغايه


اما دلوقتى فى ظل الزحمه الرهيبه فى كل شبر فى البلد وف كل وقت صبح ليل نهار عصر ظهر فجر كل الاوقات بقت زحمه
طبعاً الاتوماتيك يكسب وبجداره


انا فى رمضان كنت جاى من الزراعى اتجاه الاسكندريه القاهره وكنا فى رمضان وكانت الساعه 2 ليلًا وقفت من بعد نزله كوبرى قليوب لحد ماوصلت مطلع الدائرى اتجاه مصر الجديده ساعتين ونص ولما وصلت صلاح سالم من عند الهايكستب كنت ماشى كان الطريق فى عز الظهر من الزحمه


طبعا لو العربيه مانيول هتنزل من العربيه عايز عشرين واحد يفكوا تجبيسه رجلك من السواقه

الأتوماتيك راحه طبعا فى هذه المواقف عشان انا جربيت الاتنين وسبب ان غيرت للأتوماتيك الزحمه الشديده وطريقه السواقه البشعه اللى ف الشوارع


اسف طولت عليكو


لكم كل الحب

[mohamed_mesho3]

الاوتوماتيك طبعا افضل
عشان الزحمة اللى فى كل شارع فى البلد
و غير كده الفتيس الاوتوماتيك للخدمة الشاقة ( تلاقى كل اتوبيسات الهيئة الكبيرة اوتوماتيك )
و بيحافظ على المكنة جدا جدا جدا لانه بيجبرك انك متحملش اكتر من اللازم على الغيار

[Bently]

المانيول ما اجمله
ممتع جدااااااااااااااااااا
بس فعلا بيفقد متعته فى الزحمة....بس بفضل المانيول برضو لحد اما اجيب استيبترونيك

[Sehsss]

بالنسبة لي المانيوال علشان ممتع فعلا، وخصوصا إني ما بتحركش كتير بالعربية، لكن طبعا لو بتركب العربية كل يوم في الزحمة الأوتو طبعا مريح جدا