fantasia vs focus 2012

[Mohab.Nabil]

انا شوفت الفوكس الجديدة النهاردة فى الطارق

بصراحة معجبتنيش السيدان بس الهاتشباك شكلها جامد اوى

مش عارف ليه حسيت بالفرق الكبير ده جايز عشان الهاتشباك اللى كانت موجودة هاى لاين بس بصراحة شكلها ماشاء الله

[midobond]

عدد الاهرام بتاع الجمعة اللى فاتت نزل اسعار قطع الغيار بصراحة اسعارها منافسة جدا بس ممكن يبقى فى خازوق فى المصنعية تلاقى المصنعية فلوسها مثلا قد فلوس قطعة الغيار 3 مرات اهى دى اللى هتجيب التوكيل ف الارض لان الناس هتحس انها اتنصب عليها

[dozo]

[SIZE="5"][COLOR="Blue"][RIGHT]عدد الاهرام بتاع الجمعة اللى فاتت نزل اسعار قطع الغيار بصراحة اسعارها منافسة جدا بس ممكن يبقى فى خازوق فى المصنعية تلاقى المصنعية فلوسها مثلا قد فلوس قطعة الغيار 3 مرات اهى دى اللى هتجيب التوكيل ف الارض لان الناس هتحس انها اتنصب عليها

اعتقد ان عدد الاهرام اللى حضرتك تقصده كان منزل اسعار قطع الغيار و اسعار الصيانات و كانت معقوله اوى ( غبر شامله اسعار الزيوت ) اللى انا فاكره ان سعر صيانة 5000 كان 237 . ده انا عندى سعر صيانه 10000 445 شامل الزيت ( فى عربيه a113) تصور

[Mahmode]

خللي بالك الفوكس سعر إعادة بيعها زي الزفت وعن تجربة. يعني لو حتبيع كمان 3-4 سنين تعمل حسابك في خسارة مش أقل من 40-50 ألف جنيه

[mody3on]

كل العربيات في الرينج ده كده , الشارك والجيتا والجولف الخ

[hany63]

خللي بالك الفوكس سعر إعادة بيعها زي الزفت وعن تجربة. يعني لو حتبيع كمان 3-4 سنين تعمل حسابك في خسارة مش أقل من 40-50 ألف جنيه

ودي خساره برضه يا راجل ياريت ترسى على كده

[egytamer]

اعتقد بعد 4 ال 5 سنين هتكون الجمارك علي الاوربي بقت قليلة جدا وسعر اعادة البيع لاغلب الاوربي هيكون واقع فمش هتفرق كتير.
كمان اعتقد ان الشكل دا من الفوكاس2012 هيعمل اسم جامد لفورد في مصر والدليل اسعار المصنعيات الممتازة واسعار قطع الغيار الهايلة وانا سلت في المبيعات اذا كانت اسعار قطع الغيار المكتوبة في الجرنال الاصلي الالماني ولا تركي مثلا وبيشتغلونا والراجل اكدلي انها الماني.
فاعتقد انها العربية الي هتكون الحصان الرابح السنادي.

[masterzmind]

راى الفنتازيا عشان توكيل الفوكس هيطلع عينك

[mohamedkordy]

راى الفنتازيا عشان توكيل الفوكس هيطلع عينك

انتا بتجيب الكلام دا كنين يعنىعند حضرتك فورد والتوكيل طلع عينك ولا سمع !!¡!!!!!!!¡

[CryptonX]

focus وش

معرفش ايه الاوكتافيا الي ناس مطلعاها السماء هنا ... و هي برة عربية اقتصادية رخيصة بديلة لل VW !!

[Mahmode]

focus وش

معرفش ايه الاوكتافيا الي ناس مطلعاها السماء هنا ... و هي برة عربية اقتصادية رخيصة بديلة لل vw !!

الأكتافيا عربية اقتصادية رخيصه؟ ههههههههههه معنديش رد على الجزئية دي.

أنا راكب فانتازيا 2010 وأخويا راكب فوكس 2007 والفرق واضح للفانتازا في كل حاجة. عموما يعني أنا رأيي صاحب الموضوع يركب دي ويركب دي ويقارن من جميع النواحي ويشتري اللي مقتنع بيه. الإتنين حلويين. بس أنا عن نفسي ماجيبش الفوكس عشان قطع الغيار غالية وصعب تتجاب استيراد و سعر اعادة البيع اللسيء جدا.

[CryptonX]

الأكتافيا عربية اقتصادية رخيصه؟ ههههههههههه معنديش رد على الجزئية دي.
.

مش رخيصة في المطلق .. رخيصة نسبيا ..ز

يعني الاوكتافيا بتنزل دائما تحت الجولف و الجيتا ..

ده غير انها مازالت بشاسيه الجولف 5 مش 6 و محركات ال MPI القديمة بتاعة VW .

فحرام اصلا تتقارن بالفوكاس الجديدة كليا ... ممكن نستنى ال Mission M بتاعة سكودا و نشوف.

وللعلم برده Seat زي Skoda , بتاخد شاسيهات و محركات VW القديمة (نسبيا - يعني بجيل لوراء ) و تعمل عليها عربياتها علشان توفر في الاموال و تظل ارخص من مثيلاتها في VW.

بس للاسف في مصر الناس فاهمة ان Skoda اعلى !!

[Hesham94]

لا ياباشا الناس عارفة ان فولكس طبعا الام بتاعة سكودا وسيات

بس الحكاية اننا نخاف كل تغيير

ونخاف على اعادة البيع فى مقابل حرماننا من الرفاهية والاوبشنز

علشان كدا انتشر الوباء الصينى والكورى فى مصر !!!

والله يا استاذى انا والدى معاه تمساحة من الزيرو!!
والعربية عاملة 200 الف كيلو
وتمسك اى عربية من بتوع النهاردة تسيأها وتقطعها فى التسارع والسحب والرفاهييييه والخامات المستخدمه وكل حاجة

[mody3on]

الأكتافيا عربية اقتصادية رخيصه؟ ههههههههههه معنديش رد على الجزئية دي.

أنا راكب فانتازيا 2010 وأخويا راكب فوكس 2007 والفرق واضح للفانتازا في كل حاجة. عموما يعني أنا رأيي صاحب الموضوع يركب دي ويركب دي ويقارن من جميع النواحي ويشتري اللي مقتنع بيه. الإتنين حلويين. بس أنا عن نفسي ماجيبش الفوكس عشان قطع الغيار غالية وصعب تتجاب استيراد و سعر اعادة البيع اللسيء جدا.

الفوكس الجديدة جيل اجدد من الاوكتافيا وتكنولوجيا احدث , ممكن الاوكتافيا احسن من الفوكس القديمة , بس احسن من الجديدة ؟ صعبة شوية
هي ممكن يبقى الجيتا او الجولف احسن , انما الاوكتافيا اقل منهم شوية اصلا

[Astra200]

ايه يا رجاله انا قلت حد حيعمل مقارنه بينهم. ياريت حد من ملاك الفانتزيا يقولنا مميزاتها و عيوبها بموضوعيه مقارنه مع الفوكاس من حيث :
1- العفشه
2- قوة الموتور
3- السعر مقارنه بالكماليات ( فانتزيا بيز لاين) و فوكاس. انا رحت سألت فى الطارق الا سكندريه لقيت الفوكاس الهاى لاين 185000
4- قطع الغيار ( الجمعه دى كانوا ناشرين اسعار قطع الغيار و الصيانات بتاعت الفوكاس بصراحه انا لقيتها معقوله اوى) ياريت حد من ملاك الفانتازيا يقولنا ايه نظام الفانتازيا
5- سعراعادة البيع
6- التوكيل
وذلك حتى تعم الفائده لانى شايف العربيتين نفس الفئه السعريه و بصراحه انا محتار بينهم

بص هو العربيتين حلويين بس الفانتاذيا أفخم والبيز لاين فيها كل حاجة ماعدا الزينون والسقف
الفانتاذيا أكبر من جوة وفيها أكبر شنطة "علي الأطلاق"

الفانتازيا أفضل في الأعتمادية -- قطع الغيار بقت موجودة في كل مكان -- مهندسين سابقين في التوكيل فاتحين ورش

من حيث قوة الموتور فهو قوي ومكفي العربية -- وماتحسش بفقد في القوة عند فتح التكييف

ثبات -- تسارع -- قدرة علي المناورة عالية - راحة -اعتمادية ( عاوز حاجة تانية ؟ )