نوبيرا ولا كيا يفيا

[arg1581998]

انا محتاج عربية ومعايا 45 الف .. ومحتاجها اوتوماتيك
و مش عارف هل الاحسن نوبيرا والا كيا سيفيا
رايكم مين احسن ؟؟

مع العلم اني يفرق معايا اتهلاك البنزين وقطع الغيار تواجدها وتكلفتها وايه الموديلات الاحسن في ده او ده

وشكرا للافادة مقدما

[hossampg]

نوبيرا فتيس اوتوماتيك كهرباء مش واير

[mo3tazanas]

كيا بيتهيالى اقل فى استهلاك البنزين فقط

[hossampg]

النوبيرا الافضل لان قطع غيارها منتشرة وعملية صيانتها سهلة

[Ahmed_Ramadan]

لو هتجيب سيفيا لازم تخلى بالك جدا جدا من الفتيس الأتوماتيك

[arg1581998]

طيب ده انا كنت اسمع ان الاوتوماتيك بتاع النوبيرا فيه مشاكل
هل ده سبب يخليني ماجيبهاش واجيب السيفيا ولا بيتغير وخلاص ؟؟

واخلي بالي ازاي من الفتيس بتاع السيفيا يا احمد ؟؟؟

[Sehsss]

ابعد عن النوبيرا الأوتوماتيك خااااااااااااااااااااااااالص، نصيحة لوجه الله، النوبيرا عربية تحفة طبعا وثابتة وموتور قوي بس لو حاببها هات المانيول أفضل، إنما الأوتو، كارثة

[أحمد الجندى]

نفس الكلام فى السيفيا ابعد عن الفتيس الاوتوماتيك وخليك فى المانيوال
لو دخلت على رابطة ملاك السيفيا حتلاقى اغلب المشاكل عند الناس اللى معاها اوتوماتيك ....

[roland_yamaha]

فعلا متفكرش في الاوتو خالص سواء نوبيرا أو سيفيا المانيوال افضل في الاتنين

[Viper12345]

الفتيس الاتوماتيك هيبقى وحش فى اى عربيه لو محافظتش عليه لكن لو اهتميت بيه وبالصيانه بتاعته هيعيش معاك زى الفل

[yoyhmh]

الاوتوماتيك فى الكورى وحش ماعدا الفئات العالية منه--------اوتوماتيك يبقى يابانى او المانى

[Dr'AhmZZong]

ولا ده ولا ده

[mo3tazanas]

هات توك توك بس يكون مانول ماتجبش توك توك اوتوماتك علشان مشاكلة كتير
هههههههه

[elpasha1]

يا جماعة انتو قلبتو الموضوع تهريج لية كدة


بص يا باشا فى مقارنة بسيطة للعربيتين

النوبيرا استهلاك البنزين اعلى من السيفبا
فتيس الاوتو فى السيفيا افضل بمراااااحل عن النوبيرا
النوبيرا اوسع نسبيا من السيفيا
قطع غيار السيفيا غير منتشرة بمعنى انك ممكن تلاقى محل او اتنين فقط فى المنطقة اللى انت ساكن فيها عندهم حاجتها واغلب اللى انت عاوزة مش هتلاقية عكس النوبيرا
عفشة السيفيا رائعة بالنسبة للنوبيرا
تابلون السيفيا ردئ جدا عن النوبيرا
الثبات اكثر من رائع بالنسبة للعربيتين

ارجو ان اكون افدتك