عاوز خبرتكم معايا أكرمكم الله

[Mian]

السلام عليكم و رحمة الله و بركاته

أولا أحب أعرفكم بنفسى أنا أحمد من القاهرة و لسة متخرج يناير اللى فات ...

المهم بقا يا شباب أنا ان شاء الله هشترى أول عربية فى تاريخ حياتى و عاوزها أيام لا تنسى ان شاء الله و نفسى تتكرموا و تساعدونى كأنى ابن أو أخ ليكم و هتشروله أول عربية فى حياته أكرمكم الله

سريعا كده أنا أول لما فكرت أشترى عربية كانت هتبقى سكودا أوكتافيا أوتوماتيك أو سيفيك أو جيتا .. طبعا الوالد كان هيبيتنى فى الشارع

المهم بعد كده فكرت بعقل حبتين و بعد كده حبيت أجيب يا كورولا أو بيجو 308 sw أو فوكس ... طبعا بابا وافق و لكن الوالد المرة ده كان قلبها حنين حبتين

المهم وصلت لدلوقتى و الكل موافق على حاجة من اللى هقولكم عليه :

النترا 2012 .. الشكل تحفة و 130 حصان و استهلاك بنزين قليل 6 لتر لل100 كم .. سعر اعادة البيع حلو
المازدا 3 .. يابانى .. رياضية بحتة .. شكل بناتى !! بس معقول .. الصالون معقول .. سعر اعادة البيع لتحت
التيدا 2012 .. شكل تحفة و لو أنى مش متأكد انها نزلت مصر بالشكل الجديد و لا لأ .. يابانى .. مش عارف بقية المعلومات بس الناس بيشكروا فيها و لو ان كان فيه ناس بيتكلموا على نظام التعليق الخلفى (اللى برضه معرفش ايه هوة أساسا) .. سعر اعادة البيع لتحت تقريبا
ميجان 2012 .. فرنساوى .. شيك بس برضو بناتى !! مبتتباعش تقريبا سعرها النص بعد كده

ديه تقريبا كل معلومات عن ال4 اللى ف دماغى و دول أخر حاجة وصلت لأتفاق مع والدى و والدتى عليهم الله يكرمهما و يزيدهما و يبارك لهما ..

فيا ريت لو أخذ من وقتكم قليلا و تنصحونى بعربية منهم و يا ريت السبب برضه ...
و يا ريت تصحيح لمعلوماتى .. و برضوا لو تدلونى على مقارنة بين العربيات ال4 كاملة يعنى .. و لو فيه عربيات أفضل منهم فى نفس الرانج بتاع الأسعار ده .. يعنى من 120 ل 135 تقريبا

و جزاكم الله خيرا

[mohamed5800]

بص اختياراتك كلها حلوة بس عامة الانترا احسن كأعادة البيع وقطع الغيار ولو كماليات وامان يبقى الميجان والمازدا فلو بتفكر فى اعادة البيع وقطع الغيار يبقى هيونداى وبعديها الميجان واستنى باقى الردود هما هيفيدوك اكتر

[mostafa53]

السلام عليكم ورحمة الله وبركاته
عشان خاطر والدك ووالدتك اللى بيحبوك ماتجبش عربية تغرمهم عليها فلوس كتير فى الصيانة والتصليح. عشان كدة التيدا أنسب لك, وهى برضة فيها مميزات كويسة كتيروسعر إعادة البيع أحسن من الميجان والمازدا, ويابانى

[Hossam_hassan4]

فلووووووونس او ميجان لو عايز عربيه شبابي شويه و الفلونس اثبتت نجاح كبير جداا في مصر و انا برضه ان شاء الله هجيب. اول عربيه ليا و كنت محتار زيك كده و استقريت علي c4 :) شوفها هتعجبك اكيد و فرق الفلوس يستحق

[Hossam_hassan4]

و التيدا الشكل الجديد لسه منزلش

[Sehsss]

أنا رأيي التيدا

[Dr'AhmZZong]

إنت تااااااااااني هههههههههههههه

[Mian]

جزاكم الله خيرا ..

انا كنت كاتب البوست ده فى الأول بس الصفحة هنجت منى .. فرحت كتبته تانى ...

على العموم جزاكم الله كل الخير .. باينها هترسى على التيدا ان شاء الله

و اكتشفت ان البوست الأولانى اللى هوة ده محطوط و معرفتش أدليته :)