عاوز خبرتكم معايا أكرمكم الله

[Mian]

معلش يا جماعة كنت عاوز منكم مقارنة بين العربيات التالية :

1- نيسان تيدا أوتوماتيك 131و نص

2- مازدا 3 129 و نص

3- رينو ميجان 135

4- هيونداى النترا 128 +ABS

موديلات 2012

علما (حلوة علما ده ) بأن العربية ده هتكون أول واحدة ليا ..

أنا قريت كتير فى المنتدى من زمان من أيام أول أحلام العربية عندى

الحمد لله أنا استقريت على ال4 دول فى الرانج بتاع أسعارهم من 125-135 بعد شهور من الود و المحبة المتبادلة بينى و بين والدى الله يبارك لهما و يرزقهما و يزيدهما ..

طبعا انا ابتديت بأحلام كبيرة زة جيتا -سيفيك-أوكتافيا ... و كنت هضطر أبات فى الشارع وقتها

الحمد لله ... أحلامى ابتدت تخفت تدريجيا حتى وصلت للكورولا و بيجو 308 sw و فوكاس و الأسترا .. بس الحمد لله مفيش مشاكل يعنى ان الواحد مياكلش 3 أيام يعنى

و أخيرا تمت الموافقة على أقل الأحلام و هى العربيات ال4 اللى كنت بسأل عليهم ..


علما بأن ( لتانى مرة ) انى مش هدفع حاجة .. و والدى هو اللى هيدفع ..ربنا يخليهولى و يبارك له.. و أنا لسة متخرج يناير اللى فات و بقبض 370 جنيه بالتمام و الكمال

عذرا على الأطالة

[Mian]

معلش برضوا كنت بسأل لو فعلا تيدا 2012 نزلت مصر بالشكل الجديد مش القديم بتاع 2011

[Dr'AhmZZong]

ممكن إنت تدخل كمان رينو فلونس .. يبقى كده احسن 3 اختيارات تيدا و فلونس و ميجان ..

سؤال بس عشان اقدر افيدك قوي عشان كلهم حلوين ؟

[Land_Cruiser]

ممكن إنت تدخل كمان رينو فلونس .. يبقى كده احسن 3 اختيارات تيدا و فلونس و ميجان ..

سؤال بس عشان اقدر افيدك قوي عشان كلهم حلوين ؟

+1111111

[Mian]

شكرا يا أستاذ Ahmazong و أستاذ Land_Cruiser على المشاركة و الرد

أنا هرخم على حضراتكم أكتر و هطلب مقارنة بينهم ال3 و أيهم أفضل من وجهة نظر حضراتكم بصورة شخصية بحتة مفيش مشاكل كأن حضرتك هتشتريها لنفسك

الفلوانس مع والدى بس أنا شايف أنها كشكل مش الجامدة أوى .. و من جوة كأوبشنز برضه مش أد كده بس لو فعلا أفضل من الباقين أو أدائها أقوى أنا ممكن أشتريها و مش مهم أوى الشكل يعنى

و جزاكم الله خيرا

[Mian]

هوة معلش يا أستاذ Ahmazong كان ايه السؤال؟ :)

[Mian]

أنا ان شاء الله هقرأ على ال3 اللى حضرتك حددتهم فى أقسامهم فى المنتدى برضو عشان أكون على وعى بالتفاصيل اللى حضرتك هتقولها ان شاء الله

[minicooper20]

ماذدا 3 و بعد كده الميجان

[Dr'AhmZZong]

هوة معلش يا أستاذ Ahmazong كان ايه السؤال؟ :)

أنا ان شاء الله هقرأ على ال3 اللى حضرتك حددتهم فى أقسامهم فى المنتدى برضو عشان أكون على وعى بالتفاصيل اللى حضرتك هتقولها ان شاء الله

إيه ده تصدق نسيت السؤال ههههههههههههه ياه على الكسفة ..

احتياجات حضرتك اييييييييه في السيارة بالتفصيل لو سمحت ؟؟؟

[Mian]

@Mini cooper20
جزاكم الله خيرا .. طاب ممكن حضرتك توضح لى ليه أسباب ترتيبك المازدا قبل الميجان؟

@Ahmazong
هههههههه .. احتياجات مرة واحدة ؟ :)
أنا عاوز الستر .. أنا لسة جديد فى عالم العربيات بصراحة أخرى أعرف الماركات الحمد لله و أن الكرسى القدمانى بيبقى جنب السواق و نادرا ما سمح لى أنى أسوق لأن العبد لله مصايبه كتير
الحمد لله ربنا رزقنا بعربيات كتير جات و راحت و جت و راحت و الحمد لله العبد لله كان بتنتهى على ايده أمل عربيات كتير

فأنا عاوز عربية سهلة أنى أحدد ابعادها و مرايتها واضحة.. أوتوماتيك طبعا ... أحسن أوبشن فرامل ABS and EBD .. أوبشن لذيذة جوة العربية .. أنا مش داخل سجن يعنى .. أدائها عالى حبتين عشان لو حبيت أتنطط على زمايلى اللى ذالينى فى الراحة و الجاية .. أستغفر الله .. من تواضع لله رفعه .. :) ... يعنى حاجة أفرح و أنا راكبها فى شوارع قاهرة المعز من جوة و من برة كمان يكون شكلها مريح و كويس و يكون أخرها 135

هوة أنا قريت الأيام اللى فاتت كتير أوى و غالبا الأمر كل شوية بعد لما أستقر على حاجة ألاقى حاجة تانية ... ربنا يهدينى .. آمين
الموضوع غالبا استقر على :
1- ""رينو ميجان ---- رينو فلوانس"" .. و لو ان الفلوانس مع الوالد بس مفيش مشاكل ممكن أجيبها هنا
2- ""نيسان تيدا"" ... بس للأسف تقريبا الشكل الجديد اللى بجد تحفة متحركة مش نازل مصر الا بعد سنة !!
3- ""مازدا 3"" ... مشكلتها سعرها بيضرب النص بعد أول ستارت ليها

999- يجى فى المركز الألف كده "" الهيونداى النترا"" عشان أنتيمى عمال يزن على ودانى و انها 130 حصان .. و هى أعلى واحدة فى الهورس باور و الباقيين يا اما 105 للمازدا و الرينو يا اما 110 للتيدا ...

و الله أعلم

جزاكم الله خيرا يا شباب

[minicooper20]

ماذدا اعتماديه اكتر
اوبشن تكيف قوى
ممتعه فى الجرى جداااااااااااااااااااا
اعملها تست درايف
الميجان تحفه بس مش وخده سمعه فى مصر مش اكتر

[Dr'AhmZZong]

بص يا سيدي ..

مفيش عربية من دووول هتشوف ابعادها ههههههههههه أنا عارف إنها صدمة ..

لو عايز عربية امان عالي زي airbags .. abs ebd bas .. يبقى تيدا و مازدا و ميجان و فلونس

عايز عربية بقى تعلم على أي حد بيها تبقى تيدااااااااا < مش ببالغ على فكرة > .. أقوى تسارع في الفئة ديه ..

من الآخِر لو عايز عربية فيها كل حاجة إنت عيزها تبقى فلونس و ميجان ..

لو عايز عربية فيها كل ده < بس شكلها مش قد كده > + تسارع قوي جدااا تبقى تيداااااااااا < بس ثباتها وحش بعد 140 > ..

بالنسبة بقى للتوكيلات : توكيل نيسان و بعديه رينو من احسن التوكيلات في مصر كلها ..

أنا فيه حاجة كمان أنت زي العسل ههههههههه ..

ربنا يوفقك و تجيب حاجة حلوة ..

تحياتي ..

[Mian]

Jazakum ALLAH Ya mini cooper 20

سمعت من زمايلى أن الموتور بتاعها رقيق حبتين عشان كده بتعمل عمرة مرة التانية .. التالتة أوت .. و أحيانا بعد الأولى و ان سعرها علشان كده بيضرب بالنار ..

طبعا جربتها مع واحد زميلى جراية و تحفة من جوة و شيك و كل حاجة بس الخوف من حكاية الموتور ..

هوة الظاهر كده أن كل العربيات أجمل من بعض و أنا أول مرة هركب عربية تكون بتاعتى شخصيا فان شاء الله أنا مش هكتر فى اللف و الدوران أنا عاوز أى عربية .. و الفروق بين العربيات اللى بدرو عليها غالبا مش هتفرق مع واحد مبتئ زى يعنى و لا هتفرق؟؟

جزاكم الله خيرا يا باشا و نورتنى و الله

[Mian]

Ahmazong Basha

الله يكرمك يا باشا و الله مش عارف أشكرك ازاى و الأخوة الزملاء
بجد جزاكم الله خيرا

و الله معلومات حضرتك يعنى زى ما تكون بتيجى على الجرح .. يعنى بحس حضرتك بتخاطب العقل أحيانا و هكون خلاص قربت أقتنع بالعربية الفلانية و برضه بتخاطب القلب و برجع أفكر تانى .. بجد و الله شيق جدا فى العرض .. يا رب تطلع زى نبيل فاروق بس فى وقت راحتك يعنى :)

خلاص هى كده غالبا :

-- تيدا : مبيفرقش الشكل معايا أوى طالما هفحت زمايلى :)))

--الرينو عموما : الميجان ثم الفلوانس

--المازدا : بصراحة كانت عتكون رقم واحد لولا كلام زمايلى عليها ( معلش يا مينى كوبر باشا :) )

بس الحمد لله الواحد خلص من تطنيش الألنترا .. فكرة برضه أتصل أرخم على أنتيمى :)

ربنا يكرمك يا Ahmazong باشا على الأطراء الجميل .. ربنا يكرمك يا رب و يفتح أوسع أبواب رحمته و أوسع أبواب رزقه .. طبعا يعنى مش لوحدك و الأخوة الزملاء اللى مشرفينى و منورينى بجد :)

thx alot
Ahmazong ß*ß MiniCooper20 ß*ß Land_cruiser

[minicooper20]

ماذدا تعمل عمره؟
ليه يا حبى هى فرنا
دنا ابن خالتى معاه ماذدا 3 2007 عمال بيها 270 الف كيلو تركبها تقول زيرو
اعتمادييييييييييييييييييييييييييييييييييييه راهيبه و اضمنهالك برقبتى
و لو عايز تجرب اجبهالك لحد البيت تشوفها
و ال 2012 اجمل كمان
و ماتورها وحش رقيق دى كلمه عيب فى حاقو يا صحبى