استرا تربو ولا فانتازيا؟

[hurgada90]

أكيد في ناس هتقولي دي حاجة ودي حاجة :
الإتنين سعرهم 214,000
مميزات الاسترا:
متورها قوي 180 حصان
شكلها شبابي خصوصا إني عندي 21 سنة
فيها esp مش موجود في الأكتافيا
ثبات خرافي أنا ركبتها مع واحد صاحبي بس مش التربو
توكيل منصور قريب من بيتي جدا

عيوبها:
قطاع غيار مش متوفرة بـسهولة .
توكيل منصور

طبعا الفانتازيا لا غوبار عليها عربية مفهاش غلطة
بس بالنسبالي :
متورها ضعيف عشان أنا بحب الجاري
انتشرت بزيادة وده خلها مش مميزة
شكلها مش شبابي

ا رأيكم ؟

[Moustafa_Kamel]

طيب ما انت محدد اهه انت عاوز ايه
لو هاتجري و هاتحرق و الكلام ده يبقي ابعد عن الفانتزيا
هي عربيه محترمه و كل حاجه بس مش بتاعه جري اوي

[Mahmode]

طبعا العربيتين محترمين وزي مانتا عارف كل واحدة فئة غير التانية خالص وده بيخلي الإختيار سهل مش صعب.

بص, طبعا بالنسبة لشاب وبتحب الجري الأسترا أنسب كتير ليك. بس أنا برضه شاب بس أكبر منك ب10 سنين وجايب الفانتازيا. أنا شايف لو عاوز جري وانت مش متجوز وفلوسك كتير شوية. هات الأسترا. لو عاوز برستيج ووسع وأوبشن وعملية (توافر/أسعار قطع الغيار, سعر إعادة البيع/تكاليف الصيانة) يبقى فانتازيا. والإختيار ليك

[Hossam_hassan4]

اعتقد ان اللي نازله مصر مش كويسه بسبب منصور انو منزلها فاضيه و التقفيل كمان تقريبا مش كويس اللي نازل و توكيل منصور ماحدش قال كلمه كويسه في حقو
فكر في جولف 6 او فورد فوكس

[Land_Cruiser]

او ممكن البرافو بس لما التوكيل يتغير. ايه بس اللى يخلليك تدبس فى توكيل منصور؟ ما شفتش حد بيشكر فيه

[AshTurbo]

أوبل أسترا .... لو مكانك أجيب الفولفو s60 مستعملة أستعمال خفيف بالسعر اللي معاك تقريباً وأهي تيربو بردو ( :

[Dr'AhmZZong]

ابعد عن منصور عشان توكيل سيء جدااااااااا .. و كمان مش فاهمين في عربيتك ..

خليك في فانتازيا و توكلها محترم ..

[melagouze]

مع احترامي للاعضاء..... و لكن التعليقات اغلبها سماعيه بدون تجربه حقيقيه للعربيتين...او تعامل مباشر للتوكيلين

[Formulator]

اعتقد ان اللي نازله مصر مش كويسه بسبب منصور انو منزلها فاضيه و التقفيل كمان تقريبا مش كويس اللي نازل و توكيل منصور ماحدش قال كلمه كويسه في حقو
فكر في جولف 6 او فورد فوكس

أختلف مع حضرتك,
الأسترا بتنزل ألمانى (مش GM), و أوبل كـ شركة.. فيه حاجات ماينفعش فيها تنازلات, زى الأمان والمكونات وكده.

يعنى:
- منصور يقولهم عايزها ABS بس (من غير EBD, HBA).. مش هيوافقوا
- الوكيل يطلب العادية بـ Airbag واحدة, والتربو بـ2 أيرباج.. أوبل هترفض, هما 2/4 فـ العادية.. و6 ايرباج فـ السبورت.. ده اللى عندنا.
قيس على كده معظم "الأساسيات" بتاع العربية, لكن بتنزل بره بـSat-Nav ومصر لأ.. عادى جدا

ده مايمنعش ان فيه شركات كتير بتفصل للوكيل عربيات.. غبور طبعا كـ مثال.

بالنسبة للمقارنة:
أنا هاختار الأسترا تربو طبعا, عشان الأداء (ولو انه قليل على 180 حصان, عشان الفتيس قتلهم).. بس برضه أسترا over فانتازيا.

[Astra200]

أكيد في ناس هتقولي دي حاجة ودي حاجة :
الإتنين سعرهم 214,000
مميزات الاسترا:
متورها قوي 180 حصان
شكلها شبابي خصوصا إني عندي 21 سنة
فيها esp مش موجود في الأكتافيا
ثبات خرافي أنا ركبتها مع واحد صاحبي بس مش التربو
توكيل منصور قريب من بيتي جدا

عيوبها:
قطاع غيار مش متوفرة بـسهولة .
توكيل منصور

طبعا الفانتازيا لا غوبار عليها عربية مفهاش غلطة
بس بالنسبالي :
متورها ضعيف عشان أنا بحب الجاري
انتشرت بزيادة وده خلها مش مميزة
شكلها مش شبابي

ا رأيكم ؟

بالنسبة للأسترا -- ياريت تراجع نوع الفتيس -- لو ايزي ترونيك بلاش -- اللي استعملوه ماحبحوش

بصراحة غالية -- وأعتقد اعادة بيع ممكن تخسر والله أعلم

[Formulator]

بالنسبة للأسترا -- ياريت تراجع نوع الفتيس -- لو ايزي ترونيك بلاش -- اللي استعملوه ماحبحوش

لأ,
الفتيس الجديد 6-سرعات أوتو بتاع شركة Aisin-Warner بتورده لـGM/Opel Vauxhall
وده فتيس اوتوماتيك عادى..
(ياريت بس يستحمل عزم موتور التربو.. ومايعملش زى فتيسات الفكترا B2 لما كانت بتتفرتك من الموتور 2.0 16v 136HP) فى تجهيز الـCDX.

الفتيس القديم مانيوال بدبرياج كهرباء Sequential, من شركة Magneti-Marelli.. و GM كانت بتنزله فـ الأوبل/الفوكسهول بس.