ما هو افضل توكيل فى مصر؟

[Ramy.Gamal]

بسم الله الرحمن الرحيم
كنت عاوز اعرف رأى اعضاء المنتدى الموقرين فى رأيهم ايه احسن التوكيل فى مصر .المقارنه هتكون فى توافر قطع الغيار ومفيش جمله لسه هنبعت نجيبها من المصنع و احترام العملاء فى الاستقبال والحجز والمواعيد والصيانه تتم بجد مش العربيه تدخل بعيب تخرج بأربعه زى بعض التوكيلات . انا محبتش اعمل استفتاء علشان محددش توكيلات معينه ،انا عاوز كل توكيلات تتحط فى المقارنه. وشكرا

[Ramy.Gamal]

انا عن نفسى من واقع تجربتى مع مصريه توكيل متسوبيشى .توكيل محترم جدا فى كل حاجة وفى نظرى من اهم اسباب انتشار وتكوين هذا الاسم لصالح متسوبيشى .مفيش حاجة اسمها ان مفيش قطعه غيار معينه وهنبعت نجيبها من اليابان او اكون حاجز صيانه ومدخلش لانى رحت متأخر مثلا لأ هما ملتزمين انها لازم تدخل ومعامله ممتازة واستقبال محترم جدا

[Hassanelrafe]

توكيل رينو محترم جدا

من خلال تعاملي مع توكيل رينو - لسنوات
ممكن اقول انهم من أفضل التوكيلات

حسن الرافعي

[Defender]

انا بسمع غزل في توكيل منصور

[MoToRiZeR]

توكيل رينو محترمين و بيخلصوا العربية بسرعة و بعد مرتين خلاص بيكونوا عرفوك و يرحبوا بيك احسن ترحيب

توكيل دايهاتسو تحفة من حيث الإستقبال و خدمة العميل في الوقت اللي بيبقوا شغالين فيه في العربية .. بس نوافر قطع الغيار ممكن يكون نفطة ضعف لأن احيانا بيحصل عجز عندهم و فيه ناس في المنتدي هنا كانت كتبت ان بقالهم كتير مش موفرين الزجاج الامامي للسيريون

بس انا عن نفسي محصليش مشاكل مع التوكيل و ربنا ما يجيب مشاكل
و مبسوط منه الحمد لله

[Nistelrooy]

اسمع ان الكويت والبلاد العربية كويس

[Sharky]

من تجربتى توكيـــــل ريـــــــنو

[som3aa]

أقدر اقولك بثقة مفيش توكيل كويس فى مصر.
المقارنة فعلا بين مين احسن الوحشين.
يعنى توكيل رينو سابوا الناس تشتكى من الميجان و مزودوش الضمان و اهتموا غير لما نزلها منافسين كتير اوى طردوها من السوق قام رفع الضمان (اعتقد كان رفع ضمان الفتيس فى الاول)
يمكن توكيل دايهاتسوا كويس الله اعلم , بسمع عنه كلام كويس الصراحة.
منصور لأ طبعا خالص.

[Sharky]

مين قال لحضرتك إن توكيل رينو ساب الناس تشتكى من الميجان !!!!!!
حضرتك ممكن تخش على منتدى رينو و تشوف كل ملاكها صوتوا على توكيل رينو و قالوا عليه إيه

[Nile_Storm]

انا رايي حدد السياره اللي انت عاوزها الاول و بعدين نتكلم في حوار التوكيل
لان السؤال كده عام جدددا

[SEATLOVER]

ببساطة كل واحد عندة نوع عربية لقى معاملة كويسة من التوكيل (هايقولك دة احسن توكيل فى مصر) ... وكل واحد قابل مشكلة فى عربيتة مع التوكيل هايقولك دة اسوء توكيل فيكى يا مصر

ونتقابل فى الصفحة 17 إن شاء الله

[fakoussa]

فعلا توكيل رينو غريب لان واحد صاحبى معاه ميجان 2004 و كان ضمانها 60000 كم و بعد مانزلوا موديل 2005 قالوا ان الضمان 100000 كم . فاتكلمنا سألنا ان الضمان لموديل 2004 بقى 100000 كم برضوا قالوا لا .

و برضوا فى حاجات بتبوظ فى العربية عيوب تصنيع ما بيردوش يغيروها على حسابهم .

و عامة كل توكيلات السيارات فى مصر حرامية و نصابين و اسعارهم عالية جدا . سواء فى قطع الغيار او فى المصنعية . و بصراحة مش عارف ايه السبب . لو رخصوا اسعار قطع الغيار و الصيانة كل الناس هاتروح التوكيل مش هاتروح الحرفيين

[Ramy.Gamal]

طبعا ملاك هيونداى معندهمش كلام عن غبور اكيد

[Sharky]

فعلا توكيل رينو غريب لان واحد صاحبى معاه ميجان 2004 و كان ضمانها 60000 كم و بعد مانزلوا موديل 2005 قالوا ان الضمان 100000 كم . فاتكلمنا سألنا ان الضمان لموديل 2004 بقى 100000 كم برضوا قالوا لا .

و برضوا فى حاجات بتبوظ فى العربية عيوب تصنيع ما بيردوش يغيروها على حسابهم .

حضرتك ضمان الميجان 2004 و 2005 كان 40 الف كم أو سنتين مكانش أصلا 60 الف كم
على فكرة أنا غيرت حاجات فى الميجان ببلاااااااااااااش بعد الضمان و ممكن ترجع لمنتدى رينو و تقرأ الكلام دا بنفسك