الى خبراء نايل موتورز

[just_magdy1]

السلام عليكم
بعد فترة من تغيير العربيات والانتقال من سيارة الى اخرى ( ٩ سيارات ) آخرهم اوبترا والنترا وشارك نفسى أجيب عربية تطول معايا شوية على الاقل ٣ او ٤ سنين وأنى بثق جداً فى اسرة نايل موتورز قررت ااخد رأيكم فى عربيتى القادمة
أنا ميزانيتى ما يقرب من ١١٥٠٠٠ وعايز عربية كسر زيرو .
هاسيبكم انتم المره دى تختارولى وشكرا مقدما .

[corsair]

شوف المازدا 3

والرينو الفلونس

والنيسان التيدا

[Dr'AhmZZong]

شوف المازدا 3

والرينو الفلونس

والنيسان التيدا

[just_magdy1]

أنا تقريبا شبه استقريت على الفلوانس لان المازدا ضيقة ومش عاليه عن الارض والتيدا اسمع ان ثباتها مش قد كده

[MaZaGAngeE]

التيدا ثابتة جدا
الرينو طبعا اوسع
بس في الحدود دي ممكن تاخد vovlo S80

[benmatar]

طالما حضرتك ركبت عربيات كتير، وبتدور على حاجة تعيش معاك شوية، أنصح حضرتك بالتوجه واقتناء سيارة أوروبي بصفة عامة والتركيز على المدرسة الألماني بصفة خاصة.
وأكيد حضرتك عارف إن الأوروبي يتميز عن الآسيوي بمتانة الهيكل وارتفاع معاملات الأمان وكفاءة المحرك والثبات في السرعات والدورانات وقطع غيار معمرة بشرط أن تكون أصلي وأن تتم الصيانة عند متخصص (مش توكيل ومش أي ميكانيكي)
أنصح حضرتك:
- سكودا أوكتافيا a5 2008-2009 إليجانس أعلى فئة بشرط كيلومتر قليل أو معقول وتكون فابريقة بالكامل وده موجود، عربية محترمة وقطع غيارها كويسة وإمكانياتها محترمة وسمعتها في السوق لا بأس بها.
- طبعا بي إم دبليو الفئة الثالثة أوائل الألفينات، طبعا غنية عن التعريف وبرضه بشرط الحالة وفابريقة
- فولكس واجن باسات منتصف الألفينات، رائعة
وطبعا في حاجات تانية كتير بس ده اللي أنصحك بيه وعن تجربة فعلا. وبالتوفيق

[just_magdy1]

التيدا ثابتة جدا
الرينو طبعا اوسع
بس في الحدود دي ممكن تاخد vovlo s80

حقيقة أنا ماسقتش التيدا حكمت عليها فقط من خلال السمع ما اعرفش حاجة عن الفولفو خالص شكرًا لمرورك

[just_magdy1]

طالما حضرتك ركبت عربيات كتير، وبتدور على حاجة تعيش معاك شوية، أنصح حضرتك بالتوجه واقتناء سيارة أوروبي بصفة عامة والتركيز على المدرسة الألماني بصفة خاصة.
وأكيد حضرتك عارف إن الأوروبي يتميز عن الآسيوي بمتانة الهيكل وارتفاع معاملات الأمان وكفاءة المحرك والثبات في السرعات والدورانات وقطع غيار معمرة بشرط أن تكون أصلي وأن تتم الصيانة عند متخصص (مش توكيل ومش أي ميكانيكي)
أنصح حضرتك:
- سكودا أوكتافيا a5 2008-2009 إليجانس أعلى فئة بشرط كيلومتر قليل أو معقول وتكون فابريقة بالكامل وده موجود، عربية محترمة وقطع غيارها كويسة وإمكانياتها محترمة وسمعتها في السوق لا بأس بها.
- طبعا بي إم دبليو الفئة الثالثة أوائل الألفينات، طبعا غنية عن التعريف وبرضه بشرط الحالة وفابريقة
- فولكس واجن باسات منتصف الألفينات، رائعة
وطبعا في حاجات تانية كتير بس ده اللي أنصحك بيه وعن تجربة فعلا. وبالتوفيق

فعلا أنا نفسى اركب الاروبى المشكلة أنى مش لاقى اوكتافيا ٢٠٠٨ او ٢٠٠٩ كيلو متر قليل وحالتها نضيفه
بالنسبة ل بى ام والباسات خايف أجيب حاجه موديل قديم والبس فى حيطه وخصوصا ان تكاليف صيانتها عاليه جداً
شكرًا لمرورك