صاحبي محتار بين اللانسر بومة 2012 والنترا 2012

[iwantes350]

السلام عليكم ورحمة الله وبركاته
ازيكم يا شباب
عاملين ايه؟؟
صاحبي سالنى يجيب مين هل اللانسر البومة 2012 ولا النترا 2012 الجديدة
وانا اعتقد ان البومة كان اخرها 2011 صح ؟؟؟
دلوقتى وبكل مصداقية وبدون تحيز لعربية معينة مين افضل من ناحية الاداء بشكل عام والثبات والراحة وكل حاجة
ولو في اى عربية ممكن تدخل المقارنة يا ريت تشوفو ...
ومتشكر in advance >>>>

[Hossam_hassan4]

انا راي الفلونس في نلس رينج السعر و عربيه اثبتت نجاح جدا و بدات تنتشر و اعتقد انها احسن من الكوري في الثبات و الاداء لاكن الالنترا سحبها كويس جدا بس الرينو برضو برستيج و احسن توكيل في مصر و قطع غيارها بقت متوفره برضو و اليومه انا شايفها قدمت بصراحه و مش هايحس انو راكب عربيه جديده بس طبعا هي احسنهو اداء و تكييف و تحمل

[Dr'AhmZZong]

انا راي الفلونس في نلس رينج السعر و عربيه اثبتت نجاح جدا و بدات تنتشر و اعتقد انها احسن من الكوري في الثبات و الاداء لاكن الالنترا سحبها كويس جدا بس الرينو برضو برستيج و احسن توكيل في مصر و قطع غيارها بقت متوفره برضو و اليومه انا شايفها قدمت بصراحه و مش هايحس انو راكب عربيه جديده بس طبعا هي احسنهو اداء و تكييف و تحمل

جبت المفيد ..

[iwantes350]

متشكر ليكم بجد
بس الفلونس هل سحبها حلو
مع العلم انه كان معاه فيكترا 2000 سي سي
يعنى مش عايز يحس بفرق السحب
فا ايه نظامها فى الاداء؟؟

[Hossam_hassan4]

هيحس بفرق السحب بصراحه خاصه في التجميع علي الاول بس بعد ال 60 مفيش فرق و كل العربيات الاوربي كده معادا الالماني ده غير طبعا الثبات علي سرعات عاليه

[dramir1]

انا شايف: النترا بس لازم كامله GLS او fully loaded لازم جنوط اسبور وabs عشان الثبات والفرامل

ولو ظروفه تسمح بالشارك هاي لاين 2012 1600 سي سي يبقى كده تمام
لكن البومه بلاش :عربيه قديمه وساعات بركبها بتاعة اختي
1600 سي سي مش هيتبسط بيها خاصة انه نازل من اوبل 2000 سي سي يعني اسد على الطريق

[sadkoooi]

نصيحة ليك من غير كلام ولا توجع دماغك هات الانترا 2012 سحب راحة ثبات عربية انتشرت بسرعة وغربية قمة الشياكة

[moh19227]

بلاش البوما قدمت اوي اوي النترا الجديده عربيه رائعه

[Dawns_Mist]

بالنسبة لإنه كان نازل من أوبل 2000 سي سي .... فعلي فكرة البومة أو الإلنترا سحبهم أحسن من الأوبل 2000 سي سي في الطلعه و لحد 100 كم / س .... بعد كده الأوبل هتكسب ..... أنا مجرب الأوبل 2000 سي سي الشكل الجديد و القديم و اختبرت النقطة دي كويس ...... لكن هيحس بفرق في الثبات و التقفيل لما ينزل لأي عربية من دول ...

بالنسبة للبومة و الإلنترا :
إلنترا أحسن في السحب ... بومة أحسن في الخامات الداخلية ... إلنترا كماليات كتير و شكل جديد ... بومة ثبات أفضل لكن شكل قديم ... إلنترا أنعم و مريحة ... بومة تستحمل أكتر و عفشة متينة جدا ...

* نصيحتي .... شارك 2012 1.6 ( صدقني مش هيحس فيها لا بفرق السحب ولا بفرق الثبات و التقفيل ) يكن هيحس بفرق العزل ..... و ممكن الفليوانس و أعتقد مع كمالياتها و تقفيلها و شكلها و عزلها هيحس إنه لسه جوه الكاتيجوري الأوروبي و إنه مانزلش أبدا بالمستوى .

[تامر.محمد]

الالنترا طبعا

اظن شارك او فلوينس هاتبقى اختيار افضل برده