تويوتا ياريس 2008 كاملة أتوماتيك ولا أوبترا 2009 أتوماتيك

[elshatlawyt]

ممكن مقارنة بين تويوتا ياريس موديل 2008 كاملة أتوماتيك ماشية 33000 كيلو وفابريكة برة وجوة أعلى فئة مع أوبترا أوتوماتيك ماشية 42000 موديل 2009 وبردة فابريكة برة وجوة

برجاء الأفادة ولو أمكن سعر السيارتيين فى السوق المصرى كام دلوقتى


وشكرا جزيلا

[Dr'AhmZZong]

مممممممممم بصراحة الياباني لا يعلى عليه كاقتصداي و موفر جدااااا خصوصا الياريس ..

بس أبترا برده عربية محترمة .. واسعة .. موتور قوي .. فتيس حلو .. مميزتها كتييييييير ..

أنا من رأي تشوف صني احسن ..

[fox3d]

انا معايا اوبترا 2007 كاملة اتوماتيك و من نسيبى ياريس 2008 كاملة اتوماتيك و مجرب الاتنين فى السفر و المدينة.
اولاً بالنسبة للياريس المميزات - تسرع ممتاز - استهلاك بنزين رائع (قليل )1300 سى سى - اعتمادية عالية - تحمل قوى - تكيف قوى جداً - المساحة الداخلية متوسطة- دريكسيون باور ناعم جداً -
العيوب - ثبات حتى 120 كيلو بعد كده مرجيحه - واطية على الارض ( بتحك فى مطبات كتير)
الاوبترا المميزات - مساحة داخلية ممتازة - قطع غيار رخيصة (مشترك مع بعض السيارات مثل لانوس و نوبيرا)- ثبات جيد جداً - تكيف قوى - عالية على الارض صعب جداً تحك فى اصعب المطبات
العيوب - استهلاك بنزين عالى (ممتاز فى السفر )- الصاج ضعيف جدا-
شوف اى اللى يلزمك فى العربية و اختار

[hossam_elwani]

ممكن مقارنة بين تويوتا ياريس موديل 2008 كاملة أتوماتيك ماشية 33000 كيلو وفابريكة برة وجوة أعلى فئة مع أوبترا أوتوماتيك ماشية 42000 موديل 2009 وبردة فابريكة برة وجوة

برجاء الأفادة ولو أمكن سعر السيارتيين فى السوق المصرى كام دلوقتى


وشكرا جزيلا

واسعارهم ايه بلمقارنه بلكيلو متر القليل ده ؟؟

[arakysolom]

اليارس و اتوكل علي الله و متغلطش غلطتي
انا بفلوس الاوبترا كنت ممكن اجيب يارس اول فئة بس طمعت في الاوبشنز و الافتاءات بقوة الموتور بس ندمت
التويوتا عربية فوق الممتازة و عيوب الاوبترا معايا صاج زي الزفت بتطبق(القف - الكبوت) لما تعدي عليها قطة استهلاك بنزين عالي توكيل زبالة غيرت سكاترا بعد 10000 كم

[ICE_MAN]

لو مكانك هختار الياريس

[Sehsss]

الياريس طبعا

[ramy01011]

من واقع تجربة عملية انا عايش في الامارات و معايا يارس 2007 فل اوبشن اوتو جنوط جناح ABS كاسيت cd mP3 وaux الهاي لين بتيجي بجنوط 15 و دي بتديها ثبات جيد لحد 140 موش 120 زي ما الناس بتقول
عربيتي ماشية لحد الان 150,000 كيلو .

عربية زميلي في العمل اوبترا اوتو 2007 ماشية 130 الف طبعا هتقارن اوبشن الاوبترا بالنسبة لليارس في الاوبشن بسكلتة.
الاعتمادية انا من ال20 الف و العربية لم تذهب للوكالة نهائيا كل اللي بصرفه علي العربية و بعملة برة هو تغيير زيت و فلاتر و تيل فرامل مرتين غير كدة الحمد لله ما فيهاش حاجة

عربية صاحبي كل صيانتها في الوكالة و رغم كدة التكييف ضرب منه مرة و مرة مشكلة في التبريد و مرة مشكلة في علبة الدريكسيون .

اليارس عالية عن الارض بكتتير علشان الاخ اللي بيقول انها بتحك في المطبات العربية مصصمة انها متحكش نهائي تقريبا علشان المسافة بين العجل موش كبيرة و علي فكرة انا بركن بيها فوق الرصيف يوميا بطلع بيها فوق الرصيف و بركنها.

الشد علي الطريق رغم ان اليارس 1300 و اتو لاكن عمرك ما هتحس انها 1300 العربية سحبتها حلوة جدا و كمان انا بجيب بيها لحد 160 مستريح بعد كدة ردار

الاوبترا اوسع و اكثر ثباتا بس غير كدة كل المميزات لليارس و انت مغمض

[Sehsss]

من واقع تجربة عملية انا عايش في الامارات و معايا يارس 2007 فل اوبشن اوتو جنوط جناح abs كاسيت cd mp3 وaux الهاي لين بتيجي بجنوط 15 و دي بتديها ثبات جيد لحد 140 موش 120 زي ما الناس بتقول
عربيتي ماشية لحد الان 150,000 كيلو .

عربية زميلي في العمل اوبترا اوتو 2007 ماشية 130 الف طبعا هتقارن اوبشن الاوبترا بالنسبة لليارس في الاوبشن بسكلتة.
الاعتمادية انا من ال20 الف و العربية لم تذهب للوكالة نهائيا كل اللي بصرفه علي العربية و بعملة برة هو تغيير زيت و فلاتر و تيل فرامل مرتين غير كدة الحمد لله ما فيهاش حاجة

عربية صاحبي كل صيانتها في الوكالة و رغم كدة التكييف ضرب منه مرة و مرة مشكلة في التبريد و مرة مشكلة في علبة الدريكسيون .

اليارس عالية عن الارض بكتتير علشان الاخ اللي بيقول انها بتحك في المطبات العربية مصصمة انها متحكش نهائي تقريبا علشان المسافة بين العجل موش كبيرة و علي فكرة انا بركن بيها فوق الرصيف يوميا بطلع بيها فوق الرصيف و بركنها.

الشد علي الطريق رغم ان اليارس 1300 و اتو لاكن عمرك ما هتحس انها 1300 العربية سحبتها حلوة جدا و كمان انا بجيب بيها لحد 160 مستريح بعد كدة ردار

الاوبترا اوسع و اكثر ثباتا بس غير كدة كل المميزات لليارس و انت مغمض

فعلا الياريس عالية وما بتحكش

[Sameh elgendy]

مع ان التعليق دا متأخر أوي بس الياريس أفضل أكيد