اخر كلام

[ogouda]

السلام عليكم
أنا بعد مقارنة بين عدد من العربياتضيقت الأختييار بس بين الميجان و الفوكاسو دة اللى وصلتله:
-السعر تقريبا واحد الميجان 136000 و الفوكاس الترند 135000
-الهورس باور واحد تقريبا 115 للميجان و 119 الفوكاس
-اعادة البيع في الأتنين مش ولا بد بس بيتحسن و الفضل للتوكيلين الكويسين
-الأتنين خمس نجوم فى اختبار السلامة الأوروبى
-الأتنين ثبات و اتزان مفيش خلاف عليه
-الشكل الخارجى جيد جدا فى الأتنين و التقفيل جودة و خامات جيد جداز
-قطع الغيار متقاربة السعر
فيه شوية مميزات عن بعض:
-الفوكاس شكل جديد اول سنه ينزل و الميجان بقاله فترة و فيه احتمال يتغير السنه الجايه.
-الكماليات و الدلع في الميجان أكتر (لنفس الفئة)
-توكيل الميجان أحسن (توكيل فورد لسه جديد بس مبشر)
- الفوكاس موتور المانى تقفيل اسبانى - الميجان موتور فرنسى تقفيل تركى

أنا مش عارف ارجح واحدة فيهم -اية رأيكم يا جماعة

[ogouda]

مستنى رأيكم يا جماعة

[SEATLOVER]

الفورد فوكاس .... لية ؟

-قلة اعطال
-عزل افضل
-تكييف افضل
-عفشة اعلى
-خامات منتقاة و مميزة
-ليها زبونها اللى بيدور عليها
-تحمل ومقاومة للظروف افضل
-ابعاد و نسب افضل مؤثرة فى مدى المناورة

[som3aa]

بصراحة انا بحب الميجان جدااااا شكلها رهيب و تابلوها رهييييب و كل حاجة
انا كنت هشتريها قبل مشترى عربيتى بفترة بس الصراحة من كتر اللى سمعته عنها الواحد اتخض , انا حاسس ان اللى بيتكلموا دول يقصدوا 128 مش الميجان!!!!
حاجة تقلق فعلا يعنى و الصراحة انا مش عارف الكلام دا اشاعة و لا لأ , صحيح سمعت من كام واحد (قليلين) هنا فى نايل موتورز ان العربية كويسة بس فى ناس كتير قالوا سيئة جدا و واحد حلف ان غير الفتيس العربية يعنى اكيد مش اشاعة و سعر اعادة البيع فى عربية بانتشار الميجان دا قليل كدا يبقى اكيد العربية فيها حاجة غلط
انا عارف ان اصحاب الميجان قالوا اللى سمع حاجة يا ريت ميرددهاش علشان الفتى بس انا لما اشوف صاحب العربية اللى غير الفتيس هخليه يخش بنفسه و يقول على اللى حصل بنفسه.
على العموم خليك فى المضمون و اشترى الفورد احسن و خلاص هى خلوة اوى هى كمان من بره و جوه صحيح اقل من الميجان بس كويسة اوى

[mohamed ibiza]

روح شوف الفوكاس و هتعرف ليه انا قلت فوكاس.........مش هقول اكتر من كده و الميجان ممتازة بس معلش الالماني الماني روح شوفها و انت مش هتمشي من ادامها غير و انت شاري

[MoToRiZeR]

روح شوف الفوكاس و هتعرف ليه انا قلت فوكاس.........مش هقول اكتر من كده و الميجان ممتازة بس معلش الالماني الماني روح شوفها و انت مش هتمشي من ادامها غير و انت شاري

بس الفورد مش الماني .. امريكاني

[معاذ الشرباصى]

الفوكاس اللى تبع الوكيل 100 حصان مش 119!

انا سقت العربيتين

فى السواقة , الاريح الميجان تماما

الفوكاس اقل فى الاوبشنز او التكنولوجيا الكتير اللى فى الميجان, ده غير ان شكلها برستيج اكتر

التكييف مفيش فرق كبير, زى بعض تقريبا

العفشة فى الاتنين زى بعض

مستوى التقفيل افخم فى الفوكاس

الضمان فى الفوكاس سنتين بدون حد اقصى للكيلومتر, اما الميجان 100 الف او 3 سنين

بس عن نفسى اختار الميجان

[som3aa]

الفوكاس اللى تبع الوكيل 100 حصان مش 119!

لأ تقريبا الجديدة 119

[Ahmed Aly]

الفورد الجديدة

عزم 155-
119 حصان
سيدان تقفيل اسباني
ستيشن تقفيل الماني

الاستشين فيها احسن من الميجان استست بمراحل (راي شخصي جدا)

العربية تحفة انا سالت لحد دلوقتي 5 اشخاص من الركبنها وقفتهم في الشارع كلهم نفس الكلام (عربية ممتازة و التوكيل بيتحسن -قطع الغيار معقولة بس بردو مش رخيصة )

احمد علي

[معاذ الشرباصى]

انا كنت بتكلك على القديمة

الجديدة, فى حد فى الموقع كتب انها نازلة بنفس الموتور, بالنسبة لعربية الوكيل

[iBiZa]

-توكيل الميجان أحسن (توكيل فورد لسه جديد بس مبشر)

انا رأى من خلال تجربة ناس كتير راحوا التوكيلين ان Ford أحسن فى المعاملة.

بس فى ناس كتير قالوا سيئة جدا و واحد حلف ان غير الفتيس العربية يعنى اكيد مش اشاعة و سعر اعادة البيع فى عربية بانتشار الميجان دا قليل كدا يبقى اكيد العربية فيها حاجة غلط

المشكلة كانت فى موديلات 2005 كان فيها عيوب صناعة كتير.

بس الفورد مش الماني .. امريكاني

أصل بلد المنشأ بتاعت Ford هى أمريكا طبعا بس دة الى بيعمل عربيات كبيرة. و بعد كدة عملوا Ford Europe علاشان انتاج العربيات الصغيرة {Fiesta - Escort {Mondeo - Focus و مصانعها فى اسبانيا و المانيا و الFocus بالزات تم تطويرها فى المانيا.

[medo_2060]

لو الفوكس الشكل الجديدهيبقى احسن

[som3aa]

المشكلة كانت فى موديلات 2005 كان فيها عيوب صناعة كتير.

معلش برده انا لما اشوف عربية بتتباع بعيوب صناعة كتير حتى لو صلحوها مستحيل اشترى نفس العربية تانى لان الواحد ميضمنش و دى غلطة مش صغيرة من شركة مش صغيرة على انها تنزل عربية و تطلع معيوبة بالشكل دا.
يعنى الموضوع مجازفة برده , على ايه؟ الفوكاس كويسة
بعدين الرينو نازل منها شكل جديد كمان سنة ان شاء الله

[MoToRiZeR]

انا رأى من خلال تجربة ناس كتير راحوا التوكيلين ان Ford أحسن فى المعاملة.



المشكلة كانت فى موديلات 2005 كان فيها عيوب صناعة كتير.




أصل بلد المنشأ بتاعت Ford هى أمريكا طبعا بس دة الى بيعمل عربيات كبيرة. و بعد كدة عملوا Ford Europe علاشان انتاج العربيات الصغيرة {Fiesta - Escort {Mondeo - Focus و مصانعها فى اسبانيا و المانيا و الFocus بالزات تم تطويرها فى المانيا.

شكرا يا باشا عالمعلومة مكنتش اعرف الكلام ده

[ogouda]

شكرا يا جماعة على الردود
أنا خلاص نويت ان شاء الله على الفوكاس الجيا بصراحة ال2008 جامدة جدا . أنا اتثبت لما شوفتها فى اوتوماك.
انا روحت السبع اوتوموتيف (مصرالجديدة) و اتفرجت على الميجان و الفوكاس و قارنت بينهم كويس(الموجود عندة دلوقتى الفوكاس الأستيشن) بصراحة الفوكاس حسيتها أشيك رغم ان الميجان طبعا جامدة من جوة.
رأىال sales man هناك ان الميجان احسن و كان بيرشحالى لأن فيها تكنولوجى هتفضل تنزل فى العربيات 10 سنين قدام - بس اعتقد ان رأيه ده فيه تحيز لأنه موزع معتمد لرينو وهامش ربحه فيها اكبر - و كمان الفوكاس بالحجز مش استلام فورى زى الميجان.
بالمناسبه بأه هو مش الموزع المفروض انه يبيع ارخص من الوكيل اصل السبع بيبيع الفوكاس استلام اخر يوليو بنفس سعر الوكيل , بس الميجان بيبيعها ارخص الفين جنيه اول كلام!؟