افضل سياره فى حدود ال 120000

[alyz]

السلام عليكم
كنت عايز اسألكم فى موضوع محيرنى جدا الحقيقه...لانى اريد شراء سياره جديده(2012) اوتوماتيك عمليه و يفضل ان تكون هاتشباك...و فى حدود من 120 الى 125 الف...المشكله انى لا افضل الكورى...مما جعل دائره الاختيارات تقل كثيرا..فكرت فى التيدا و لكن موضوع الشكل الجديد اللى تغير فعلا و لسه منزلس مصر خلانى اصرف نظر عنها...و مش شايف بديل مناسب دلوقتى...باختصار انا ابحث عن سياره جديده اوتوماتيك هاتشباك ما بين 120 الى 125 الف بس يفضل تكون مش كورى او صينى...هل يستطيع احد ان يفيدنى؟؟؟....فى انتظار ردودكم المفيده لانى محتار بالفعل؟؟...و شكرا لكم

[bayantt]

أوبل كورسا

[Ahmed_Ezz]

أوبل كورسا

1111111111111111+

[Silvermask]

انا بالضبط نفس الحالة و بقالي فوق 6 شهور بدرس الموضوع هاحاول اديك اللي وصلتله و ممكن نشتري سوا ان شاء الله ... نفس الشوط تقريبا و نفس البدجت

بالنسبة للزيرو انا سالت علي
هايونداي سواء ال i30 و ما مثلها قالوا بلاش توكلي هيونداي متعبين مع ان العربيه ماشيه كويسه و سعر اعادة البيع كويس
اوبل شكوي من توكيلها هيه اللي خلتني اغير رائي و كمان انا عاجباني استرا اكتر من كورسا بس اغلي كتير
انا مش عندي مشاكل مع كوري و للعلم الريو الجديدة تحفه بس انا مش عايز غير اللي فيها اير باج و ديه لسه منزلتش مصر و مش قبل 3 شهور
فيات بونتو حلوه و خفيفة و سابنه عيباها توكيلها و قطع غيارها و كملن اظن 76 حصان بس اللي حربوها قاللوا مش هاتحس بكده ... مش مقتنع قوي مع تكييف و كده هايبان
سيات ابيزا ... قطع غيار غالية و توكيل مش منتشر .. ده اللي سمعته لكن غير كده تحفه ماشاء الله بس اغلي من تيدا
طبعا جولف غالية و استبعدتها و بصراحة مش هاركب لا بيكانتو و لا جيتز

سوبارو امبريزا جميله شكلا و موضوعا لسه مسمعتش عنها اي حاجه غير سعر اعادة البيع ضعيييييف جدا فكل الناس نصحتني لو هاتجيب هاتها كسر زيرو علشان تهرب من سعر اعادة البيع الضعيف ده

اتمني اكون افدتك و يا ريت لو عندك ملاحظات خلينا نستفيد و ربنا يوفقك و يوفقني

[Dr'AhmZZong]

عندك فورد فيستا ..

[mody3on]

فورد فيستا , فولكس بولو , اوبل كورسا

[sadkoooi]

نيسان ليفينا وش

[Dr'AhmZZong]

نيسان ليفينا وش

+1111111111111111

[Sehsss]

نيسان ليفينا وش

[alyz]

شكرا يا جماعه على الردود...بس بالنسبه للكورسا و البولو و الفيستا...فحاسس انهم ضيقين شويه...و بالنسبه لليفينيا فانا بصراحه مجربتهاش و معرفش عنها كتير...بس هحاول اشوفها

[alyz]

انا بالضبط نفس الحالة و بقالي فوق 6 شهور بدرس الموضوع هاحاول اديك اللي وصلتله و ممكن نشتري سوا ان شاء الله ... نفس الشوط تقريبا و نفس البدجت

بالنسبة للزيرو انا سالت علي
هايونداي سواء ال i30 و ما مثلها قالوا بلاش توكلي هيونداي متعبين مع ان العربيه ماشيه كويسه و سعر اعادة البيع كويس
اوبل شكوي من توكيلها هيه اللي خلتني اغير رائي و كمان انا عاجباني استرا اكتر من كورسا بس اغلي كتير
انا مش عندي مشاكل مع كوري و للعلم الريو الجديدة تحفه بس انا مش عايز غير اللي فيها اير باج و ديه لسه منزلتش مصر و مش قبل 3 شهور
فيات بونتو حلوه و خفيفة و سابنه عيباها توكيلها و قطع غيارها و كملن اظن 76 حصان بس اللي حربوها قاللوا مش هاتحس بكده ... مش مقتنع قوي مع تكييف و كده هايبان
سيات ابيزا ... قطع غيار غالية و توكيل مش منتشر .. ده اللي سمعته لكن غير كده تحفه ماشاء الله بس اغلي من تيدا
طبعا جولف غالية و استبعدتها و بصراحة مش هاركب لا بيكانتو و لا جيتز

سوبارو امبريزا جميله شكلا و موضوعا لسه مسمعتش عنها اي حاجه غير سعر اعادة البيع ضعيييييف جدا فكل الناس نصحتني لو هاتجيب هاتها كسر زيرو علشان تهرب من سعر اعادة البيع الضعيف ده

اتمني اكون افدتك و يا ريت لو عندك ملاحظات خلينا نستفيد و ربنا يوفقك و يوفقني

بص يا باشا انا تقريبا فكرت فى نفس العربيات اللى انت قولت عليها ماعدا الامبريزا.....و خفت من نفس المشاكل اللى انت قولت عليها....بس فى ناس بتنصحنى اشوف الاسكودا فابيا...و بفكر فعلا اروح اشوفها...كمان مش عارف الهوندا سيتى و الماذدا 3 ايه موقفهم...عايز اشوفهم برضه او اعرف عنهم اى معلومات...فمش عارف ممكن حاجه من ال3 دول تكون مناسبه ليك ولا عندك ملاحظه معينه عليهم؟....و شكرا على ردك

[sadkoooi]

بص يا باشا انت كلامك متفصل على نيسان ليفينا لو عاوز بئى نصيحتى هات النترا 2012 وريح نفسك من كل وساوس وتردد مش حقوللك انها احسن عربية لانها فعلا مش احسن عربية بس ما تنساش السوق وانها مريحة وشياكة واقتصادية جدا فى البنزين . فالخلاصة نصيحتى ياتركب نيسان او تركب اللى الناس كلها راكبها وربنا يوفقك

[Sehsss]

بص يا باشا انت كلامك متفصل على نيسان ليفينا لو عاوز بئى نصيحتى هات النترا 2012 وريح نفسك من كل وساوس وتردد مش حقوللك انها احسن عربية لانها فعلا مش احسن عربية بس ما تنساش السوق وانها مريحة وشياكة واقتصادية جدا فى البنزين . فالخلاصة نصيحتى ياتركب نيسان او تركب اللى الناس كلها راكبها وربنا يوفقك

كلام كله سليم يا باشا، ماعدا حتة استهلاك البنزين علشان الليفينا استهلاكها عالي شويتين

[mody3on]

ماهي الريو برضه سوبر ميني , نفس الفئة بس الريو اقوى واوسع شوية ودول اوروبي يعني تقفيل وثبات وامان

[Silvermask]

بص يا باشا انا تقريبا فكرت فى نفس العربيات اللى انت قولت عليها ماعدا الامبريزا.....و خفت من نفس المشاكل اللى انت قولت عليها....بس فى ناس بتنصحنى اشوف الاسكودا فابيا...و بفكر فعلا اروح اشوفها...كمان مش عارف الهوندا سيتى و الماذدا 3 ايه موقفهم...عايز اشوفهم برضه او اعرف عنهم اى معلومات...فمش عارف ممكن حاجه من ال3 دول تكون مناسبه ليك ولا عندك ملاحظه معينه عليهم؟....و شكرا على ردك

بص الفرق بيني و بينك انك عايزها عائلية انا عندي سيراتو و ديه هاتبقي العائلية ... في انا مش محتاج احجام زي فابيا او حتي نيسان ليفينا

كمان هوندا سيتي شكلها حلو لكن مش لمصر واطية و انا من التجمع يعني كل مطباته هاتعلم عليها

مازدا 3 مش وحشه بس انا مبحبهاش و ده مجرد تفضيل شخصي و ربنا يوفقك

بص يا باشا انت كلامك متفصل على نيسان ليفينا لو عاوز بئى نصيحتى هات النترا 2012 وريح نفسك من كل وساوس وتردد مش حقوللك انها احسن عربية لانها فعلا مش احسن عربية بس ما تنساش السوق وانها مريحة وشياكة واقتصادية جدا فى البنزين . فالخلاصة نصيحتى ياتركب نيسان او تركب اللى الناس كلها راكبها وربنا يوفقك

[COLOR=rgb(255, 0, 0)][/COLOR]
[COLOR=rgb(255, 0, 0)][/COLOR]انا معاك انها شكلها حلو قوي و انشارها ميزة بس فيه كلام ان توكيل هيونداي متعبين و خدمة مش قد كده ممكن تفيدنا في موضوع ده