Aveo

[youssra]

@ Dawns _Mist
Thanks a lot for the response..
I m thinking of Renault SYMBOL Or SCALA, any idea about it??
plus kaman , Do u have any ideas about the new shape of Sunny??

[Dawns_Mist]

@ dawns _mist
thanks a lot for the response..
I m thinking of renault symbol or scala, any idea about it??
Plus kaman , do u have any ideas about the new shape of sunny??

العفو يا أفندم .... ده واجب علينا

الرينو سيمبول أو سكالا ممتازين طبعا .. هنتكلم عن السكالا بقى لإنها 1600 من نفس فئة المقارنة بتاعتنا و هي إجمالا ليست إلا وجه آخر للصني .. عموما واضح جدا إن فيه طفرة في الرينو كشركة و كتوكيل ... عدم انتشار الإصدارين دول من الرينو هو اللي ممكن يضايق حضرتك ده غير فقر الأوبشنز و شكل التابلوه قديم شوية وفي إعادة البيع أو عدم توفر قطع الغيار خارج التوكيل عكس اللوجان أو السانديرو اللي بدأت تنتشر بسرعة .... فأنا لو مكان حضرتك يا إما هفكر في الصني لإنها أخت الرينو التوأم ( بس من أب و أم تانيين ) لكنها منتشره أكتر و قطع غيارها أرخص و إعادة بيعها أحسن ، أو هفكر في السانديرو ستب واي ... خصوصا إن السانديرو هيكون كمان شكلها ماشي بناتي أكتر ...

بالنسبة للصني الشكل الجديد ... ماعنديش معلومات هينزل امتى .. لكن في قسم نيسان بيقولوا في النصف الثاني من 2012 .. لو كده ممكن حضرتك تنتظري و تشوفيها الأول ، و كمان واضح جدا إن 2012 هيكون متوفر فيها الشكل القديم و الجديد مع بعض و ده ممكن يقلل من سعر الشكل القديم شوية أول ما الشكل الجديد ينزل و ده ممكن يكون في مصلحة حضرتك لو فضلتي في النهاية الشكل القديم لو انتظرتي شهرين أو تلاته .... لكن يا ترى سعرها هيكون عامل كام ده ماحدش هيقدر يفيد حضرتك فيه ....

* لو هتشتري زيرو و هيكون معاكي توكيل نيسان أو توكيل رينو ... دي لوحدها نقطة قوة لصالحك أيا كنت حضرتك هتختاري إيه ...

- فيه اختيارات في الفئة السعرية دي متاحة كمان قدام حضرتك زي :

( فيات بونتو إيفو ) هتعيشي فرق خامات و جوده تقفيل و كماليات وراحة و نعومة و أوبشنز وهمية بالنسبة للفئة السعرية دي .. لكن هتضحي بالتوكيل و قطع الغيار مش متوفرة بره كتير ...

( بروتون جين 2 ) قوة و أداء رائع مع أوبشنز كتير و شكل تابلوه جديد و شكل عربية شبابي جدا و كمان واسعه مش ضيقه ... قطع غيارها بدأت تنتشر نسبيا لكنها غالية شوية مقارنة بالصني ... و برضه التوكيل سيء ..

* لو مش عايزه تكسري الـ 100 ألف و تجيبي حاجة زيرو ( اعتمادية - أمان - قطع غيار متوفرة - صيانة سهلة - توكيل محترم - كماليات مناسبة - عائلية وقت اللزوم ) في رأيي أفضل اختيارين ( سانديرو ستب واي - نيسان صني ) ..

بالتوفيق ....