استرا ولا جولف ؟؟؟؟

[OmaR_FekrY]

كيف الحال يا رجاله نايل موتورز ؟؟
واحد صاحبى
باع عربيته
و محتار يركب ايه ؟؟

1- golf 6 highline
2- astra turbo
3- jetta highline ( new shape)

هو عاجباه اوى ال 3 عربيات دوول و محتار بينهم ... بس عنده تحفظ على كل واحده

مثلا الجولف خايف ان 7 تنزل و ثمن 6 ينزل فيخسر فيها
الاسترا عاجباه اوى بس هو حاسس ان ماركه اوبل بالنسبه للالمانى درجه 2
الجيتا الهاى لين مش لاقيها اصلا

المطلوب بقى هو الاتى :)

مقارنه مفصله بين ال3 عربيات دول
من حيث

الاداء , الثبات , العفشه , كماليات , خامات ,
كل حاجه من الاخر

و طبعا كالعاده تاعبكوا معايا يا رجاله :)

اه صحيح

لو اى حد عنده اقتراحات لعربيه شبابى معظم الوقت و تنفع احيانا عائليه فى اوقات السفر مثلا
فى حدود ال250000
يقولى علشان اقوله :)

[mody3on]

250 الف الاختيارات مش كتير
عامة عندك فورد فوكس ب 185 ممتازة .. خامات عالية وعفشة ناعمة وثبات عالي وكماليات مش قليلة خالص وموتور 125 حصان , بس ممكن يستنى كمان لما تنزل الجيتا الهايلاين الشكل الجديد , ومنصحوش بالجولف لاني مش هدفع 200 الف في عربية 100 حصان , ممكن برضه يجيب باسات بيزلاين ب 220 الف او يزود شوية ويجيب الهايلاين ( حكاية ) ب 280 الف

[Hessieng]

230 alf* msh 250 ya omar :D

[Sehsss]

فورد فوكاس عربية محترمة جدا

[tameraast]

golf 6 tsi high line if it was 160 hp , if it was 122 hp i think the opel

[Dawns_Mist]

لو المقارنة بين الجيتا الشكل الجديد هاي لاين ، جولف 6 هاي لاين 1.6 ، أسترا تربو ....

هنقصي الجولف 1.6 من المنافسة لإن الجيتا tsi و الأسترا تربو ... أقوى من الجولف ... و الجولف لو مش هتاخد منها قوة يبقى مالهاش لزمة الجولف ... الجولف أنا ماشتريهاش أقل من tsi ...

المنافسة بين أسترا تربو و جيتا هاي لاين ...

أنا لو مكانه هختار الجيتا هاي لاين ...
الأسترا تربو أسرع في التجميع على السرعات القليلة .. لكن في التجميع على السرعات العالية و المتوسطه الـ tsi + dsg هيكون الفارق في مصلحة فولكس .. خصوصا إن تكنولوجيا الفيتيس للأوبل واضح إنها مش متناسبة مع قوة الموتور التربو .. لإن الطبيعي إن لو كانت التناسب مظبوط كنا هنشوف أرقام أفضل من 9 ثواني في التجميع للأسترا .. الأسترا انا بحب شكلها أكتر .. لكن الجيتا هتكون عملية أكتر من وجهة نظري ..

بالنسبة للثبات حتى لو عرفت أعلي عربية فيهم عن التانية مش هيكون فرق اللي تتحسم بيه المعركة لصالح حد فيهم .. الاتنين ممتازين من وجهة نظري .. و العربيتين بكل موديلاتهم تاريخهم ممتاز ...

الخامات و الكماليات ... الجيتا هاي لاين تتفوق نسبيا ... و كمان إنها عربية عائلية أكتر من الأسترا هيصب برضه في النهاية في مصلحة الجيتا ...

[OmaR_FekrY]

250 الف الاختيارات مش كتير
عامة عندك فورد فوكس ب 185 ممتازة .. خامات عالية وعفشة ناعمة وثبات عالي وكماليات مش قليلة خالص وموتور 125 حصان , بس ممكن يستنى كمان لما تنزل الجيتا الهايلاين الشكل الجديد , ومنصحوش بالجولف لاني مش هدفع 200 الف في عربية 100 حصان , ممكن برضه يجيب باسات بيزلاين ب 220 الف او يزود شوية ويجيب الهايلاين ( حكاية ) ب 280 الف

كان شاف هو الفوكاس و معجبتهوش :( مع انها هى و السيفييك الجديده تحفه .. بس هو مش مقتنع

230 alf* msh 250 ya omar :D

ماشى يا سحس 230 ,, و على فكره ممنوع الكتابه فرانكو ... يا عربى .. يا انجليزى

فورد فوكاس عربية محترمة جدا

للاسف مش عاجياه يا حسين بيه :(

golf 6 tsi high line if it was 160 hp , if it was 122 hp i think the opel

لا الtsi 160 او الاسترا ... ايه راى حضرتك كده ... و على فكره الاسترا 180 !! يعنى انا شايف انها فى الحالتين الاسترا تكسب

[mody3on]

هو في جولف 160 حصان في مصر اصلا ؟ لو موجودة يبقى هي اكيد احسن بس حسب السعر بتاعها لاني اعتقد انها مبقتش بتنزل والموجود دلوقتي العادية

[Hessieng]

i think the golf is tsi 1.4 122 HP and the opel astra is 215 alf nt 180 as i told u ya omar

[KHALED AYMAN]

بما ان الجولف و الجيتا dsg
يبقى الموضوع مش محتاج تفكير
استرا وشششش

[Hessieng]

the golf is 205 alf, and i can't find the jetta, its gonna arrive at the end of this year ....

[mody3on]

لو ال tsi 122 hp ب 205 الف اتوكل على الله وهاتها

[Dawns_Mist]

يا جماعة قولنا مرة قبل كده مافيش أي جولف tsi في مصر من أول 2011 ... لو الجولف tsi موجوده ولا تقولي جيتا ولا أسترا تربو .....

ياريت تتأكد كويس يا أفندم ... الجولف لو tsi عمرها ما هتكون أقل من 260 ألف ... ياريت تتأكد لإني اتأكدت من الموضوع ده امبارح في المعرض و كلام ثقة من التوكيل ....

المقارنة بتاعتكم يا شباب اللي فيها دلوقتي الجولف الـ 1.6 الهاي لاين ... و دي أنا شايفها تختلف تماما و كليا عن الـ tsi من وجهة نظري ... و انا بقيت الجيتا عليها علشان الـ tsi بتاع الجيتا لإنك هتشوف الفرق على السرعات المتوسطة و العالية كويس ..

كلمة تانية للي بيتكلم عن الـ dsg .... مش معنى إن حصل عندنا في 2009 نسبة مشاكل في الفيتيس ده إنه فيتيس سيء ... بالعكس التكنولجيا بتاعته لوحدها ممتازة جدا ...
و كل الكلام إن من 2012 الفيتيس اتغير .. هو لسه dsg لكن فيه اختلاف بسيط فيه تكنولوجي .. أنا مش فاكر المواصفات التقنية بالظبط لكن المتوقع إن مافيش منه أي مشاكل نهائي ...

[KHALED AYMAN]

2009
2010
2011
كله مشاكل و العربيات بتغير فتيس و اسال مجرب
2012 محدش اشترى اصلا عشان نعرف
التكنولوجى بتاعه حلوه ..بس على الورق بس

[Dr'AhmZZong]

لو المقارنة بين الجيتا الشكل الجديد هاي لاين ، جولف 6 هاي لاين 1.6 ، أسترا تربو ....

هنقصي الجولف 1.6 من المنافسة لإن الجيتا tsi و الأسترا تربو ... أقوى من الجولف ... و الجولف لو مش هتاخد منها قوة يبقى مالهاش لزمة الجولف ... الجولف أنا ماشتريهاش أقل من tsi ...

المنافسة بين أسترا تربو و جيتا هاي لاين ...

أنا لو مكانه هختار الجيتا هاي لاين ...
الأسترا تربو أسرع في التجميع على السرعات القليلة .. لكن في التجميع على السرعات العالية و المتوسطه الـ tsi + dsg هيكون الفارق في مصلحة فولكس .. خصوصا إن تكنولوجيا الفيتيس للأوبل واضح إنها مش متناسبة مع قوة الموتور التربو .. لإن الطبيعي إن لو كانت التناسب مظبوط كنا هنشوف أرقام أفضل من 9 ثواني في التجميع للأسترا .. الأسترا انا بحب شكلها أكتر .. لكن الجيتا هتكون عملية أكتر من وجهة نظري ..

بالنسبة للثبات حتى لو عرفت أعلي عربية فيهم عن التانية مش هيكون فرق اللي تتحسم بيه المعركة لصالح حد فيهم .. الاتنين ممتازين من وجهة نظري .. و العربيتين بكل موديلاتهم تاريخهم ممتاز ...

الخامات و الكماليات ... الجيتا هاي لاين تتفوق نسبيا ... و كمان إنها عربية عائلية أكتر من الأسترا هيصب برضه في النهاية في مصلحة الجيتا ...

+1111111111111111