النترا .... اوبترا .... ميجان

[Eng.Geo]

في العربيات ده يبقي الألنترا طبعا
بلاش الميجان عشان لو فتحت مبتقفلش غير لما تكون مكلفة جامد
مع واحد صاحبي وحالتها ممتازة
بس المرة اللي بتفتح فيها بتقفل ب 1000 جنيه علي الأقل
غير ان مش أي بيفهم فيها
انما الألنترا انا شايفها مناسبة لحضرتك جدا
ومش هتكلم عن الأوبترا عشان مش هتبيع أوبترا تجيب أوبترا

[bobobobo]

اية رائك فى الاوبترا المنوال يا حاج احمد بأمنة هيا ولا الاالنترا المنوال

[mody3on]

كورولا اوتوماتيك طبعا بس تكون 1600 , عربية ممتازة ومشاكلها معدومة ( الشكل بتاع 2007 )
غير كده الالنترا 2010 معايا وممتازة , مريحة جدا وواسعة وعفشة كويسة وقطع غيار رخيصة , بس حاول تجيب فئة عالية عشان تستمتع ويا حبذا لو تكون اعلى فئة او الخليجي ( abs وايرباج ومثبت سرعة وفتحة سقف وجنوط )

[bobobobo]

انا عايز رقمك يا حاج احمد ضرورى

[WalidAdel]

كان معايا ميجان 2008
لو ليك في الوقفه عند الميكانيكيه و كل ماتظهر حاجه مش طبيعيه تجري علي الميكانيكي و ماتستناش لان الحاجه الصغيره في الميجان لو سيبتها هاتكبر و هاتقلب بمصيبه (لمبة البطاريه نورت مع التكييف مافهمتش فيه ايه روحت لبتاع تكييفات كشف و قالي زي الفل تلاقي حاجه ملمسه ولا بتاع سافرت طنطا مالحقتش اوصل طوخ المكنه رزعت و وش التقسيمه خلف و اتعمرة ب 5 الاف جنيه) لو حاجه مهمه فيها و ذو شأن مهم في العربيه (مروحة تبريد - مكنة الاستوب انوار فرامل) .. العربيه بتقف تماما عن العمل و ساعتها تشيلها علي ونش و تروح بيها عند الميكانيكي يكشف بالكمبيوتر و يعرف فيه ايه و يقولك
لو هاتتأقلم علي الكلام ده يبقي هاتها عربيه مريحه في السفر و عائلية و كماليات و امان عالي
الالنترا عربيه حلوه و مافيهاش كمية التعقيد ده و مش هاتقولك لأ علي اي حاجه حتي لو ماعملتش صيانه كمان ... عادي يعني
و في الاخر النصيب هتلاقيه قدامك ممكن يكون حاجه رابعه اصلا غير اللي حضرتك كاتهم دول .. كله نصيب

[zangry]

كان معايا ميجان 2008
لو ليك في الوقفه عند الميكانيكيه و كل ماتظهر حاجه مش طبيعيه تجري علي الميكانيكي و ماتستناش لان الحاجه الصغيره في الميجان لو سيبتها هاتكبر و هاتقلب بمصيبه (لمبة البطاريه نورت مع التكييف مافهمتش فيه ايه روحت لبتاع تكييفات كشف و قالي زي الفل تلاقي حاجه ملمسه ولا بتاع سافرت طنطا مالحقتش اوصل طوخ المكنه رزعت و وش التقسيمه خلف و اتعمرة ب 5 الاف جنيه) لو حاجه مهمه فيها و ذو شأن مهم في العربيه (مروحة تبريد - مكنة الاستوب انوار فرامل) .. العربيه بتقف تماما عن العمل و ساعتها تشيلها علي ونش و تروح بيها عند الميكانيكي يكشف بالكمبيوتر و يعرف فيه ايه و يقولك
لو هاتتأقلم علي الكلام ده يبقي هاتها عربيه مريحه في السفر و عائلية و كماليات و امان عالي
الالنترا عربيه حلوه و مافيهاش كمية التعقيد ده و مش هاتقولك لأ علي اي حاجه حتي لو ماعملتش صيانه كمان ... عادي يعني
و في الاخر النصيب هتلاقيه قدامك ممكن يكون حاجه رابعه اصلا غير اللي حضرتك كاتهم دول .. كله نصيب

+11111

احنا كان عندنا ميجان 2006 وخوفنا من الموضوع ده وصيانة ال 60 كانت داخلة فى 3 وشوية والعربية مغيرناش فيها حاجة خالص وكان هتبدأ تفتح بؤها ف قلنا نبيعها بحالتها كده

[aif]

اية رائك فى الاوبترا المنوال يا حاج احمد بأمنة هيا ولا الاالنترا المنوال

ههههههههههه
يعني انا اللي باسأل
لو كنت اعرف مكنتش سألت
.....
لكن ممكن اكلمك عن الاوبترا
العربية ممتازة
بقالها 4 سنين معايا لغاية ما بيعتها
اعطالها تكاد تكون منعدمة
مياة الردياتير نفسها من وقت ما اشترتها
كذلك البطارية
كذلك الكاوتش
غيرت تيل فرامل امامي فقط مرة واحدة
حصل مشكلة في ضقيرة كهرباء المروحة لكن ده كان بسبب اني ركبت فوج لايت في التوكيل وركبوه باهمال .... وبعد كدة غيرولي الضفيرة باعت المروحة كلها في الضمان
السحب رائع
العزل ممتاز
الاتزان رائع
الارتفاع عن الارض ممتاز
وسع الكابينة رااائع
....
لو كانت اوتو كنت خليتها كمان 4 سنوات ع الاقل
الالنترا عمري ما سوقتها ... ولا صادف اني حتى ركبتها
الميجان ماسوقتهاش لكن ركبتها كتير

[thunder155]

خليك فى الالنترا