Tweet
بعد ما اراد المولى عز وجل ان عربيتى تتسرق.........ولحتياجى الشديد للعربية فى الوقت الحالى..........وكل المبلغ اللى معايا حوالى 50 الف جنيه.........وانا محتاج عربية خدمة شاقة لانى باعمل كيلوهات كتير وبروح اماكن كتير منها طرقها مكسرة وفيها مطبات كتير...........ومش بفكر فى التقسيط لان الظروف صعبة اليومين دول.....ناس قالتلى هات فيرنا وناس قالتلى افيو مستعمل طبعا.....وناس قالتلى المستعمل بلاويه كتير هات لادا زيرو........والتويوتا اللى كانت عندى طبعاً انتو عارفين نعومتها وتكيفها.............بصراحة انا مش عارف امشى ورا مين........وخصوصا ان بخاف من المستعمل وفى نفس الوقت مش عارف هاقدر استحمل اللادا حتى لو زيرو بعد العربية اللى كانت معايا ولا لأ.............فارجو النصيحة عشان انا محتار جدا ومش عارف اعمل ايه
-
-
طب ما تحاول تزود سنة وتجيب صني موديل 2005 مثلا
وربنا يوفقك للخير يارب ويعوضك عنها بالخير -
ياعم لادا ايه بعد التويوتا
ده انت هتحس انك كاره الدنيا ومخنوق من العربيات وسننها
شوف حاجة استعمل تكون بيتى
لانسر او دايو او فيرنا وابعد عن الافيو ومشاكلها
وشوف جين 2 الناس بتشكر فيها
واستخير ربنا
ووربنا يوفقك للاحسنComment
-
ممكن فيكترا بي 1 عربيه وحش علي الطريق وتستحمل السفر والبهدله
وممكن صني 2003 عربيه حلوه جدا متقلش حاجه في النعومه عن التيوتا بس مش بتاعت جري ومشاكلها قليله جدا وللعلم حاجاتها رخيصه اوي
وبلاش دايو عشان بتعطل كتيييييير عن تجربهComment
-
اشكر مروركم الكريم
بالنسبة للصنى غالية عليا اوى.......انا مجمع الخمسين دول بالعافيه...........والفكترا قطع غيارها حراقه ...........
انا عارف انى باتعبكم........بس انا استقريت باذن الله على الفيرنا..........وكنت عايز اعرف اشتريها منين وموديل كام الافضل....ولو فى حاجات المفروض اشيك عليها فيها قبل ما اشتريها
وجزاكم الله خيراComment
-
انسب اختيار ليحضرك فيرنا .. عربية جميلة و اعتمادية جدااااااااااااااComment
-
ممكن برده دايو نوبيرا اعدت معايا سنتين عملت فيهم 90 ألف كيلو ومقلتش أي حاجة وثابتة واسعة قطع غيرها رخصة تكيفها تلجا أحسن من حاجات يابني عن تجربةالمشاركة الأصلية كتبت بواسطة kharaelbrak800 مشاهدة المشاركة
و 50 تجيب موديل مش قال من 2006 مثلا فـكويس فكر فيها برده
Comment
-
صني 2001 -2002 بنفس المبلغ اللي معاك عربية ممتازة و تكييفها قوي و ناعمة جدا فرقها بسيط اوي عن التويوتاComment
-
يا جماعة الراجل استقر على الفيرنا
وعاوز النصيحة فى كيفية فحصهاComment
-
والله يا جماعة انا متشكر ليكم كلكم على المساعدة والنصيحة........واسال المولى ان يجعلها فى ميزان حسناتكم..................وان شاء الله لما اشترى هابقى ااحط التجربة كاملة على المنتدى حتى يستفيد بها اصحاب المشاكل المماثلة....................اشكركم وادام الله بقائكم فى صحةComment
-
بالتوفيقComment
Comment