برجاء المساعدة

[phdamr]

أنا هاشترى سيارة اوبل استرا 2008 هاى لاين فاميه اصلى استبترونيك هاتش باك 67 الف كيلو رشه اكصادمين بس وهاشتريها 80 الف جنيه ايه رايكم السعر ده مناسب وتنصحونى بايه فى اختبار العربيه والكشف عليها
وهل العربيه دى كويسه ولا فيها مشاكل وايه اخبار قطع غيارها هى قطع غيارها غاليه اوى ولا ايه رايكم

[Dr'AhmZZong]

بصراحة عربية ممتازة في كل شيء ماعدا اسعار قطع الغيار ..

كاسعر بصراحة مش عارف ..

[Dawns_Mist]

سعر العربية اللي انت هتجيبها دي كده لو حالتها حلوه يبقى تمام التمام و مبروك عليك .. قطع غيارها متعبة شوية .. تقدر تروح تشيك عليها في التوكيل تقريبا 200 جنيه تاخد تقرير كامل عن كل حاجة في العربية .. و تسأل بالمرة في التوكيل على قطع غيارها و صيانتها لإن العربيات دي أفضل حاجة ليها تكون متابع مع التوكيل .. بس على فكره الفيكترا 2008 إحنا بنصلحها عند أي ميكانيكي عادي جدا صيانتها بسيطة مش معقدة لكن قطع غيارها حتى خارج التوكيل متعبة اوي و غالية ..