محتار جدا يا ريت تدلونى

[sonic_aaan]

السلام عليكم و رحمة الله وبركاته

ان شاء الله انا قررت اشترى سيارة بعد ما بعت القديمة و دلوقتى انا محتار بين 3 انواع و دا ترتيب ابجدى ليهم

1) تويوتا يارس
2) رينو ميجان
3) ميتسوبيشى لانسر

كلهم اوتوماتيك و التكييف شغال

يا ريت يا جماعة المقارنة تبقى بالنسبة لـ

1) الشكل الخارجى
2) استهلاك الوقود
3) قوة و تحمل العفشة
4) الاتساع الداخلى
5) اسعار قطع الغيار
6) الثبات مع السرعات العالية
7) عزل الصوت الخارجى بعد غلق الزجاج و عزل صوت المحرك
8) قوة التكييف
9) عوامل الآمان

متشكر جدا

[mohamed ibiza]

رغم اختلاف الاسعار و سعات المواتير بالنسبة للياريس و الميجان و لانسر هجاوبك



كل متطلباتك دي=ميجاااااااااااااااااااااااااااااااااااااااااااا اااااااااااااااااااااااااااااااااان

[mohamed ibiza]

الحاجة الوحيدة بس ان اسعار قطع الغيار و اسعار الصيانات عالية في الميجان عن الياريس و لانسر

[sonic_aaan]

كويس جدا و متشكر لحضرتك بس هل يا ترى يارس ولا ميجان ولا لانسر فى استهلاك البنزين ؟

[PRO-DRIVE]

معلش هو ايه العلاقه بين العربيات ال3 دول ؟؟

لا نفس الفئه ولا نفس السعر حتي !!

[sonic_aaan]

معلش هو ايه العلاقه بين العربيات ال3 دول ؟؟

لا نفس الفئه ولا نفس السعر حتي !!

لو سيارات مستعملة و نفس السعر

[MoToRiZeR]

يا راجل الميجان لا تقارن بالاتنين دول نهائي .. عالم تاني
بس خلي بالك ان مصاريفها اكتر في قطع الغيار و الصيانة

[Nader]

الميجان اكبرهم بالنسبة للفئة.

الياريس بالرغم من شكلها الصغير خارجياً الا انها

داخلياً متساوية مع اللانسر، وقد تكون اكبر في الخلف

بسبب ان ارضيتها الخلفية منبسطة تماماً.


التكييف الياباني عموماً لا يعلى علية .... الميجان خارج المنافسة.

-1 للميجان +1 ياريس +1 لانسر

اسعار قطع الغيار وانتشارها اللانسر هي الافضل وتليها الياريس.

-1 ميجان -1 ياريس +1 لانسر


-الشكل الخارجي:

الازواق تختلف، لكن بالنسبة لي: 1- ميجان 2- لانسر 3- ياريس.


الاتساع الداخلي :الميجان هي الاوسع.


الثبات على السرعات العالية:

في المقدمة الميجان واللانسر .... الياريس اقل منهما في الثبات.


عزل الصوت الخارجي:

الياريس هي الافضل ثم اللانسر والميجان "التركي" شبة متساويان.



عوامل الامان:

ميجان ثم ميجان ثم ميجان ..... 6 اير باج و ABS



سهولة الصيانة:

اللانسر ممكن تصلحها في اي مكان .... هي الافضل في هذه النقطة

الياريس في التوكيل ومراكز الخدمة وبعض الورش المتخصصة في الياباني.

اما الميجان فصعب تخلي حد يمد ايدة فيها خارج التوكيل.



عموماً لو العزل "8/10" والاعتماد على التوكيل لا يمثلوا مشكلة كبيرة

بالنسبة لك فانا ارشح لك الميجان.

[SEATLOVER]

احلى حاجة فى المستعمل انك تجيب الميجان مستعمل
لو اططدت حالة نضيفة + تقدر على مصاريف تشغيلها

بتبقى احلى صفقة عربية مستعملة تجيبها فى الرانج دة

[fahd_628]

ميجان بدون تفكييييييييير

[sonic_aaan]

شكرا جدا للافادة و انا كنت متخوف شوية من الميجان على اساس ان قطع الغيار الميجان اغلى بكتير من اليابانى بس لقيت ان اليابانى غالى اوى برده !!

[sonic_aaan]

شكرا ليكم و انا جبت النهاردة لانسر

[fahd_628]

الف الف مبرووووووووووووك

[SEATLOVER]

الف مبروك وربنا يباركلك فيها
بس ممكن نعرف حضرتك لية اخترت اللانسر مع ان مفيش اى حد رشحها
فى مقارنتها فى التلاتة دوول ؟

[sonic_aaan]

انا كنت هجيب ميجان بس واحد صاحبى الصراحة كان عاوز يبيع عربيته و كدا و عرضها عليا و عجبتنى فخلصت فيها