رينو Sandero ولا بريليانس FRV....؟؟

[Raul_7]

السلام عليكم,

لو سمحتم يا رجالة عايز مقارنة بين العربيتين دول من ناحية:


الموتور (قوة واستهلاك بنزين):

العفشه و الثبات:

التوكيل (خدمة واسعار) :

قطع الغيار (توافر واسعار) :

التكييف:

الوسع:

الصاج:

الاعتمادية:


ولو هتختار واحدة تختار أنهي؟

[Hmatchy]

بص انا مركبتيش السانديرو علشان اقارن انا هقولك ال frv ظروفها ايه وربنا يكرم بحد ركب السانديرو ويقولك ظروفها ايه وربنا يوفقك
انا معايا fsv وهيا بتشترك مع الكروس فى كل حاجة فرق الشنطة و الجنوط


الموتور (قوة واستهلاك بنزين): 1500 قوة معقولة اوى وبتاع سرعات عالية مش طلعه قوية لان العربيه وزنها تقيل فعلا و استهلاك بنزين هايل موفرة يعنى مثلا تروح اسكندريه صد رد من غير لف كتير 50 جنيه بنزين وده لو بتجرى 160 و 180
لكن لو على مهلك هتستهلك 5 او 6 ليتر كل 100 كيلو ودى ارقام حقيقيه مش كلام كتالوجات

العفشه و الثبات: عفشة ناشفه شويتين بس بتديك راحة عاليه فى طرق السفر وثبات رهيب بتحس بيه اوى على الطرق السريعه

التوكيل (خدمة واسعار) : التوكيل غالى بس خدمه متميزة ويعتبر افضل توكيل (البفاريه) وجهة نظر

قطع الغيار (توافر واسعار) : قطع الغيار غاليه بس معمرة وخد بالك اى عربية مهما كانت سعر قطعه الغيار الاصليه غاليه بس اللى بيحسس الناس بالفرق الانتشار وتوافر اكتر من مستوى لقطعه الغيار


التكييف: مش فى قوة العربيات الكورى و اليبانى بس انا شيفو معقول جدا لانو مبياثرش على السحب تقريبا

الوسع: ممتازة وشنطة بحر

الصاج: ممتاز وتقيل اوى

الاعتمادية: اعتقد جى بتبان بعد 4 سنين ولا حاجة علشان نحكم والعربيتين مبقالهومش سنتين بس عن تجربة شيل من دماغك موضوع ان البريلليانس صينى
يعنى لو لقيت ان العيب الوحيد فيها انها صينى هاتها لانها بجد عربية هتحس معاها انك راكب حاجة عاليه فى الثبات زى الجولف كدة
وفى النهايه ربنا يوفقك للى فيه مصلحتك

[Raul_7]

ربنا يخليك يا باشا, شكرا لردك, بس هو مش ال cross تختلف عن ال FRV العادية؟ أصل مظنش ال frv العادية شنطتها بحر..؟

[Hmatchy]

الاختلاف فى المتور و الشكل والكماليات لكن العفشه والشاسيه والصالون واحد
و انا اعتقد مفيش frv كلو كروس دلوقتى

[Hmatchy]

اه نسيت اقولك حتى لو فى اختلاف الfrv شنطتها كبيرة اوى اوى

[Raul_7]

تمام يا باشا, شكرا ليك.

و منتظر ردود بقية الاعضاء.

[mido_soliman]

من تجربتى للعربيتين اللوجان وال frv افضل ال frv بمراحل
اللوجان (السانديرو هى هى بس هاتش واوتو ) محستش انى سايق عربية خالص
ال frv صينى اة بس انا اعجبت جدا بيها كعربية ثباتها حلو جدا وتسارعها هايل
صوتها مش عالى ومش واطى
تكييفها ممتاز جدا جدا
شنطتها طبعا مش كبيرة لانها هاتش ولكن مقبولة
تحس انك راكب عربية مقارنة بالرينو بامانة لانى لما ركبت الرينو غير انى كنت مخنوق مش حاسس انها عربية جديدة خالص

[Raul_7]

من تجربتى للعربيتين اللوجان وال frv افضل ال frv بمراحل
اللوجان (السانديرو هى هى بس هاتش واوتو ) محستش انى سايق عربية خالص
ال frv صينى اة بس انا اعجبت جدا بيها كعربية ثباتها حلو جدا وتسارعها هايل
صوتها مش عالى ومش واطى
تكييفها ممتاز جدا جدا
شنطتها طبعا مش كبيرة لانها هاتش ولكن مقبولة
تحس انك راكب عربية مقارنة بالرينو بامانة لانى لما ركبت الرينو غير انى كنت مخنوق مش حاسس انها عربية جديدة خالص

تمام يابو حميد, إنت بتفكرني بنفس إحساسي لما بركب اللوجان بتاعت الوالد....مابستريحش خالص.

بس أنا سمعت إن قطع الغيار غالية قوي وإن الفانوس الامامي ب 1300 وكلام كده؟؟ (frv)

[mido_soliman]

تمام يابو حميد, إنت بتفكرني بنفس إحساسي لما بركب اللوجان بتاعت الوالد....مابستريحش خالص.

بس أنا سمعت إن قطع الغيار غالية قوي وإن الفانوس الامامي ب 1300 وكلام كده؟؟ (frv)

معرفش حاجة خالص عن قطع الغيار يا حودة للاسف
بس معتقدش انها اوفر كدة اوى وبردة اللى عندة العربية ياريت يوضح
من رائي شيل السانديرو خالص من حساباتك ودخل اى حاحة تانية مكانها

[Raul_7]

معرفش حاجة خالص عن قطع الغيار يا حودة للاسف
بس معتقدش انها اوفر كدة اوى وبردة اللى عندة العربية ياريت يوضح
من رائي شيل السانديرو خالص من حساباتك ودخل اى حاحة تانية مكانها

ايه تاني ممكن تحطه في حساباتك طيب؟

[mido_soliman]

ايه تاني ممكن تحطه في حساباتك طيب؟

المبلغ كام ولازم جديد ولا ممكن مستعمل ؟

[Raul_7]

المبلغ كام ولازم جديد ولا ممكن مستعمل ؟

80 ألف جنيه, جديد.

[yoyhmh]

80 ألف جنيه, جديد.
انا لو مكان حضرتك اجيب لوجان اوتو

[ayman1204]

80 الف جنية وجديد زيرو اوربي فى مواصفات امان وعالية عن الارض ومطابقة تماما لمصر وشوارعها

حلها
رينو لوجان اتوماتيك سيدان
سانديرو اتوماتيك هاتش باك

[bluemagic11]

السلام عليكم
عندى سؤال صغير بخصوص العربيه.ال FRV لما رحت.المصريه للسيارات لاقيت.الراجل بيقولى العربيه نازله بمونور 1600 نوعه vvt او vtt حاجه كده مش فاكرها .. لما بصيت.هلى الردود ملاحظ ان العربيه 1500 مش 1600 . فهل.الراجل مش فاهم و اا فعلا فيه 1600 وايه نظام كابتن vvt ده .. مستنى الرد و الف شكر