استفسار سريع لو سمحتوا

[kimokito]

انا ناوى اجيب عربية زيرو ومحتار بين كذا عربية
1-شيفرولية لانوس
2-هيونداى فيرنا
3-بروتون ساجا
4-رينو لوجان
علما انى اميل الى الشيفرولية لانوس الكاملة
بس شفت كذا موضوع بيقولوا ان الشيفرولية لانوس فراملها مش اوووى
فلو سمحتوا عاوز اعرف رايكم

[mailo]

lanos اكبر واوسع من الفرنا
فراملها مش ضعيفة ولا حاجة اللا إذا كنت ناوي تنزل من 120 ل 20 مثلا كام مرة ورا بعض ساعتها الفرامل هتسخن وهتضعف شوية
فالسواقه العادية الفرامل كويسة

الساجا أسمع إنها حلوة بس أنا ماجربتهاش لاهيا ولا اللوجان

[tarek_2005]

اولاً افضلهم اللوجن بس اسعار قطع غيارها اعلي بكتير اوي علشان دي من ليفل تاني غير ليفل المقارن بين الاربع سيارات
لو معاك فلوس وتستطيع صيانتها وتحمل نفقات استهلاكها خليك فيها

اما الثلاثة التانين من نفس الفئة والمقارنة بينهم لصالح اللانوس
لانها تجمع مميزات السيارتان الاخريان وتبتعد عن مشاكل السيارتان الاخريين ولو عايز تفاصيل اقول لك

[kimokito]

الف شكر على الردود انا شكلى خلاص هجيب اللانوس عشان قطع غيارها رخيصة طب تنصحونى لما اجبها زيروا المفروض بيتسلم معلهل ايه يعنى الضمان والكوريك وايه تانى وتنصحونى اجبها منين فى اسكندرية عشان انا محتار فى الشركة سعرها 70.750 وفى معارض بتبعها سعرها 69 بس انا مقلق منها حاسس ان المعرض ممكن تكون ماشية مثلا فترشحولى اجبها منين

[blazer]

بلاش لانوس
الوجان افضل منها بكتير

[mody3on]

لوجان او فيرنا , بلاش اللانوس
اللوجان اعتمادية وعالية وواسعة وفيها ايرباج والاوتوماتيك منها نازل بموتور قوي
الفيرنا موتور قوي جدا جدا وعفشة كويسة وقليلة الاعطال وقطع غيار رخيصة

[tarek_2005]

لو استقريت علي اللانوس اقراء في اهم الموضوعات موضوع كيفية استلام السيارة

[ayman1204]

لوجان يا جميل
وبجد بلاش تيجب لانوس ( من منصور )

انصحك وبشدة لو عاوز تجيب لانوس هاتها مستعمله حالتها كويسة ودايو
الا كدة لو عاوز زيرو هات اللوجان وقطع غيارها رخصت خلاص مع الانتشار

[S O P H O S]

لوجان

[Dr'AhmZZong]

بلاش لانوس
الوجان افضل منها بكتير

لوجان او فيرنا , بلاش اللانوس
اللوجان اعتمادية وعالية وواسعة وفيها ايرباج والاوتوماتيك منها نازل بموتور قوي
الفيرنا موتور قوي جدا جدا وعفشة كويسة وقليلة الاعطال وقطع غيار رخيصة

[Sehsss]

لوجان ويا سلام لو الأوتو

[kimokito]

الف شكر على الردودددددددددد
ممكن اعرف النيسان الصنى الكاملة المانويل سعرها كام؟؟؟؟؟؟؟؟؟؟؟

[Sehsss]

الف شكر على الردودددددددددد
ممكن اعرف النيسان الصنى الكاملة المانويل سعرها كام؟؟؟؟؟؟؟؟؟؟؟

بدون إي بي إس بـ89 ألف

[kimokito]

الف شكر على الرد انا بفكر ادفع الفلوس الى معايا مقدم واقسط الباقى ممكن لو سمحت تقولى عيوبها ومميزاتها وانت ايه رايك فيها بوجة عام ولو جبتها تقسيط لو تعرف مثلا هتبقى بكام

[Abdm]

لو معاك أمكانيات للمصاريف والصيانة للوجان فى التوكيل وأرتفاع أسعار قطع الغيار بس طبعا مش هتضطر لموضوع قطع الغيار دلوقتى لآنها زيرو لكن أكيد بعد فترة ..... يبقى أتكل على الله وهات لوجان أتوماتيك أفضل من الجميع .. مش مانيوال

لو عايز عربية أقتصادية ومصاريفها حنينة وعملية ومنتشرة وقطع غيار وصيانة رخيصة ومتوفرة يبقى هات لآنوس زيرو

لو معاك أمكانية التقسيط وعايز تجيب عربية عالية شوية ويابانى ومنتشرة وقطع غيار بردة منتشرة وسعرها معقول وفى منها أصلى يابانى وتيوانى وتايلندى فأنصحك الآفضل هى النيسان صنى عربية ممتازة وقوية وعملية جدا ... وحاول تدخل على قسم النيسان وتقرأ شوية عن كل التفاصيل .
والله الموفق والمستعان