مقارنة ناريه من حيث كل شىء ( تويوتا كورولا vs هوندا سيفكvs فورد فوكاس ) موديلات 2012

[solom_2010]

السلام عليكم
معايا 170 الى 180 الف ان شاء الله و محتاااااار جدا بين الثلاثى دول
لو تويوتا حتبقى الهاى لاين
لو السيفك حتبقى الفئة الاولى مش الهاى لاين لانها ب 200 الف
لو الفورد حتبقى الى ب 180 ان شاء الله
و عاوز مقارنة من حيث كل شىء
و ربنا يقدم اللى فيه الخير

[S O P H O S]

فانتظار راي الاعضاء
انما لو ليا اختار التويوتا
موفق

[solom_2010]

فانتظار راي الاعضاء
انما لو ليا اختار التويوتا
موفق

و الله انا محتار جداااا السيفك كماتور احسن من التويوتا لاكن واطيه جدااا و كل مطب بتحك تقريبا
سعر اعادة البيع للتويوتا طبعااا
بس المشكلة ان التويوتا فقيرة جدا كا كماليات و الشكل من جوه عادية جدااا
فانا محتار جدااا و عاوز مساعدات من الناس الخبرة فى مجال السيارات و ناس جربت العربيات دى

[mody3on]

بلا نقاش الفوكاس , اولا هنستبعد الكورولا لان مفيهاش اي حاجة تستاهل 170 الف جنيه , لا ثبات ولا كماليات ولا راحة ولا اي حاجة
الفوكاس والسيفيك , بالنسبة للشكل وده راي شخصي , الفوكاس شكلها ممتاز وانسيابي ومميز خصوصا عالحقيقة ويا سلام لو جبت الهاتش باك , الهوندا شكلها تعبان جدا خصوصا من ورا وملامح السيفيك اختفت من الجيل ده
من جوا الفوكاس خاماتها ممتازة وتابلوه شيك جدا , السيفيك تابلوه مش قد كده بس اضاءة مبهرة خصوصا العدادات
السيفيك 125 حصان والعزم 151 نيوتن , الفوكاس 125 حصان والعزم 159 نيوتن وبتوصل 0-100 في 11.2 ثانية
ثبات الفوكاس ممتاز وال handling سلس
العربيتين واسعين من ورا ولكن خامات الفوكاس احسن والكراسي مريحة ومش متعبة , خامات السيفيك مش قد كده
ب 180 الف هتاخد كماليات كتير في الفوكاس بينما هتاخد عربية فاضية في السيفيك , لانها مبتنزلش بجنوط سبور ولا فوج لايت ولا مرايات ضم ولا usb ولا بلوتوث ولا سنسور بارك ولا كاميرا خلفية ولا فرش جلد ولا سمارت كي ولا طارة ملتي ولا حساسات مطر ولا تكييف دوال زون ولا كراسي كهربائية , معظم الحاجات دي موجودة في الفوكاس
الفوكاس الماني والسيفيك اوروبي , في فرق واضح طبعا
فتيس الفوكاس 6 سرعات dual clutch , بيدي اداء رياضي كويس بس مش قد كده في الزحمة وبيتردد كتير في النقلات
فتيس الهوندا اوتو عادي 5 سرعات مش 6
بس برضه الفوكاس : عفشة ممتازة , هاندلينج ممتاز وفخامة الالماني , عزل ممتاز ( برضه السيفيك عزلها ممتاز ) , خامات ممتازة مش بلاستيك زي السيفيك

[mody3on]

و الله انا محتار جداااا السيفك كماتور احسن من التويوتا لاكن واطيه جدااا و كل مطب بتحك تقريبا
سعر اعادة البيع للتويوتا طبعااا
بس المشكلة ان التويوتا فقيرة جدا كا كماليات و الشكل من جوه عادية جدااا
فانا محتار جدااا و عاوز مساعدات من الناس الخبرة فى مجال السيارات و ناس جربت العربيات دى

الكورولا ركبتها كتير , مفيهاش اي ميزة غير اعادة البيع بس

[Hossam_hassan4]

اعتقد الفوكاس احسنهم و شوف الاسترا برضه كويسه جداا بس من الواضح انك بتفكر في عربيه عائليه

[hugan]

الفوكاس الاستيشن جامده جدا
لكن السيفك
شكلها ولا تساوي حتي 120000 جنيه
الموديل السابق اشد منها
غير انها واطيه جدا
انا ركبتها وكنا 3 في العربيه يعني واحد بس قاعد في الكنبه الخلفيه
في الضياع عند اي مطب لازم تسلم عليه
غير ان الموديل الجديد لا يكاد يذكر في الشارع
يعني فاشله مفيش مبيعات
الكورلا اظن اكثرهم ربحا عند اعاده البيع
الاختيار بين كورلا وفوكس

[melagouze]

تويوتا مش مميز ه خالص الا فعلا في اعاده البيع فعلا

انا ركبت الفورد فوكاس ...هي كنبتها ضيقه شويتين في رايي

الهوندا فعلا سعرها مغالي فيها بس انا شايف ان تابلوهها رائع و خامتها مش سيئه

الموضوع يرجع لك......عايز تركب جديد و تحب الشياكه يبقي خليك مع الهوندا او الفوكاس ...... قلبك جامد و ممكن تاخد مخاطره مع الفتيس اللي عليه كلام شويتين ( مع ان الفورد اكتر عربيه محبوبه فب اوربا الان) يبقي خليك مع الفوكاس......عايز اعتماديه رهيبه مع فتره ضمان اعلي من الفوكاس بس هتضحي بالكماليات و شويه شياكهمن بره يبقي هوندا

[yoyhmh]

octavia

[mostafa53]

السلام عليكم ورحمة الله وبركاته
كل سيارة من التلاتة لها مزايا عن الأخرى ولا أستطيع أن أقول أن واحدة منها تعتبر خسارة أو فشل. الموضوع يتوقف على احتياجك من السيارة وشخصيتك.
الكورولا سعر إعادة البيع لها أحسن كتير لأن قطع غيارها متوفرة وصيانتها أسهل وأعطالها قليلة وسمعتها معروفة. عربية سهلة وتكييفها هايل لكن أقل فى الثبات وإمكانيات الموتور والكماليات من الاتنين التانيين.
الفوكس أحلاهم فى الشكل الخارجى والإمكانيات والكماليات ولكن المعلومات الأولى بتقول إن الفتيس ممكن يعمل مشاكل وسعر إعادة البيع أقل واحد فيهم والتكييف طبعا أقلهم لأنه أوروبى. أما الإعتمادية فماحدش يعرف عنها حاجة.
السيفيك ناس كتيرة زعلانة من الشكل الجديد وإن التابلوه والخامات الداخلية أقل وأرخص. لكن دى هوندا !!!!!!!! وإسم الهوندا لوحده يضمن إعتمادية أعلى بكتير والسيفيك أوسع بكتير من الإتنين التانيين وأثبت على الطريق

[dede_dodo88]

في رأيي كورولا ملهاش مكان في المقارنة دي,
و أظن أن السيفيك الجديدة هتضيع سمعة الشكل اللي قبله, الشكل الجديد سيء بمعنى الكلمة, أنا بتكلم على الشكل الخارجي و الداخلي, و كده كده كماليات الهوندا في الضياع, لكن بالتأكيد طول عمر مواتير الهوندا ملهاش حل, فهي عبارة عن موتور كويس و بس.
فأعتقد أن الفوكاس تكسب في المنافسة دي, يعني من الأخر هي good value for money..

[mody3on]

السلام عليكم ورحمة الله وبركاته
كل سيارة من التلاتة لها مزايا عن الأخرى ولا أستطيع أن أقول أن واحدة منها تعتبر خسارة أو فشل. الموضوع يتوقف على احتياجك من السيارة وشخصيتك.
الكورولا سعر إعادة البيع لها أحسن كتير لأن قطع غيارها متوفرة وصيانتها أسهل وأعطالها قليلة وسمعتها معروفة. عربية سهلة وتكييفها هايل لكن أقل فى الثبات وإمكانيات الموتور والكماليات من الاتنين التانيين.
الفوكس أحلاهم فى الشكل الخارجى والإمكانيات والكماليات ولكن المعلومات الأولى بتقول إن الفتيس ممكن يعمل مشاكل وسعر إعادة البيع أقل واحد فيهم والتكييف طبعا أقلهم لأنه أوروبى. أما الإعتمادية فماحدش يعرف عنها حاجة.
السيفيك ناس كتيرة زعلانة من الشكل الجديد وإن التابلوه والخامات الداخلية أقل وأرخص. لكن دى هوندا !!!!!!!! وإسم الهوندا لوحده يضمن إعتمادية أعلى بكتير والسيفيك أوسع بكتير من الإتنين التانيين وأثبت على الطريق

السيفيك اثبت من الفوكاس !!! صعبة اوي دي

[merosss]

طيب اية راى حضرتك فى الفانتزيا ممكن تبص عليها او المازدا 3 154 اعلى فئة جميع الكمليات

[mostafa basha]

خليك فى التيوتا والسيفيك علشان اعادة البيع
ومن وجة نظرى هات السيفيك عربية قوية ومش تقليدية زى التويوتا اللى تعتبر عربية قوية بس مش بحب شكلها التقليدى وكمان كماليتها مش حلوة
اما لو بتدور على شكل جامد فانا شايف انك ممكن تفكر فى سبورتاج ودى عربية suv
ولو مش حتبيع العربية خالص فممكن بردة تفكر فى الفورد على اساس انها شيك

[Hosam_Optrawy]

فوكس

لو قلقان من الانتشار واعادة البيع وقطع الغيار وغيره

هات النترا

لكن كورولا لا تعليق , والسيفيك الجديده عشاق الهوندا نفسهم مش عاجباهم دا غير سعرها الخرافى