هيونداى اكسنت2000 ولا تريوس 2000

[ruby1974]

بليز انا عاوزة مقارنة بين هيونداى اكسنت موديل 2000 ودايهاتسو تريوس يابانى موديل 2000
انا معايا 45000 جنيه ومش عارفة اشترى ايه وخاصة لسه بايعة 127 بتاعتى اللى طلعت عينى

ولا اشترى جديد مثل فيات بونتو 2012 على الزيرو واشترى دماغى بس طبعا حدفع المقدم 45000 وحقسط الباقى.. ياريت أهل الخبرة والثقة يردوا عليا .. ولكم جزيل الشكر

[Dr'AhmZZong]

بلاش مستعمل بصراحة .. لانك قادر على التقسيط ..

حضرتك احتياجتك إيه في العربية ؟؟ و أنا إن شاء الله هارشحلك حاجة حلوة !!!

[Sehsss]

فعلا ادفعيهم مقدم زيرو أفضل ما تجيبي عربية ماشية بقالها 12 سنة

[Ruba]

انا بحب ال 4x4

ومردتش اشترى فيتارا عشان غالية فى كل مصاريفها فقلت افكر فى تريوس على قدى وانا محتاجة العربية لاسرة لشخصين ، ثلاثة بالكثير +.. وغالبا دايما بشترى حاجت ومحتاجة انزل الكراسى الخلفية الغيها عشان بنقل فى العربية حاجت محتلفة احجام واوزان وانا محتاجة تريوس عشان اتهريت مطبات وحفر وخبط خاطىء من آخرين .. فخايفة اشترى جديد تقريبا صرفت نظر .. فى ايه رايك ؟؟؟

[Dr'AhmZZong]

خلاص هاتي terios عربية حمالة قاسية قوي ..