فيرنا ولانوس

[maka]

السلام عليكم

انا عاوز مقارنه بين الفيرنا واللانوس علي الزيرو مين فيهم احسن من حيث:

1-قطع الغيار 2 -البنزين 3- سهولة الصيانة(مش كل شوية تفتح بوقها) 4- الوسع 5-التوكيل 6-اسعار الصيانه الدورية
وياريت لو حد ليه تجارب مع العربيتين يحكيها
وبسعرهم في الزيرو ممكن اجيب ايه تاني مستعمل لو احسن منهم
شكرا

[mohamed ibiza]

قطع الغيار الاتنين حاجتهم موجودة و رخيصة

البنزين لانوس اقل

الصيانة الاتنين سهلين

فيرنا اوسع


لانوس بالقطع توكيلها احسن


اسعار الصيانة الدورية معرفهاش

[tutankhamoun]

لانوس شكلها أقدم ,............... بس أحلى من الفيرنا

[maka]

بس الفيرنا اجدد ولا انتم رايكوا ايه

[Nile_Storm]

بص ياباشا
تعليقي علي العربيه بكل امانه

العيوب :
التقفيل المصري ساعات بتلاقي حاجات مستفزه زي فيبر بيطأطأ و كده لكن كلها حاجات بسيطه تتظبط في صيانه الالف

فيه ناس اشتكت من التوكيل و ان كنت - و الله يشهد - مشفتش منهم حاجه وحشه للان

الثبات مش اوي و السبب الجنوط لو غيرتها بجنوط 14 يبقي تمام

المميزات :
فيما عدا السببين اللي فوق اعتقد ان كلها مميزات

موتور حديث و قوي جدا 105 حصان " كبير بالنسبه لسياره في الفئه دي "
1.6 Dohc يعني سجب و سرعه مفيش بعد كده

شكل بصراحه افضله
شنطه واسعه اوسع من اللانوس
الصالون معقول جدا بس ضيقه شويه من ورا
ابعداها سهله التعود عليها جدا
العففشه قويه و بتستحمل
و عامه لو مكنتش عربيه بتستحمل مكانتش بقت البديل الاول للشاهين في التاكسيات
و ظن دي حاجه كافيه جدا لاثبات اعتماديتها و تحملها

ده تقييم ليها كنت كتبته قبل كده
اما بالنسبه لاسئلتك

-قطع الغيار
الاتنين علي قفا من يشيل
2 -البنزين
زي بعض تقريبا
3- سهولة الصيانة(مش كل شوية تفتح بوقها
اي حد يفهم فيهم الاتنين
) 4- الوسع 5
ميفرقوش كتير عن بعض و ان كان ناس بتقول ان اللانوس اوسع من ورا

[MMamdouh]

السلام عليكم

انا عاوز مقارنه بين الفيرنا واللانوس علي الزيرو مين فيهم احسن من حيث:

1-قطع الغيار

زى بعض... لو فيه فرق حتبقى قليلة

2 -البنزين

يقال ان الفيرنا اقل... اللانوس مش موفرة فى البنزين مقارنة بال1500 فى عربيات تانية بش مش بلاعة يعنى

3- سهولة الصيانة(مش كل شوية تفتح بوقها)

برضة زى بعض و ان كان وجود اللانوس مدة اطول من الفرنا خللى العيوب معروفة للكل و معروف حلولها ايه

4- الوسع

كل الناس بتقول اللانوس اوسع بالرغم من انى حاسس ان الفرنا اطول... معظم الملاحظات قالت ان الفرنا طابلوها مضيق مساحة الرجلين

4- التوكيل

مفيش حد بيشكر فى غبور

6-اسعار الصيانه الدورية

زى قطع الغيار... الفروق قليلة لو فيه اصلا

وياريت لو حد ليه تجارب مع العربيتين يحكيها

انا معايا لانوس من نوفمبر 1998... الحمد لله مفيش مشاكل.. و عموما بص على قسم الدايو و قسم الهيونداى و شوف راى الناس فى العربيتين لان اللناس اللى راكبة العربية هما اصدق راى... ما حك ظهرك مثل ظفرك

وبسعرهم في الزيرو ممكن اجيب ايه تاني مستعمل لو احسن منهم

مش عارف... اصلى مليش اوى فى اسعار سوق المستعمل

MMamdouh

[kemo]

اللانوس افضل من الفيرنا من وجهة نظري من حيث الوسع والماتور (انا سمعت ان ماتور اللانوس يباني)و الاتنين زي بعض من حيث استهلاك البنزين بس اللانوس شكلها قديم ,اللانوس مشاكلها اقل من الغيرنا

[Nile_Storm]

اللانوس افضل من الفيرنا من وجهة نظري من حيث الوسع والماتور (انا سمعت ان ماتور اللانوس يباني)و الاتنين زي بعض من حيث استهلاك البنزين بس اللانوس شكلها قديم ,اللانوس مشاكلها اقل من الغيرنا

موتور يابانيييييييييييييييي

يا اخي تاكد من الاشاعه قبل ان تقولها

وده جزؤ مقتبس من مقارنه م سبعاوي الشهيره للفيرنا و اللانوس

محرك E-tech المصمم بواسطة جنرال موتور ادى واجبة ولا يزال فى دفع العديد من طرازات جنرال موتورز للأمام فى قارات العالم السته، فهذا المحرك عمل مع السيارة اوبل استرا وفيكترا موديلات 95 والتى تعمل فى اوروبا باسم اوبل وفى انجلترا باسم فوكسهول وفى امريكا الجنوبية تحت اسم شيفورليه وفى استراليا تحت اسم هولدن، كما عمل مع الدايو لانوس فى كل دول العالم وحاليا مع الشيفرولية افيو(التى هى انسخة الجديدة من اللانوس) والشيفروليه كورسا البرازيلية التى تباع فى مصر باسم اوبل كوسا سيدان، هذا المحرك يستحق تقدير ممتاز وهو افضل ما فى السيارة اللانوس، المحرك احادى الكامة ذو 8 صبابات يعطى قدرة قصوى فى حدود 85 حصان عند 5500 RPM، نظام تغذية الوقود عن طريق الحقن الإلكترونى،

[MMamdouh]

موتور يابانيييييييييييييييي

يا اخي تاكد من الاشاعه قبل ان تقولها
موتور اللانوس من انتاج شركه دايو ومستوحي من موتور لاوبل مش فاكر مودديل كام

Astra MK2 with a few upgrades

MMamdouh

[Nile_Storm]

ايوه يعني مش ياباني
شكرا يا محمد باشا :)

[SEATLOVER]

1-موضوع مثبت
مقارنة بين اللانوس والفيرنا
2-مقارنة
المقارنه بين الفيرنا 2008 - لانوس 2008
3-سؤال
أشتري فيرنا ولا لانوس؟؟؟؟؟؟
4- استطلاع
ماذا تختار ؟ لانوس ولا فيرنا و لماذا
5-مقارنة تانية مش بعيدة
فيفا و لا لانوس
6-ودخل عليهم شاهين كمان
لانوس ولا فيرنا ولا شاهين


يعنى كل الانواع و الاشكال من المواضيع
ومن الاخر
قديم و مضمون و مستقبلة على كف عفريت ...... يبقى اللانوس
جديد و انت وحظك فى التقفيل و معاك ربنا فى التوكيل ......يبقى الفيرنا

ولو معاك فلوسهم و عايز تحطهم فى مستعمل
يبقى بردو مفيش غيرهم و توفر الباقى فى جيبك وتظبطهم بيهم

[maka]

شكرا لجميع رودوكم معلش انا اتخرت عليكم بسبب الامتحانات وانا رسيت ان شاء الله
على الفيرنا

[Nile_Storm]

علي البركه باذن الله
واي سؤال تحت امرك