معايا 35 الف وعايز اشترى عربية

[وائل شويخ]

ما اصعب الحيرة والاختيار
فيه ناس تقولى هات الالمانى
وافكر فى الاوبل او الكورسا او البولو ؟؟؟؟
وناس تانية تقول هات الكورى
افكر فى الاكسنت والاكسل والسويفت ؟؟؟؟؟؟
او السويفت 93
وعلى فكرة دى اول عربية ليه وصاحبكم مبيعرفش يسوق
يعنى هتعلم عليها
وانا يعتبر حاطط كل ما املك فى العربية دى ومعنديش استعداد اصرف عليها
غير الزيت والبزين والذى منه
____________________________
معلش طولت عليكم
والرجاء النصيحة منكم

[S O P H O S]

هات ماروتي جديدة
وريح دماغك ...
راي شخصي

[amigo1]

أنا عندي نفس الحيرة بس أنا بسوق من 10 سنين
ب35 ألف ممكن تجيب
1- هونداي أكسيل كاملة 1500 cc
2- دوجان كاملة وهيتبقي معاك فلوس
3- كيا بريد سيدان كاملة

[Dr'AhmZZong]

هات ماروتي جديدة
وريح دماغك ...
راي شخصي

حل حلو برده ..

أنا عندي نفس الحيرة بس أنا بسوق من 10 سنين
ب35 ألف ممكن تجيب
1- هونداي أكسيل كاملة 1500 cc
2- دوجان كاملة وهيتبقي معاك فلوس
3- كيا بريد سيدان كاملة

احسن حاجة اكسنت 1500

[وائل شويخ]

شكرا جميعا على المرور

بصراحة انا بفضل الاكسنت
بس هل ياترى هلائى حاجة كويسة بالمبلغ ده ؟؟؟
سؤال تانى لخبراء الاكسنت ايه هى معايير اختيار سيارة أكسنت مستعملة؟؟؟؟

[zerohos]

راى شخصى هات اكسنت م 2000 ال 1500 cc

[ayman1204]

ستروين اكسارا 1 او 2
موديلات 2000 - 2001 - 2002
شوف انت بقى عاوزها اتوماتيك ولا مانيوال
وهتلاقى فى حالات حلوة ونادرة
ولو زود شوية الفين ولا تلاتة هتلاقى حالات حلوة كتير

[yoyhmh]

بما انك لسه ه تتعلم هات لادا 2007/2008 حوالى 28 الف
لو مش بتحب الادا هات اكسنت 1500 زى ما الاخوة قالو
لانهم موفرين فى كل شىء و سيارات عملية جدا

[lad]

كوررىىىىىى او شاهين

[وائل شويخ]

تسلمون جميعا على الدود
وهى كده شكلها اكسنت
بس ادعولى الاقى حاجة نضيفة

[joeomo]

حاسس بيك والله يا استاذ وائل و انا في نفس وضعك بلظبط بردو عاوز عربيه في حدود 35 وطبعا طلعت عيني بين الانواع و الموديلات انا هقترح عليك حاجه فكر فيها بلمره فيات سيينا 2001 1400 سي سي بلسعر ده هتلاقي حالات حلوه وربنا يوفقك وتلاقي اللي انت عاوزه