ليون .. مازدا3 .. سيفيك

[Eng.Sameh]

الأخوة الخبراء في هذه السيارات ، ارجو المقارنة التحاياية الموضوعية ، بين هذه السيارات
1 - سيات ليون ( مع اني مضايق من انها مانيوال بس )
2 - مازدا 3
3 - هوندا سيفيك

لأني لو ربنا ما اردش ومنجحناش في صفقة الجين2 الهاي لاين 2009 ، فأمري لله هكمل على الفلوس واجيب حاجه من الثلاثة دول ان شاء الله ، وطبعا لازم اخد راي حبايبي في المنتدى ..وطبعا لو حد عنو خيار افضل ياريت يقول

مستني ردودكم

[fahd_628]

الهوندا فى الكماليات مش زى المازدا و الليون خالص !

فا انا ممكن استبعدها

و انا ميال اكتر للمازدا 3 بس قلقان شوية من موضوع التوكيل دة !

طيب لية متشوفش الميجان برضة معاهم !

و ان شاء الله ربنا يوفقكم فى موضوع الجين 2 !

[Eng.Sameh]

شكرا يا فهد يا حبيبي لردك ، بس انا مبحبش الميجان خالص ، والمازدا3 فيه ناس بتقول واطيه مش عارف صح ولا لأ ، والله انا محتار جداً

وطبعا نفسي صفقة الجين2 الجديدة تنجح ، بس لو محصلش عاوز استقر على بديل

[fahd_628]

شكرا يا فهد يا حبيبي لردك ، بس انا مبحبش الميجان خالص ، والمازدا3 فيه ناس بتقول واطيه مش عارف صح ولا لأ ، والله انا محتار جداً

وطبعا نفسي صفقة الجين2 الجديدة تنجح ، بس لو محصلش عاوز استقر على بديل

مرة كنت راكب مازدا 3 و كنا 5 فى العربية و كانت بتحك فى اغلبية المطبات بس مش عارف بقى هوة دة علشان كنا 5 ولا علشان واطية

و ربنا يوفقك

[tutankhamoun]

الأخوة الخبراء في هذه السيارات ، ارجو المقارنة التحاياية الموضوعية ، بين هذه السيارات
1 - سيات ليون ( مع اني مضايق من انها مانيوال بس )
2 - مازدا 3
3 - هوندا سيفيك

لأني لو ربنا ما اردش ومنجحناش في صفقة الجين2 الهاي لاين 2009 ، فأمري لله هكمل على الفلوس واجيب حاجه من الثلاثة دول ان شاء الله ، وطبعا لازم اخد راي حبايبي في المنتدى ..وطبعا لو حد عنو خيار افضل ياريت يقول

مستني ردودكم

سؤال يا باشمهندس سامح
هو أيه اللي مش عاجبك في الجين 2 الموجودة دلوقتي ؟؟؟
مع إن فرق السعر مش صغير ............................ و نفس إمكانيات العربية

بس أنا لو هاختار من العربيات دي

بعد الجين 2 طبعا ( يعني لو مش موجودة في السوق أصلا )
هاختار الليون

[Eng.Sameh]

سؤال يا باشمهندس سامح
هو أيه اللي مش عاجبك في الجين 2 الموجودة دلوقتي ؟؟؟
مع إن فرق السعر مش صغير ............................ و نفس إمكانيات العربية

بس أنا لو هاختار من العربيات دي

بعد الجين 2 طبعا ( يعني لو مش موجودة في السوق أصلا )
هاختار الليون

توت حبيب قلبي ، اولا ازيك عامل ايه ، ليك وحشه يا راجل :)

ثانيا : اللي مش عاجبني في اللي موجوده دلوقتي اكثر من حاجه
1 - الصالون وخاماته
2 - الفجوه اللي في الموتور واللي بتأثر على سحبه
3 - محبش اشتري عربية نزل منها موديل احدث او حتى لو لسه منزلش وقرب يتغير

[شاهين - بنز]

الليون تتفوق عن المازدا والسيفيك بفرق شاسعععع
من ناحية الكوالتي الليون أحسن بكتيييير من السيفيك والمازدا
كراسي الليون رياضية ومرييييحة جدا وشكل الكراسي يوحيلك إنك راكب عربية رياضية فارهة
العربية مزودة بجنوط ومثبت سرعة وفتحة سقف وطارة جلد وفتيس جلد والدبرياج بتاعها من أسهل الدبريجات إللي جربتها في حياتي سهل جدا والمسافة قصيرة
مساحة الأرجل في المازدا ديقة بعكس الليون والسيفيك وأوسعهم مساحة هي الليون
تكييف اللليون أتوماتيكي ثنائي المنطقة وده مش موجود في السيفيك والمازدا

نيجي بقى للتصميم الخارجي المازدا بقالها 4 سنين في السوق يعني خلاص التغيير قرب
أما السيفيك فشكلها من ورا زبالة
والليون طبعا مش محتاج أتكلم في جمالها

نيجي لأسعار قطع الغيار فأسعار قطع الليون رخيصة جدا مقارنة بالهوندا
ده غير إنتشار السفيك البشع لدرجة إنك لو راكنها في مكان حتتلخبط من كتر السفايك
ده كفاية إن الليون مبنية على شاسيه الجولف
وموضوع إنها مانيوال فأنا شايف إن ده ميزة مش عيب حتى تحسسك بمتعة القيادة أكتر

[tutankhamoun]

توت حبيب قلبي ، اولا ازيك عامل ايه ، ليك وحشه يا راجل :)

ثانيا : اللي مش عاجبني في اللي موجوده دلوقتي اكثر من حاجه
1 - الصالون وخاماته
2 - الفجوه اللي في الموتور واللي بتأثر على سحبه
3 - محبش اشتري عربية نزل منها موديل احدث او حتى لو لسه منزلش وقرب يتغير

أنا الحمد لله يا باشا .......... كله تمام و شكرا على السؤال يا عسل

طيب بالنسبة للنقط بتاعة حضرتك
1 --- خامات الصالون مقدور عليها و بألف جنيه تظبطها تظبيطة تمام
2--- الفجوة دي بتقارن مستوى الموتور بنفسه
و ما بتأثرش على السحب نهائي و بتشد مع أي عربية عادي جدا
و المقارنة دي ......بتتم مع مستوى الموتور على عدد لفات أعلى و أقل مش مقارنة بينه و بين عربيات تانية
3--- الموديل اللي نازل جديد ( الميديوم لاين ) كمالياته أقل من الموديل الحالي و مش مختلف إلا في تعديل موضوع العزم ......... و اكصدام و حاجات مش جوهرية
و الموديل اللي نازل هو هو نفسم الإسم يعني مش أحدث و لا حاجة و كلمة Face lift دي مش الاسم التجاري ......... ده أسم الناس هي اللي أطلقته عليها علشان تفرق بين الموتور الكامبرو العادي و الكامبرو المتعدل

و متنساش إن فرق الفلوس مش قليل
الليون ب 145 ألف
و السيفيك ب 140 ألف
المازدا 3 ب 117 ألف

يعني أقلهم المازدا و الفرق حوالي 30 ألف
و الفرق ما بين الجين 2 و السيفيك أو الليون ما بين 50 إلى 55 ألف جنيه

في حين إن أنت ب 5 أو 6 أللاف جنيه ممكن تحول الجين 2 العادية أم كامبروا عادي إلى الشكل الجديد بشراء أكصدامين جُداد ( شكل جديد ) و الفرش الجلد و كمان ممكن تركب الفامية الشفاف بتاع حماية العربية من الشمس
و بكدا أخدت كل كماليات الجين 2 و بثمن مناسب و برضه ركبت العربية اللي كانت عاجباك ووفرت كل الفلوس دي

و طبعا القرار النهائي في أيدك أنت ......... و ربنا يوفقك لأختيار مناسب

[Rsarabia]

مازدا 3 بموووووووووت فيها و لو غيرت عربيتى ان شاء الله هغير لمازدا 3

[SAbuhashem]

الليون تفرق فرق شاسع في كل حاجة عن المازدا ٣ أو الهوندا سيفيك

المازدا بأعتبرها سيارة لقيطة بلا فصل ولا أصل في مصر ولو سونستا أو first car فلسوا هتقع تحت أنياب غبور إلي بيبيع تيل الفرامل ب-٩٠٠ جنيه وحتى برة بيتباع ب-٦٥٠ جنيه


الهوندا أحسن حاجة فيها انها هوندا من غير ما أتكلم عن كفائة الهوندا وجودتها الرائعة
لكن مع سعرها وفقر الامكانيات الرهيب في النسخة إلي نازلة مصر حرام فيها ١٤٣ ألف جنيه بالإضافة إن قاعدة عجلاتها طويلة ودة بيخليها تحك في مطبات كتير وبيدي إحساس انها واطية زيادة عن اللزوم وقطع غيرها أقل من المازدا قليلاً لكن مازالت نار

الليون مانوال بس ودة من أهم الأسباب لعدم انتشارها لكن الفتيس مانوال معا Very Close Ratios وسلس جداً لكن الموضوع دة بالمزاج في ناس متعقدة من المانوال بعد ما غيروا ال504 و-١٢٨ _ مش كل الناس طبعاً :)

بالإضافة انها هاتشباك يعني في عيون بعض المصريين للشباب فقط

أنا والله يعلم مش متحيز لحاجة لكن شايف إن الامكانيات والكماليات وأيضاً جودة الصناعة و أسعار قطع الغيار تشير كلها للليون بدون منازع
سعر إعادة البيع أعتقد هياخد الترتيب الآتي
هوندا
ليون
مازدا

لكن لو هتحتفظ بيها أكتر من ٤ أو ٥ سنين هيكون كالآتي
ليون
هوندا
مازدا

عموماً أنا لما اشتريت الموضوع مأخدش مني تفكير كتير لأن الليون كفت كل حاجة مقابل سعرها


وأتقبل بصدر رحب أي إنتقاد أو مناقشة في قطعة الحديد المزين بالبلاستيك والتكنولوجيا الحديثة المسماه ليون


Thanks
Eng.Sherif Shaker

[Eng.Sameh]

أنا الحمد لله يا باشا .......... كله تمام و شكرا على السؤال يا عسل

طيب بالنسبة للنقط بتاعة حضرتك
1 --- خامات الصالون مقدور عليها و بألف جنيه تظبطها تظبيطة تمام
2--- الفجوة دي بتقارن مستوى الموتور بنفسه
و ما بتأثرش على السحب نهائي و بتشد مع أي عربية عادي جدا
و المقارنة دي ......بتتم مع مستوى الموتور على عدد لفات أعلى و أقل مش مقارنة بينه و بين عربيات تانية
3--- الموديل اللي نازل جديد ( الميديوم لاين ) كمالياته أقل من الموديل الحالي و مش مختلف إلا في تعديل موضوع العزم ......... و اكصدام و حاجات مش جوهرية
و الموديل اللي نازل هو هو نفسم الإسم يعني مش أحدث و لا حاجة و كلمة Face lift دي مش الاسم التجاري ......... ده أسم الناس هي اللي أطلقته عليها علشان تفرق بين الموتور الكامبرو العادي و الكامبرو المتعدل

و متنساش إن فرق الفلوس مش قليل
الليون ب 145 ألف
و السيفيك ب 140 ألف
المازدا 3 ب 117 ألف

يعني أقلهم المازدا و الفرق حوالي 30 ألف
و الفرق ما بين الجين 2 و السيفيك أو الليون ما بين 50 إلى 55 ألف جنيه

في حين إن أنت ب 5 أو 6 أللاف جنيه ممكن تحول الجين 2 العادية أم كامبروا عادي إلى الشكل الجديد بشراء أكصدامين جُداد ( شكل جديد ) و الفرش الجلد و كمان ممكن تركب الفامية الشفاف بتاع حماية العربية من الشمس
و بكدا أخدت كل كماليات الجين 2 و بثمن مناسب و برضه ركبت العربية اللي كانت عاجباك ووفرت كل الفلوس دي

و طبعا القرار النهائي في أيدك أنت ......... و ربنا يوفقك لأختيار مناسب

الموضوع مش مجرد فرش جلد ، خامات الصالون كلها مش عجباني ونظام التحكم في الزجاج كمان مكانه غلط ، والجديدة كل الكلام ده متظبط فيها ، حتى الحجات اللي مش متغيره شكلا متغيره كخامه.

صحيح انت متأكد ان المازدا3 ب 117000 ، ولو متأكد دي انهي المانيوال ولا الأوتوماتيك ولا الاستبترونيك

[Ahmed Samy]

وأتقبل بصدر رحب أي إنتقاد أو مناقشة في قطعة الحديد المزين بالبلاستيك والتكنولوجيا الحديثة المسماه ليون


Thanks
Eng.Sherif Shaker

و الله ياباشمهندس انت 100 100 غلى البقين الجامدين دول

ربنا يكملنا بعقلنا جميعا

أما موضوع الترشيح (ليون) طبعا

[SEATLOVER]

اهلاً بقائد الجين 2 فى اختياراتة التلاتة الجداد
شوف يا justs هاقولك حاجة بمنتهى الصراحة
ويمكن تنهى معاك الموضوع لو فكرت فيها بمنطقية

اولاً تعريف بسيط للعربية الرياضية : اعلى اداء بأقل مجهود بواقعية مصاريف تشغيل

الجين2 عربية رياضية شكلاً و نفسها تكون مضموناً و غير قابلة للتشغيل فى البلد
المازدا3 عربية رياضية شكلاً ومضموناً نسبياً و غير قابلة للتشغيل فى البلد
السيفيك عربية غير رياضية شكلاً ورياضية مضموناً و غير قابلة للتشغيل فى البلد
الليون عربية رياضية شكلاً و مضموناً و قابلة للتشغيل فى البلد

[AhmedGen2]

الموضوع مش مجرد فرش جلد ، خامات الصالون كلها مش عجباني ونظام التحكم في الزجاج كمان مكانه غلط ، والجديدة كل الكلام ده متظبط فيها ، حتى الحجات اللي مش متغيره شكلا متغيره كخامه.

الجديدة اللى هى الميديوم والهايلاين صح؟ ولا الهايلاين بس؟ ، يعنى الميديوم لاين هتكون خاماتها متعدلة أحسن من الحالية ولا هى هى بس فرق موتور؟.

ربنا يوفقك فى اختياراتك.

[Eng.Sameh]

اهلاً بقائد الجين 2 فى اختياراتة التلاتة الجداد
شوف يا justs هاقولك حاجة بمنتهى الصراحة
ويمكن تنهى معاك الموضوع لو فكرت فيها بمنطقية

اولاً تعريف بسيط للعربية الرياضية : اعلى اداء بأقل مجهود بواقعية مصاريف تشغيل

الجين2 عربية رياضية شكلاً و نفسها تكون مضموناً و غير قابلة للتشغيل فى البلد
المازدا3 عربية رياضية شكلاً ومضموناً نسبياً و غير قابلة للتشغيل فى البلد
السيفيك عربية غير رياضية شكلاً ورياضية مضموناً و غير قابلة للتشغيل فى البلد
الليون عربية رياضية شكلاً و مضموناً و قابلة للتشغيل فى البلد

يا باشا اهلا بيك ، وطبعا مش هلاقي احسن منك يتكلم عن السيات
وعلى فكره انا لم اتخلى عن قيادة الجين2 الجديدة وسوف اظل خلفها حتى ياتيني اليقين فأما ان تنجح الصفقه وفي الحاله دي يبقى تمام جداً ونوفر فرق الفلوس الكبير ده ، وكمان الجين2 الجديدة في منتهى الجمال،

يا اما يخزلوني ، وفي الحالة دي عاوز اكون استقريت على بديل عشان مقعدش ساعتها لسه افكر ،

ثانيا تعليقاً على كلامك ، انت تقصد ايه بقابلة للتشغيل ؟

ثالثا ، مش عارف ليه حتة المانيوال دي مديقاني في الليون مع ان العربية بصراحة جامدة قوي ،

ويا ريت تركز معايا يا Lover يا خويه ، لحسن اخوك بيفرفر من دوخة العربيات دي