رينو لوجان او شيفورليه افيو

[amr123]

السلام عليكم
يا جماعة ان شاء الله انا ناوي اشتري سيارة جديدة قريبا خلال شهر باذن الله
كل الي معايا 75
بقارن بين الرينو الجديدة لوجان و الافيو
مقارنتي الشخصية وصلت الي ان اللوجان اكثر كماليات عن الافيو وضمان اطول و مستوى اعلى في اختبارات الامان الاوروبية و اوسع
لكن بالنسبة للشياكة الافيو تكسب

انا يهمنى اولا و اخيرا الاعتمادية و الراحة جو العربية لأن استخدامي كتير (حوالي 50 - 100 كم كل يوم)

يا ريت اسمع رأيكو

============
الاشراف.

[alfa_we]

انا كنت فى نفس حيرتك دى
والحمد لله استقريت على الوجان

[Powert]

انا بفضل اللوجان

[gagareen]

بعد ما شفت اللوجان اليك الاتى

1-محرك رينو 1600 سى سى بقوه 90 حصان والعربيه تقفيل أوروبى (رومانيا)وهو اللى كان مستخدم فى ميجان من كام سنه ودا كلام التوكيل نفسه
2-واسعه جدا من جوه والشنطه بحر 510 لتر
3-مرتفعه عن الارض يعنى تنفع مع شوارعنا
4-صاج متين من بتاع زمان
5-توكيل محترم جدا
6-مش منتشره زى الباقين وده فى نظرى ميزه مهمه
7-سعر العربيه عالى بره (حوالى 60 الف مصرى) وده دليل على جودتها طبعا يعنى فى مصر 75 بعد الجمارك والذى منه يبقى معقول جدا
8-راديو و سى دى بلاوبونك واربع سمعات ممتاز
اللى مش حلو
1- الشكل من قدام مش قوى
2- فتح الشنطه من الخارج
3- فتح وغلق الزجاج مكانه غريب (2فى الطابلوه و2 بين الكراسى ورا شويه)
4-الكبوت من الداخل غير معزول
5- العجل مش سبور
4- الاستلام بعد شهرين ونصف تقريبا

بالنسبه للفيرنا

1- موتور قوى جدا 107 حصان 1600 سىسى
2-شكل مقبول شويه
3-قطع غيار متوفره طبعا

العيوب

1-كميه عربيات فى الشارع مش ممكن
2-محدوده( ديقه) من جوه (كتفك فى كتف اللى جنبك) وورا ديقه لو قعد ثلاثه أشخاص
3-صاج ضعيف (باللمس يعنى)

الخلاصه ودى وجهه نظرى الشخصيه (علشان ملاك فيرنا)

لو حتشترى ولو انا مكانك برده أجيب لوجان

[gagareen]

اسف مخدش بالى إن المقارنه مع الافيو ولكن

الافيو 83 حصان 1500 سىسى
واسعه
موتور كورى والعربيه تقفيل مصرى
عاليه عن الارض وشكلها معقول

السعر غالى بالنسبه للمواصفات
سحب مش قد كده علشان 83 حصان فقط وأعتقد ليها علاقه بالانوس على ما اتذكر

اعتقد برده اللوجان تكسب

[eng / AhmeD]

اولا اللوجان 87 حصان
و تابلوها شكله قديم
بس واسعة و عالية
و شكلها الخارجي بردو مش حلو (دي ازواق)

الافيو اشيك منها بمراحل في الشكل الخارجي و الداخلي
بس كاعتمادية اظن اللوجان تكسب

[amr123]

شكرا على ردودكو جميعا

الحمد لله ان معظم الردود مع رأي ان من حيث الاعتمادية اللوجان تكسب
الي فيه الخير يقدمو ربنا ...بس بردو اتمنى اسمع ردودكو

[Ahmed Anwer]

مش مقتنع باللوجان دي الصراحة

تحسها تنتمي لسيارات اوربا الشرقية

اعتقد سعرها مبالغ فيه

المفروض تكون في سعر اللادا 2110 و اللادا كالينا و السيارات المثيلة

لو اتفرجت عليها بنفسك هاتحكم

[mohamed ibiza]

لو بتدور علي الاعتمادية تبقي لوجان طبعا الافيو لا يجوز مقارنتها باللوجان مقارنة ظالمة ليها دي كوري و دي فرنساوي فرق كبييييييييييييييير

[Ahmed Anwer]

ملحوظة برده ،،

مادام معاك لحد 75 الف ،،

بدل العربية الداتشيا دي ،،

هات رينو كليو ،، ب 74 الف ،،

و تبقي حاجة اوربية بجد ،،

شكل و شياكة و تكنولوجيا و سيدان ،،

[SOBKY]

مش عارف يا جماعة بس اللوجان دي مش نازلالي من زور ..
ما كانتش عاجباني في الجرايد . و بعدين شفتها على الواقع خنقتني زيادة
الكلام ده عن الشكل بس . لكن الاداء ماعرفش عنه حاجة

[egyfantom]

ليه متفكرش فى ال Accent 1.4 manual
والأفضل الكيا 1.4 manual لو كانت موجوده .

[amr_elrashidy]

انا شوفت العربية دى عند محمد زكى فى القطامية...بجد عربية مش لطيفة خالص..فى حاجات لقيتها فى التقفيل زى الزفت..و بعدين تركب جوه تحس انها فقيرة اوى و ترتيب الزراير و التابلوه غريب ..و بعدين دى كفاية انها من مصنع رومانى كان بيصنع الداتشيا اللى محدش فى مصر مالكها الا و قلبها تاكسى..صحيح ممكن ده يدل على الاعتمادية العالية لكن الله اعلم باللى جاى جديد..الافيو احلى فى الشكل بكتير طبعا لكن سعرها عالى شوية على عربية كورى تقفيل مصرى
ياريتك لو امكانياتك تسمح تتجه للكيا ريو افضل او حتى النيو اكسنت

[shady_elkady]

اسف مخدش بالى إن المقارنه مع الافيو ولكن

الافيو 83 حصان 1500 سىسى
واسعه
موتور كورى والعربيه تقفيل مصرى
عاليه عن الارض وشكلها معقول

السعر غالى بالنسبه للمواصفات
سحب مش قد كده علشان 83 حصان فقط وأعتقد ليها علاقه بالانوس على ما اتذكر

اعتقد برده اللوجان تكسب

الافيوا فى منها دلوقتى مصرى و كورى و شكل جديد هاتش باك

[El Prince]

ليه متفكرش فى ال Accent 1.4 manual
والأفضل الكيا 1.4 manual لو كانت موجوده .

معلش سؤال قصير:
انا كل ماشوف عربية نيو أكسينت فى الشارع الاقيها 1600
هى ال 1400 فيها عيب معين ولا ايه ؟