مقارنة شرسة بين "نيسان تيدا vs تويوتا ياريس" و أيهما تفضل

[Bishoy.Girgis]

أعضاء منتدي نايل موتورز الكرام

---------------------

مقارنة شرسة بين "نيسان تيدا VS تويوتا ياريس" و أيهما تفضل

حبيت افتح الموضوع لأدلاء اعضاء منتدي نايل موتورز و خصوصا اعضاء قسم تويوتا و اعضاء قسم نيسان لأعطاء المعلومات الغزيرة اللي بيتمتع بيها كل قسم عن السيارتين نيسان تيدا و تويوتا ياريس

TOYOTA YARIS

NISSAN TIIDA

محتاجين تكون مقارنة شيقة و شافية بأن يقوم كل قسم بوضع جميع معاييره عن السيارة و ايضا ً تجارب شخصية لأن السيارتين يعتبروا قريبتين من السعر و لكن ايهما تفضل بعد المقارنة ؟؟؟؟؟

الكثير من الاعضاء وضعوا الكثير من التساؤلات ايضا عن السياراتين لسبب الاقبال الشديد علي السياراتين فلذا نرجو وضع التقييمات و التجارب دون التعرض لأي من السياراتين للتهكم من قبل اي قسم بالمنتدي يعني نريده حوار و مقارنة فعالة

و ستكون هذه المقارنة شاملة لكل ما تعرفه عن السياراتين " فنيات تكنولوجيا السيارة - ميكانيكا - كهربا - اكسسوارات متاحة - تجارب شخصية - اداء السيارة - التكييف بالسيارة - العفشة - تسارع السيارة - الخ ..... "

أرجو من الجميع التفاعل و اتمني لكم وقت ممتع بالمقارنة الشيقة إن شاء الله

@@@@@@@@@@@@@@@@@@@

[Hossam_Zaky]

أسمحلي أشارك بشوية معلومات علما بأني ركبت الأتنين
ركبت الياريس 1300 مانيوال و ركبت التيدا 1600 أوتوماتيك

و لازم في المقارنة نأخد في الأعتبار السعة اللترية للمحركات

- الياريس و التيدا في نفس الفئة و الحجم تقريبا

الياريس ماتورها 1300 سي سي و الجديدة 1500 سي سي
ال1300 كان ماتورها كاتينة جنزير و سحبها جيد جدا و التكييف لا يؤثر علي السحب و حجم صالونها معقول و أستهلاك البنزين في الموديل ال1300 كان ممتاز

التيدا ماتورها 1600 سي سي و أعتقد دي نقطة لصالحها و برضه الكاتينة جنزير و السحب ممتاز و التكييف لا يؤثر علي سحب السيارة و حجم صالونها اكبر من الياريس شوية و كذلك شنطة التيدا أكبر من الياريس و أستهلاك البنزين جيد جدا

تماسك العربيتين علي الطريق معقول بالنسبة للفئة بتاعتهم

الشكل الخارجي و شكل الصالون الداخلي أزواق و يختلف من شخص لآخر إلا أنني أفضل تصميم التيدا عن الياريس لأنه بيعطيها برستيج فخم و كذلك تصميم صالون التيدا بيعطي انطباع بالفخامة من وجهة نظري عن الياريس خصوصا و أن وضع عدادات الياريس في منتصف التابلوه يعطي أنطباع بأنتمائها لفئة أصغر

التوكيلات
طبعا توكيل نيسان اللي بأتعامل معاه ممتاز ممتاز و غني عن التعريف و خلال الكام سنة اللي فاتو أعطي قيمة أكبر لعربيات النيسان لدرجة ان كتير من ملاك النيسان حتي القديمة أصبحو يفضلون التعامل مع مراكز الصيانة المعتمدة

توكيل تويوتا برضه غني عن التعريف بس للأسف لم اتعامل معه و ان كانت سمعته محترمة

[Bishoy.Girgis]

معلش يا جماعة انا نسيت ان المقارنة بين الفئتين الاوتوماتيك 1500 للياريس و 1600للتيدا طبعا ً

هتلاحظوا حاجه غريبة في الاسعار كمان
ان الياريس عامله 132000 و ان التيدا عامله 128000

طيب المقارنة كده مش المفروض يكون ليها تركيز اكتر لأن انا شايف رغم ان التيدا كمميزات اكتر لكن سعرها اقل .. هل ده سوق ولا ايه ؟؟؟

[Dr'AhmZZong]

أنا عشان مكدبش أنا عمري ما سوقت الياريس غير مرة واحدة راكب جنب السواق .. كانت عربية جميلة ..

لكن تيدا ما شاء الله كلها مميزات ماعدا شكلها و الثبات بعد 140 فقط ..

[mody3on]

الاتنين نزل منهم شكل جديد بره وهينزل هنا قريب , استنى عليهم شوية واعمل مقارنة بين الجديد احسن

[Sehsss]

التيدا تتفوق في السحب والوسع الداخلي والارتفاع عن الأرض واستهلاك البنزين والاتنين ثباتهم مش كويس، بس التيدا أفضل

[Abdm]

الياريس أفضل كأنتشار وأعتمادية وتوفير بنزين أكتر من التيدا .... واليارس أرتفاع عن الآرض أكتر من التيدا .. الوسع الداخلى الآثنين ذى بعض تقريبا .... فى النهاية الياريس تتفوق على التيدا بفارق بسيط

[CryptonX]

ياريس ايه بس !!
تيدا طبعا ! اقل فئة برقبة الياريس !

[ossamayk]

التيدا

[me_medoo]

مساء الخير جميعاً في قسمنا الحبيب نيسان

موضوع جميل ... بس مين يشهد للعروسة
بصو يا جماعة لو هنقارن فهنقارن اليارس الشنطة مع التيدا الشنطة واليارس الهاتش باك مع النيدا الهاتش باك ..

ورغم ان كتير مجربش يعني ايه يارس هاتش باك ...
فالمقارنة لصالح اليارس من حيث الثبات والتسارع والقوة .وتوفير البانزين ... وتوفر قطع غيارها بشكل بسم الله مشاء الله مبالغ فيه ... التيدا تكسب من ناحية الوسع الداخلي .
لكن العربية مش صابونة زي اليارس ... اليارس تحسها صابونة ... عارف عدم المؤخزة لمن تكون بتستحمى وعمال تصبن جسمك بصابونة لوكس او زيزست بطعم اللمون وفجئة تفلفص منك الصبونة وتطير من بين ايديك ... اهو هيا دي اليارس . بتطير كده وتزحلق كده من على الارض وتتسارع زي سرعة الصابونة المبلولة على السيراميك او جو البانيو .

مره كنت مع حسين باشا سونا استايل ... ومصدقش قد ايه جمال اليارس غير لمن سوقتهالوا ، وقال بالحرف الواحد بسم الله مشاء الله انا مكنتش اتصور ان اليارس كده .

غير ان تصنيع اليارس يباني 100% بسم الله مشاء الله ... والشركة كل ملاكها يبانيين من ساسهم لراسهم ... بس في نيسان مدير الشركة لبناني وعمل اتحاد مع شركة رينو التعبانة .

التيدا ناس كتير من ملاكها ... الي عملو حوادث اشتكو من حتت توزيع ثقل السيارة وان السيارة شبه بتتكفي على بوزها في بعض الحوادث .

اليارس 1500 سي سي محدش كتير جربها بس انا جربت السيريون 1500 سي سي Glx عربية ملهاش حل . والمتور واحد تقريباً . ويا ارض انهدي ماعليكي قدي ... فاليارس بامنة مازالت تكسب على الاسفلت ... بس الي بيهتم بالحجم الاكبر ... فياخود التيدا ... صالونها اكبر . والاتنين يعتبرو عربيات اعتمادية ... ويبانية ... وتحياتي لقسم نيسان عمالقت الصناعة اليابانية .

[mody3on]

التيدا تسارعها احسن يا ميدو , دي 1600 سي سي 118 حصان والياريس تقريبا 100 حصان

[Ahmod]

انا عمري ماركبت التيدا قبل كدة فمش هقدر اقارن او اقول رأيي

لكن الياريس ال 1500 قليلة ومش منتشرة فبرضوا مش هتعرف تقييمها واغلبية اللى هيقيمو هيقيمو بناء على الياريس ال 1.3 !! مع ان فيه اختلاف كبير مابينها ومابين ال 1.5

وخلي بالك ان ال 1.5 بتنزل باسبويلر والجنط بتاعها الى غير ان فيها Traction Control وده على حسب ماقريت في موقع تويوتا اجيبت والله واعلم بقى مدى صحة المعلومة دي

يعني اكيد الثبات بتاعها احسن كتير من ثبات ال 1.3

التيدا تسارعها احسن يا ميدو , دي 1600 سي سي 118 حصان والياريس تقريبا 100 حصان

مش بعدد الاحصنة والله !

طب اقولك حاجة الياريس ال 1.3 86 حصان ومع ذلك تسارع من 0:100 في 11.5 !

النيو النترا <<< مش بدخلها في الموضوع ولا حاجة بس مجرد بوريك انه مش بعدد الاحصنة

130 حصان وتسارع من 0:100 في 11.6 !!!! ؟؟؟

الياريس ال 1.5 ماتورها 1NZ-FE Dual Vvti

ده 105 حصان وعزم 140 نيوتن

تسارع من 0:100 في 10.5 ده بالنسبة للاتوماتيك

والمانويل اقل ثانية - ثانية ونص !!

Top Speed بالنسبة للاتوماتيك بتجيب 220 وده كلام ناس اعرفهم معاهم العربية دي في السعودية !! العداد بتاعها بيقف على ال 200 بس هي بتكمل واعرف واحد قالي مشيت جمب كامري وكان جايب على عداده 217 وانا العداد زي ماهو على 200

[mody3on]

انا عمري ماركبت التيدا قبل كدة فمش هقدر اقارن او اقول رأيي

لكن الياريس ال 1500 قليلة ومش منتشرة فبرضوا مش هتعرف تقييمها واغلبية اللى هيقيمو هيقيمو بناء على الياريس ال 1.3 !! مع ان فيه اختلاف كبير مابينها ومابين ال 1.5

وخلي بالك ان ال 1.5 بتنزل باسبويلر والجنط بتاعها الى غير ان فيها Traction Control وده على حسب ماقريت في موقع تويوتا اجيبت والله واعلم بقى مدى صحة المعلومة دي

يعني اكيد الثبات بتاعها احسن كتير من ثبات ال 1.3



مش بعدد الاحصنة والله !

طب اقولك حاجة الياريس ال 1.3 86 حصان ومع ذلك تسارع من 0:100 في 11.5 !

النيو النترا <<< مش بدخلها في الموضوع ولا حاجة بس مجرد بوريك انه مش بعدد الاحصنة

130 حصان وتسارع من 0:100 في 11.6 !!!! ؟؟؟

الياريس ال 1.5 ماتورها 1NZ-FE Dual Vvti

ده 105 حصان وعزم 140 نيوتن

تسارع من 0:100 في 10.5 ده بالنسبة للاتوماتيك

والمانويل اقل ثانية - ثانية ونص !!

Top Speed بالنسبة للاتوماتيك بتجيب 220 وده كلام ناس اعرفهم معاهم العربية دي في السعودية !! العداد بتاعها بيقف على ال 200 بس هي بتكمل واعرف واحد قالي مشيت جمب كامري وكان جايب على عداده 217 وانا العداد زي ماهو على 200

التيدا اخف كتير من الالنترا واليارس نفس الحكاية
ده تسارع التيدا
Nissan TIIDA Acceleration 0-100 - YouTube

[Ahmod]

التيدا اخف كتير من الالنترا واليارس نفس الحكاية
ده تسارع التيدا
Nissan TIIDA Acceleration 0-100 - YouTube

طيب مارحناش بعيد الفيديو ده من 10:100 في 11 ثانية وكسر

يعني الكلام برضوا طلع مش بقوة الاحصنة زي ماقلتلك فوق !! ؟

دي ياريس اتوماتيك 1.5

2009 Toyota Yaris Stock 0-100 (0-60) Acceleration - YouTube

[CryptonX]

ماشي بس هل عربية المفروض ان الموديل بتاعها الجديد نزل في كل حتة و على الابواب ..
وتعبتر فئة السوبر ميني ( بس بشنطة) تستحق 135 الف جنيه !
لو لازم اسيوي يعني ... مالها السيتي ؟ بلاش مالها الريو الجديدة !
لو مش لازم ... يبقى سوري
فييستا - ابيزا - بولو - فابيا - ايفو - كورسا ... كل دول افضل من الياريس كتييييييير ومن كل دول بكتيير طلاما في فئة السوبر بميني ! و في بعضهم ارخص منها !!!