خلاص يا جماعة.....قررت أغير...أنا قلقان جدا

[yalahwy2010]

انا يا جماعة هاخد رأيكم فى القرار النهائى قبل ما أنفذ بساعات قليلة وعصيبة
أنا هقول اللى محتاجه فى العربية وتقولولى موجودة فى أنهى عربية فى دول:
1. الراحة فى القيادة
2. قلة الأعطال والأمان
3. الوسع والإرتفاع
4. العزل والهدوء داخل العربية
5. الفرامل
6. التوكيل
7. أسعار قطع الغيار

انا من الآخر هبيع عربيتى السيفك مو 2009.....وناوى أشترى فلوانس 2011 عاملة 24 كم
إيه رأيكم؟؟؟؟
أتوكل على الله..........وهلقى كل اللى أنا عايزه فى الفلوانس؟؟؟؟؟؟؟؟

[ashouhdy]

الفلوينس عربية حلوة اوى

[arateb]

ايوه عربيه جامده بس موضوع قطع الغيار ده ممكن تبقي اغلي شويه من الياباني

[yalahwy2010]

ايوه عربيه جامده بس موضوع قطع الغيار ده ممكن تبقي اغلي شويه من الياباني

السيفك حراقة برضه.......بس بتعيش
أنا ما كنتش أعرف ان الفلوانش شاله منها الحساسات والمشاكل اللى كانت بتحصل فى الميجان
لو كنت أعرف كنت اشتريتها بدل السيفك
بس فوجئت ان الفلوانس أصحابها بيشكروا فيها
فا أنا ميال للفلوانس....وحاسس ان السيفك ميزتها فى قوة موتورها أنا مش بستغلها......عشان أنا ما بحبش الجرى خالص
فا إيه رأيكم؟؟؟؟

[abdulkhaleq]

طيب معلش بس حضرتك عندك كل متطلباتك دي في السيفك تغيرها ليه ؟

[S O P H O S]

طب ما تفكر فالكورولا ...

[yalahwy2010]

طيب معلش بس حضرتك عندك كل متطلباتك دي في السيفك تغيرها ليه ؟

للأسف كل اللى انا عايزه مش موجود فى السيفك
الشوارع صعبة جدا والشوراع المكسرة أكتر من الشوارع السليمة
وقعدة الفلوانس أريح من السيفك
موتور وتكييف السيفك أحسن بكتيير من الفلوانس........بس أنا مش بحب الجرى والتكييف الساقع
بس كدة

[abdulkhaleq]

خلاص يبقى توكل على الله ومبروك مقدما :)

[mody3on]

بص واضح انك عاجباك الفلونس اوي , هاتها وريح دماغك لانك كده مش هترتاح مع السيفيك

[yalahwy2010]

توكلنا على الله
وألف شكر لرجالة نايل موتورز اللى منورنا دايما

[Sehsss]

الفلوانس ممتازة، بس خلي بالك إنك نازل من سيفيك يعني انسى الحرق والجري علشان الفلوانس أهدى

[Dr'AhmZZong]

خلاص يبقى توكل على الله ومبروك مقدما :)

بص واضح انك عاجباك الفلونس اوي , هاتها وريح دماغك لانك كده مش هترتاح مع السيفيك

[yalahwy2010]

الفلوانس ممتازة، بس خلي بالك إنك نازل من سيفيك يعني انسى الحرق والجري علشان الفلوانس أهدى

عامل حسابى......انا ميجاناوى قديم ووالدى عنده فانتازيا.........نفس الطلعة التقيلة.........بس ما شاء الله ثبات وبتفتح بعد ال 100 كم/س

[IronHead]

اعمل تيست درايف الاول قبل ما تكييش,
خد بالك التكييف اقل كتير من اليابانى, فى درجات الحراره الشديده ومع الزحمه مش قد كده

[Land_Cruiser]

و الله كنت عارف ان حضرتك ناوى تغير من المشاركات و المواضيع اللى عملتها و اللى رديت عليك فى بعضها :) . على العموم بالتوفيق ان شاء الله بس ابقى جرب التكييف كويس لانه فى كذا شكوى منه انه ضعيف و طبعا اكشف على العربيه فى التوكيل. سؤال صغير هو حضرتك شفت الداستر و لا انت عايز سيدان و اتوماتيك؟ اعتقد هى فيها كل اللى حضرتك بتدور عليه و فيها كمان جر رباعى و عفشه اكس تريل و تصفيح كامل من تحت بس هى مانيوال فقط