ممكن حد يفيدنى ايهما افضل وليه
X
-
x1 اكيد , الماني وبعدين مش هتكون راكب هايلوكس متقفلة , هتركب عفشة محترمة و 2000 سي سي يعني استهلاك بنزين احسن والفتيس لو اوتوماتيك هيبقى 8 سرعات[shr71=http://media.il.edmunds-media.com/scion/fr-s/2013/fe/2013_scion_fr-s_actf34_fe_823124_717.jpg][/shr71]
Comment
-
بص ال X1 لو شكلها عجبك هاتها احسن من التويوتا, التويوتا ممكن اللي يخدها يخدها عشان حجمها و انها 7 راكب, غير كدة انا شايف اي عربية في الفئة دي تتفوق علي الفورتشنر.
لو مش لازم حاجة 4x4 استني ال BMW 3 Series الشكل الجديد تقريبا قرب ينزل و هيبقي حكاية.
لو حضرتك غاوي قصص ال 4X4 و بتطلع offroad فكدة ال X1 مش هتنفعك. بص علي الرانجلر أو الشيروكي
Mujaz.me | بي ام دبليو تطلق الفئة الثالثة الجديدة كلياَ قريباَ في مصر - التوكيل
Comment
-
الفورتشنز وحش على الطريق ، عربية ضخمة 4 باى 4 ، 7 راكب ، شنطة واسعة
هتبقى مميز جدا فى الطريق لقلة انتشار العربيات الضخمة فى مصر
لكن علامة البي ام دبليو لها بريق أخر
أحيانا الواحد يقارن بين سيارتين المشترك ما بينهم الفئة السعرية
يعنى بي ام 316 نفس رينج سعر بيجو 508 وكيا سبورتيج
لكن طبعا فروق كبير ما بين كل سيارة
علشان ترتاح حاول تشوف انت متطلباتك ايه
موضوع ال 7 راكب ده هيفرق معاك ولا لا
برده شوف موضوع تكلفة الترخيص هتبقى كام وحطه فى الاعتبار
طبعا كنعومة وراحة ركوب البي ام x1 هتبقى افضل من الفورتشنز
لكن تبقى علامة التويوتا أسرة لقلوب المصريين وعقولهم[CENTER] [/CENTER]
Comment
-
المشاركة الأصلية كتبت بواسطة sabry22 مشاهدة المشاركةممكن حد يفيدنى ايهما افضل وليه
السلام عليكم,
الحقيقة واضح ان حضرتك وضعتهم في مقارنة عشان تقارب السعر فقط , لأنهم فئتين مختلفتين تماما و يوجد فارق تكنولوجي رهيب بينهم لصالح البي ام , خاصة ان تويوتا مصرة ترجع بالزمن للخلف بتقديم سيارة من القرن الماضي زي ديه و للتوضيح هذكر بعض النقاط:
1) المساحة و الحجم : لو ده هو احتياجك فقط و اكرر فقط تبقى متضر تجيب الفورتشنر لانها اوسع فعلا
2) المحرك : تويوتا نازلة بمحرك عتيق 2700 سي سي بيطلع 158 حصان فقط !! ,, مع استهلاك وقود عالي لانه تصميم قديم طبعا ; بي ام x1 محرك 2000 سي سي 150 حصان و استهلاك 6 لتر لكل 100 كم على طرق السفر و حوالي 8 لتر في المدينة رغم ان ده مش احدث محركات بي ام لكن تكنولوجي الحقن و تكنولوجيا سحب الهواء عن طريق Valvtronic في بي ام تقلل الاستهلاك
3) الثبات والاداء: طبعا لا يوجد مقارنة بين اداء بي ام و ثباتها مع اي منافس , لما هو معروف من طابعها الرياضي و تعليفها المتميز فممكن تجري و تناور على اي سرعة و انت مطمن.
4) عوامل الامان: في بي ام عوامل امان ثابتة في كل السيارات و هي 6 وسادات , dsc و ده نظام الثبات الاليكتروني , ABS + CBC و ده نظام الفرامل + نظام تحكم الفرامل في المنحنيات + DTC و ده نظام منع الانزلاق . تويوتا مفيهاش غير الABS و 2 او 4 وسائد هواء فقط
5) تجهيزات و كماليات : فورتشنر زي اي سيارة تويوتا موديل 10 سنين فاتو مفيهاش اي جديد , يمكن التكيف التوتش اقصى اختراع فيها . بي ام مجهزة بتكييف 2 زون اوتوماتيك , كمبيوتر للاعطال لو حتى لمبة اتحرقت بيقولك + كمبيوتر للصيانة و مواعيدها زي امتى تغير تيل امامي امتى تغير زيت و ده بيعتمد على اسلوب القياده يعني condition based مش مجرد جدول مواعيد + شاشة الidrive و ده كمبيوتر لكل وظائف العربية و يبعطيك كل المعلومات السابق ذكرها , اه كنت حنسى : مقاس الزيت بيطلع لك على الشاشة كمان يعني مش محتاج تفتح الكبوت و تقيس الزيت ,, تكنولوجيا المانية بقى و دي لعبتهم
6) تكاليف الترخيص و الصيانة : بالنسبة للتويوتا عشان معدية ال2000 سي سي حتدفع حوالي 6000 ج في السنة , بي ام حتدفع 1000 ج في السنة , بس قطع غيار بي ام سعرها مرتفع نسبيا (متنساش انها سيارة ماركة فخمة ) بس معمرة و لو قارنت سعر قطعة الغيار بالاداء حتلاقي ان الموضوع يستاهل. يعني تيل الفرامل بحوالي 1000 ج و بيعد في حدود 30000 كم و بيوفرلك امان و قوة اداء عاملة ازاي.
[SIGPIC][/SIGPIC]
Comment

Comment