محتار بين نيسان صنى او نيو اكسنت

[حماده المصري]

انا كان معايا العربيتين

الصني افضل في كل شيء وان كانوا متقاربين

يعني النيو اكسنت عفشتها ناشفه جدا وكذالك الصني بس الصني عفشتها اقوى وافضل وثباتها افضل بكتير وراحه الركاب افضل بكتير من النيو اكسنت

اعتقد ممكن يبقى تكييف النيو اكسنت افضل بفرق بسيط معرفش لان الصني الي معايا مستعمله ف معرفش تكيفها وهو زيرو عامل ازاي

وطبعا في الياباني الفتيس لا غبار عليه تمامااااااا عكس الكوري احيانا كتير الجير بيطلع في مشاكل

الاكسنت الاربي مقدرش اقول عليها حاجه لاني مركبتهاش ومجربتهاش بس من تجارب ناس كتير برضو خفيفه جدا من ورا

وعلى فكره برضو الصني فراملها ممتازه خصوصا بقى بالكاوتش البردجستون بيوقف العربيه لو اييييه بيحصل

خليك في الصني او اوبترا

[masterzmind]

النيسان صني وياريت سوبر صالون (لو لقيتها) مميزاتها موتور قوي عفشة حمالة أسية، ارتفاعها عن الأرض ممتاز (ما بتحكش تقريبا) تكييف جبار، تسارع ممتاز، فرامل ممتااااااااازة فتيس أوتو لا غبار عليه ونادر الأعطال، ثبات رائع معاك لحد 180 كيلو والأهم من ده كله توكيل محترم جدا وحط تحتيها أكثر من خط، لا يعيبها فقط سوى ضيق المساحة الخلفية على حساب الشنطة الكبيييييرة، تحياتي وبالتوفيق

+++11111111111111111

http://www.nilemotors.net/Nile/284454-a.html

http://www.nilemotors.net/Nile/290033-a.html

[Sehsss]

أنا معايا الصنى مميزاتها الكل هيقولها لحضرتك لكن انا هقولك على العيوب اولاً العربيه عزلها سئ جداً و عفشتها ناشفه تقفيل مصرى يعنى صباح التزيق فى الكراسى و الدواسه و الاهم استهلاك البنزين عالى بالنسبه للاكسنت و لكن هى عربيه بالنسبه لتمنها حلوه و مميزاتها هى عيوب فى الاكسنت و مميزات الاكسنت هى عيوب فى الصنى بمعنى ان تقفيل الاكسنت كورى ممتاز و ربنا يوفقك و تختار الاصلح

اسمحلي كلام حضرتك غير صحيح، أولا العزل مش سيء (متوسط)، ثانيا إيه علاقة العفشة بالتقفيل المصري، مكونات العفشة كلها ياباني، وإيه برضه علاقة النشوفية بالتقفيل، ثالثا المساعدين كوني زيت وغاز (سبورت) علشان كده العفشة ناشفة في مقابل ثبات على السرعات العالية وعمر افتراضي أطول، استهلاك البنزين مش سيء واقرا المواضيع اللي في القسم وانت تعرف، وأنا ركبت الأكسنت وكلها بلاستك وخاماتها متوسطة جدا.. تحياتي

[Omar_4ever]

صني طبعا

[mff_629]

أنا رأيي ان في حدود السعر ده تستنى الصني الشكل الجديد إن شاء الله نازلة في خلال شهر
مميزات الصني اللي كلنا عارفينها إضافة إلى شكل حديث وسع من الداخل تكنولوجيا حديثة أكتر من الصني و الاكسنت

[goudamahdy]

أنا شايف ان حضرتك تنقله للمقارنات احسن ..

[tarekiooo]

nissan sunny

[_hema]

النيسان صني وياريت سوبر صالون (لو لقيتها) مميزاتها موتور قوي عفشة حمالة أسية، ارتفاعها عن الأرض ممتاز (ما بتحكش تقريبا) تكييف جبار، تسارع ممتاز، فرامل ممتااااااااازة فتيس أوتو لا غبار عليه ونادر الأعطال، ثبات رائع معاك لحد 180 كيلو والأهم من ده كله توكيل محترم جدا وحط تحتيها أكثر من خط، لا يعيبها فقط سوى ضيق المساحة الخلفية على حساب الشنطة الكبيييييرة، تحياتي وبالتوفيق

:018a1d~146::018a1d~146::018a1d~146:

الصنى لاتقارن بالأكسنت ابداً

[szaalouk]

صني و بدون تردد انشاء الله

[tamerzeid]

الصنى طبعاً






عن تجربة

[احمد زين]

انا شايف النيو اكسنت بس الافضل تويوتا

[zinger]

أنا كنت زى حضرتك كده من كام شهر وكنت واقف بين النيو اكسنت والصنى , وبعد بحث ونكش واستفسار ومداولات استخرت ربنا وجبت الصنى - والحمدلله كان اختيار صائب ف كل شىء , بجد مش حتندم ابدا على اختيارك , العربية ماشاء الله روعة وسواقتها ممتعة وشكلها احلى وأكبر من الأكسنت بكتير توكل على الله وهات الصنى بس يارب تلاقيها وتلاقى اللون اللى تحبه , وبالمناسبة احلى الوان من وجه نظرى - الفيرانى - السماوى - الموف الداكن ,

[eshta]

طيب ايه رأيكم فى اللون السيلفر؟

[Sehsss]

طيب ايه رأيكم فى اللون السيلفر؟

السيلفر ملك الألوان طبعا بالنسبة للسيارات مع الأسود، بس أنا عن نفسي عجبني الموف الداكن وجبته علشان لون جميل وجديد نازل من أول 2011 بس تقريبا