عايزة استفسار منكو يا جماعة

[rana_7]

اولا انا مبسوطة انى اشتركت فى الموقع الجميل دة اللى تقريبا احسن موقع سيارات واستفسارات فى النت كلو دلوقتى انا محتارة جدا عايزة عربية فى حدود 35 36 الف وانا جامعتى فى اكتوبر وانا من مصر الجديدة وبروح تقريبا كل يوم والدى رشحلى عربية اسمها فورد اسكورت الحقيقة انا مش عارفة العربية كويسة ولا لا بس عموما مع واحدة زميلتى وشغالة كويس طبعا هتقولولى اسئلى زميلتى هقولوكو مش بتقهم فى العربيات المهم العربية دى هتستحمل كل يوم المشوار دة ولا لا واجيب انهى نوع بالظبط منها واستهلاكها للبنزين وكدة ومرسى خالص واكون شاكرة اذا كان الرد بسرعة

[SOBKY]

اهلا بيكي يا اخت رانا
اسمحيلي ارحب بيكي عضوة جديدة و دايمة إن شاء الله في منتدانا الجميل.
الفورد اسكورت عربية مش وحشة و برده مش هي الاختيار الوحيد قدامك ... عند اختيارات احلى منها كتير زي اللانوس و الاكسنت.
ده غير العربيات الصغيرة زي الماتيز مثلا.
عربيات ناعمة و تنفع للاستعمال البناتي جدا.
بالاضافة الى انها صيانتها سهلة و قطع غيارها متوفرة و بتستحمل و سعر اعادة بيعها كويس .
ده رايي المتواضع و طبعا الاخوة الاعضاء حيفيدوكي اكتر .
و ربنا يوفقك في اختيار السيارة المناسبة اللي تريحك و تفرحك.

[rana_7]

شكرا يا sobky انا سعيدة انكو بتردو عليا بس الدايو والحجات دى تحس انها خفيفة شوية لكن العربية دى تقيلة وكدة وفنفس الوقت سواقتها سهلة انا مش عارفة على العموم مرسى جدااااااااااا

[OlaOsman]

بصي يا رنا انا مش عايزة افتي.. انما انا سمعت ان العربيات الأمريكية عموما بتبقى حريقة بنزين.. و لو عايزة فعلا تجيبي الفورد اتأكدي بس ان فيه ميكانيكة كتير بيفهموا فيها و ان قطع غيارها مش غالية اوي.

ربنا يوقفك يا رب للاختيار السليم :)

[SOBKY]

لا شكر على واجب .. بس برده للمعلومية هي مش امريكية الصنع ..
هي و الله اعلم صناعة تركي .. و المحرك 1500 او 1600 مش فاكر بالظبط
و بصراحة و للاسف انا معلوماتي عن العربية دي مش كتيرة .. و السبب في كده انها قليلة و كمان ما اعرفش حد راكبها ..
برده .. لا خاب من استشار .. و على بكره بالكتير حتلاقي اراء اعضاء كتير عن موضوعك .
بس لما يصحوا من النوم

[rana_7]

يارب بس غريبة بجد محدش جرب العربية دى؟؟

[Ahmedn76]

العربية دى مع واحد صحبى شغالة معاة سورى فى الكلمة زى الحمار ومش بتاخد بنزين وبتجرى جدا

[hazem_khidr]

اهلا بيكي يا رانا معانا:)
بصي يا ستي الفورد اسكورت عربيه جميله و كل حاجه لكن مشكلتها الوحيده في قطع غيارها صعبه و غاليه و مش اي حد بيفهم فيها و قليل لو لقيتيها بالتكييف
حقولك مثلا
واحد صاحبي كان معاه واحده زيها و جايبها زيرو سنه 99 و مكنتش بتتحرك كتير لان عندهم تلات او اربع عربيات
المهم فجأه لقيته باعها بسأله ليه مع انها ما مشيتش كتير قالي قطع غيارها بقت غاليه و القطعه اللي كنت بجيبها ب 200 بقيت بجيبها ب 900!!!!
لان التوكيل بتاعها قفل لفتره طويله و قليل اللي بيستورد قطع غيارها.
ف انت استخيري و شوفي
بالنسبه للبدائل
عندك السوزوكي سويفت 93 او 94 ياباني بالتكييف و بالتمن دا حتلاقي حاله نضيفه جدا.
هيونداي اكسيل من 94 لحد 98 فول اوبشن 1500 جميله جدا برضه .
لو زودتي شويه صغيرين ممكن اوبل كورسا اي موديل قبل 98 و برضه عربيه حكايه و تليق علي البنات.
في نفس الحدود ابيزا و بولو برضه موديلات اواسط التسعينات بس قليل لو لقيتي حاله نضيف لان الشباب مبهدلهم

بصي يا رنا انا مش عايزة افتي.. انما انا سمعت ان العربيات الأمريكية عموما بتبقى حريقة بنزين.. و لو عايزة فعلا تجيبي الفورد اتأكدي بس ان فيه ميكانيكة كتير بيفهموا فيها و ان قطع غيارها مش غالية اوي.

ربنا يوقفك يا رب للاختيار السليم :)

الفورد الاسكورت من فورد اوربا مش فورد امريكا
موتور 4 سلندر 1600 سي سي

[Eng.Mohamed Amen]

أولا. أحب أرحب بيكى فى منتدانا يا رانا ويارب تنورينا دايما .

ثانيا .بصراحه أنا مش خبره فى العربيات بس أنا إشتريت عربيه شيفورليه سبارك

هيه ممتازه جدا وحساسه جدا والغيارات ناعمه والعفشه ناعمه وفى منتهى الجمال

فى ناس قالولى إن العربيه دى تليق على البنات وده السبب اللى خلانى أقولك على

العربيه دى وثمنها 56.000 جديده ومنتظر رأيك ورأى الأعضاء وكوكبه المنتدى

وشكرا ..

[iBiZa]

لا شكر على واجب .. بس برده للمعلومية هي مش امريكية الصنع ..

هى انتاج Ford Europe وغالبا يا اسبانى يا المانى.

المهم فجأه لقيته باعها بسأله ليه مع انها ما مشيتش كتير قالي قطع غيارها بقت غاليه و القطعه اللي كنت بجيبها ب 200 بقيت بجيبها ب 900!!!!

الموضوع دة فعلا حصل ان التوكيل القديم كان مغلى الاسعار جدا و بعد كدة سحبوا منة التوكيل و فتح توكيل جديد فى 6 اكتوبر و منزل فى قطع الغيار و المصنعية علاشان يجذب الناس و فية ناس كتير بتشكر فية.

[Ahmedn76]

سزوكى كويسة اوى

[hazem_khidr]

سزوكى كويسة اوى

حضرتك غيرت اجابتك ليه
انت كنت كاتب انا متشكره اوي علي الردوود
يا تري ايه اللي حصل و خلاك تغير كلامك في ال 6 دقايق؟؟؟؟؟
هو رانا هو انت ولا ايه الاشتغالات دي بقي

[Xpert]

مارشحش لحضرتك الفورد اطلاقاٌ .. قطع الفيار غاليه و مش متوفره .. و الصنايعيه مابيفهموش فيها ...
انا ارشح لحضرتك : فيات اونو -فولكس : جولف 2 - بولو

[telatfy]

عربية تقيلة مش ناعمة و لو 1300 العربية مش بتسحب

[nokiy]

حضرتك غيرت اجابتك ليه
انت كنت كاتب انا متشكره اوي علي الردوود
يا تري ايه اللي حصل و خلاك تغير كلامك في ال 6 دقايق؟؟؟؟؟
هو رانا هو انت ولا ايه الاشتغالات دي بقي

لا تعليق
غير انك مش محتاج تعمل كده استاذ احمد
لو سألت كل الناس هتجاوبك من غير
موضوع رنا ده