اكسيل 97 ولا صنى 94 محتارة بين الاتنين

[الزيرو]

السلام عليكم ورحمة الله وبركاته

انا قدامى عربيتين الاتنيين فى قنا جنبنا هروح اشوفهم يوم الجمعة ان شاء الله
انا هقول مواصفات الاتنيين وثقولولى انه افضل لانى انا معرفش


الاولى هوينداى اكسل 97
سيدان وماشية 15400 كيلو فبريكة من جوا منوال فيها تكييف وريموت وانذار وسنتروراديو كاست على 33000 الحقيقة معرفش سعة الموتور نسيت اساله بس رخصة العربية سارية لحد شهر اكتور اللى جاى


التانية نيسان صنى 94
1300 سى سى منوال فبريكا من جوا رشة من بره نضافة وفيها طبعا راديو كاست وفيها مكيف شغال
وجنوط معروضة على 28500 وقالى هاتى اى مكانيكى ويكشف عليها بره وجوا معندوش مشكلة ووعدنى انه ممكن ينزل فى السعر شوية والرخصة سارية لحد اخر الشهر ده بس الفحص لحد 2014
انا مش عارفة انه احسن افتونى

[Eng.Geo]

أكسيل لو حالتها نضيفة و 1500

[الزيرو]

طب ليه اكسيل عشان افهم عشان انا مش عندى خبرة فى العربيات

[S O P H O S]

هو الشئ الغريب ان مكتوب الهيونداي ماشية 15 الف كيلو في 15 سنة
ازاي مش عارف ؟؟؟

[Eng.Geo]

طب ليه اكسيل عشان افهم عشان انا مش عندى خبرة فى العربيات

قطع غيارها متوفرة جدا جدا ورخيصة جداااااااا
صياناتها سهلة وأي حد بيشتغل فيها
الصني ده مش متوفرة قوي وحتي لو حبيت تبيع الأكسيل هتتباع هوا

[Eng.Geo]

هو الشئ الغريب ان مكتوب الهيونداي ماشية 15 الف كيلو في 15 سنة
ازاي مش عارف ؟؟؟

أكيد في صفر ناقص

[Sehsss]

يا باشا الحالة هي الفيصل بس طبعا الياباني اعتمادية أفضل

[S O P H O S]

أكيد في صفر ناقص

اشكرك انا كنت حاسس بكده بردوا

[الزيرو]

الاتنيين فى قنا وانا هاخد ميكانيكى واروح ولو الحالتين ممتازين ايه افضل اليابانى ولا الكورى وكمان السعر الصنى ارخص بالنسبة ليا

[Sehsss]

الاتنيين فى قنا وانا هاخد ميكانيكى واروح ولو الحالتين ممتازين ايه افضل اليابانى ولا الكورى وكمان السعر الصنى ارخص بالنسبة ليا

في الحالة دي يبقى الياباني طبعا

[zangry]

في الحالة دي يبقى الياباني طبعا

[besokate]

اهم حاجه حاله العربيه والموتور و الراحه النفسيه بس انا رايي النيسان افضل الاكسيل زباله وكمان غاليه

[Sehsss]

اهم حاجه حاله العربيه والموتور و الراحه النفسيه بس انا رايي النيسان افضل الاكسيل زباله وكمان غاليه

مش لدرجة الزبالة، الإكسيل عربية جميلة جدا وقطع غيارها رخيصة وعلى فكرة أفضل من الأكسنت التسعينات

[S O P H O S]

اهم حاجه حاله العربيه والموتور و الراحه النفسيه بس انا رايي النيسان افضل الاكسيل زباله وكمان غاليه

[الزيرو]

متشكرة جدا يا جماعة افدتونى بجد بس ممكن طلب اخير بس انا اعرف معلومات عن الاكسيل والاكسنت والكورسا والمازدا 121 والدايو سيلو عشان كنت عايزة اشترى حاجة منهم بس الصنى الحقيقة معرفش اى معلومات عنها يا ريت بس تقولى امكانيها واستهلاكها للبنزين انا عارفة ان صاجها قوى وبالنسبة لقطع الغيار انا عارفة انها غالية بس المهم انها موجودة بس هل معمرة ولا لا وشكرا ليكم بجد