مقارنة بين النترا 2012 الشكل الجدبد ولا كورولا 2010 هاى لاين

[gouda78]

با جماعة ارجو لكل من عندة الخبرة ان يفيدنى لانى بجد محيار بين النترا 2012 فول اوبشن اوتوماتيك ب124000 زيو ولا كورولا 2010 ماشية 60000 كم فبريكة برة و جوة خليجى هاى لاين ب126000 , طبعا انا عارف ان الكورولا لا يعلى عليها بس برضو الزيرو لة رونقة, ارجو الافادة ممن لدية الخبرة

[S O P H O S]

هو حضرتك جاوبت علي السؤال
دي عربية ممتازة
ودي عربية زيرو وليها فرحتها
لو انا هركب الكورولا ولو حد غيري هيركب الهيونداي وده حقه
يبقي تجرب العربيتين وتركبهم قبل الشراء وساعتها هتحس براحة فواحدة منهم وهتعجبك سواقة واحدة عن التانية اكيد
وساعتها تختار

[mody3on]

الالنترا اللي ب 124 الف مش فول اوبشن ولا حاجة , بلاش منها , اركب فئة اعلى فيها مواصفات امان
الكورولا مش عاجباني شخصيا واعتقد الخليجي تقفيل تايواني مش ياباني , بس هاتها لو مش هتقدر تزود الفلوس

[S O P H O S]

الكورولا الخليجي تقفيل تيواني ؟؟؟؟

حضرتك متأكد ...

[mody3on]

الكورولا الخليجي تقفيل تيواني ؟؟؟؟

حضرتك متأكد ...

اه متاكد

[S O P H O S]

اشكرك علي التوضيح ...

[abood_m]

الكورولا مش عاجباني شخصيا واعتقد الخليجي تقفيل تايواني مش ياباني , بس هاتها لو مش هتقدر تزود الفلوس

توضيح بسيط بس الكورولا الخليجي لحد 2010 تقفيل ياباني وبعد كده نزلت تقفيل تايواني

[gouda78]

شكرا على الرد, انا فعلا حابب الزيرو اكتر

[gouda78]

هى فول اوبشن بس من غير airbag and abs

[mody3on]

هى فول اوبشن بس من غير airbag and abs

لا يبقى سيبك منها

[Mostafa_Nour]

السلام عليكم أخى الكريم

أيا كان اختيارك (ربنا يوفقك فيه أيا كان ) ماتتنازلش أبدا تحت أى ظرف من الظروف عن الفرامل ال abs لأنها حيوية جدا جدا ربنا يسترها معانا كلنا.
اقتراح : لو هتقدر توصل ل 131 ألف يبقى رينو فلونس أول فئة أتوماتك أحسن من التويوتا المستعملة وأحسن من الالنترا الزيرو .
وبالتوفيق ومبروك مقدما
تقبل مرورى.

[Ultramisho]

مبدئيا انا رأيي الزيرو اضمن مهما كانت العربية على الاقل بتضمن ان مايحصلش معاك مقالب ده تليين العربية ياراجل زي تعليم الطفل للمشي لو قسيت عليه شوف هيحصله ايه
وبرضه وسائل الامان كالايه بي اس والايرباجز مهمين طبعا بس برضه مش سبب لاتحمل اخطار المستعمل بس ياريت تقدر تتحامل وتجيب الالنترا جي ال اس
ثانيا معلومة الزملاء ان التويوتا السعودي على الاقل من بعد 2010 تقفيل تايواني صح باستثناء المانيول لسه تقفيل ياباني على ما اعتقد
ثالثا انا ركبت النترا الشكل القديم والكورولا بس لا تندهش وجدت الالنترا القديمة قعدتها اريح وافضل بل واوسع من الكورولا خاصة الكنبة الخلفية
ولكني لا انكر اعتمادية الكورولا
باقي الكلام عن التكييف وسعر اعادة البيع فهم متقاربين
والله اعلم

[Ultramisho]

آه نسيت اقولك ابعد عن الفلونس مع احترامي لزميلنا الفاضل الي رشحها
صحيح تقفيلها كويس وشكل ووسع

لكن سحب بطيييئ خاصة في الطلعة وتكييف ضعيف وسعر اعادة بيع واضح
ده غير شكوى الي شاريها من عضة الفتيس ويمكنكم مراجعة المنتدى في مواضيع الفلونس

[gouda78]

الف شكر على الرد بس الرينو مع انها فى قمة الاناقة الا انى سمعت ناس كتير بتشتكى منها, طبعا ممكن يكون كلام و خلاص و يكون اللى بيتكلم عليها عمرة ما ركبها , بس خلينا فى الsafe side و مشكور مرة اخرى.

[gouda78]

انا معاك مية * المية لانى ركبت الانترا و فعلا الكنبة و الشنطة اوسع من الكورولا, هو سؤال اخير عن الانترا, قالو ان ملهاش سمكرة ان اى خبطة بسيطة هتخليك تغير الباب كلة كما ان حاجتها غالية فالفانوس الخلفى سعرة 1400 جنبة و مش موجود, مش عارف الكلام دة صح ولا اية؟