الماتريكس ولا الأوبترا

[waterpolotemo]

السلام عليكم ..
أنا عايز أشترى عربية مستعمله تكون 2010 مثلا مش قبل كده و أنا طويل و مليان و محتاج عربية تكون واسعه و محترمه فى حدود 80-85 ألف تقريبا.. ومحتار بين الماتريكس و الاوبترا ... ياريت المساعد بسرعه و لو فيه اقتراحات تانيه ياريت برضه...
أنا سمعت ان استهلاك الاوبترا للبنزين عالى و ان عفشتها وحشه جدا و صاجها ضعيف.. بس بصراحة انا ركبتها ولقيت كرسى السواق مناسب ليا لما اجيبه على اخر حاجه..
الماتريكس بيقولوا بعد 2007 وحشه و مش كويسه و لما ركبتها بصراحه كرسى السواق كان ضيق شوية فى الطول , يعنى رجلى مكنتش مرتاحه قوى زى الاوبترا...
أنا محتار و مليش خبره فى العربيات و كان معايا لانوس قبل كده.. فياريت المساعده من الخبراء اللى هنا... وألف ألف شكر..

[S O P H O S]

حضرتك عاوزها اوتو ولا مانيول ؟؟

[merosss]

لا هى الماتركس هتكون تركى مش كورى..الاوبترا عافشتها مش وحشة ولا حاجة فى الاوبترا تم تعديل كل عيبوب العفشة الى كانت فى النوبيرا (الاوبترا هى تحديث النوبيرا) هما تقريبا واحد فى الصاج
وياريت حضرتك تشوف الانسر البومة من بداية 2008 لحد 2010مثلا المبلغ دة ممكن يجيب واحد سبورت كاملة اتوماتك وعربية ممتازة

[engahmedsamy]

النترا او سيراتو الشكل القديم ممكن او كورولا

[waterpolotemo]

شكرا جدا يا جماعه للإهتمام...
أنا انهارده رحت سوق السيارات و لقيت الينترا خليجى 2010 عامله 25000 كيلو و كان طالب 92 أول كلام و ممكن تنزل... فإيه رأيكو.. هيا أوتوماتيك فول أوبشن..

[S O P H O S]

جميل لو العربية فابريكا اهم شئ وحالة الماتور والفتيس تكون ممتازة
ومتنساش تكشف عالعربية كويس مهما كان شكلها كويس تكشف عليها بردوا
لو كده توكل علي الله بس السعر ده ينزل عن كده
بالتوفيق ان شاء الله..

[waterpolotemo]

جزاك الله خيرا.. شكرا ليك جدا..
طيب أنا إن شاء الله حكشف عليها , بس معلش علشان أنا جديد فى الموضوع.. لو صاحب العربية لاعب فى العداد ولا حاجه , الكشف حيكشف الكلام ده ولا لأ... وايه السعر اللى تنصحتى بيه..

[Dr'AhmZZong]

جميل لو العربية فابريكا اهم شئ وحالة الماتور والفتيس تكون ممتازة
ومتنساش تكشف عالعربية كويس مهما كان شكلها كويس تكشف عليها بردوا
لو كده توكل علي الله بس السعر ده ينزل عن كده
بالتوفيق ان شاء الله..

+111111111111

[S O P H O S]

جزاك الله خيرا.. شكرا ليك جدا..
طيب أنا إن شاء الله حكشف عليها , بس معلش علشان أنا جديد فى الموضوع.. لو صاحب العربية لاعب فى العداد ولا حاجه , الكشف حيكشف الكلام ده ولا لأ... وايه السعر اللى تنصحتى بيه..

هو ان شاء الله فالتوكيل احتمال كبير اظن يعرف لو ملعوب فالعداد
المهم الحالة العامة لان منطقي 25 الف كيلو فسنتين لكن الاهم حالة الماتور والفتيس
بعد الكشف والتأكد ان العربية فابريكا وبحالة ممتازة
اظن تتكلم في 88 الي 90 ده لو العربية ممتازة وصاحبها ماسك فسعرها
والله اعلم ...
مجرد راي شخصي وموفق ان شاء الله فالخير
...

[Sehsss]

جميل لو العربية فابريكا اهم شئ وحالة الماتور والفتيس تكون ممتازة
ومتنساش تكشف عالعربية كويس مهما كان شكلها كويس تكشف عليها بردوا
لو كده توكل علي الله بس السعر ده ينزل عن كده
بالتوفيق ان شاء الله..

[zangry]

جميل لو العربية فابريكا اهم شئ وحالة الماتور والفتيس تكون ممتازة
ومتنساش تكشف عالعربية كويس مهما كان شكلها كويس تكشف عليها بردوا
لو كده توكل علي الله بس السعر ده ينزل عن كده
بالتوفيق ان شاء الله..

+111111

[arakysolom]

الماتريكس عربية ممتازة و ابعد عن الاوبترا نهائيا نصيحة مجرب
(صاج ضعيف جدا - مشكلة في الاسكاترا - فرامل ضعيفه جدا ) موديل 2010

[tarekmomo]

اكشف عليها كويس طالما هى فى السوق عشان ممكن يكون لاعب فى العداد واعمل عقد مسجل بلاش توكيل عشان تضمن حقك