محتارح واريد المساعده منكم فى الفورد فوكاس 2012 هاى لاين وله اسكودا فانتازيا 2012 ها

[lovestory]

محتارح واريد المساعده منكم فى الفورد فوكاس 2012 هاى لاين وله اسكودا فانتازيا 2012 وايهم افضل عشان عاوز اجيب سياره جديده محتار ومع العلم مش هافكر اغير العربيه قبل 5 سنوات وياريت تكون المقارته شامله كل شىء من حيث الثبات ونعومه العفشه اى كل حاجه عشان ناوى اغير اليومين دول

[dede_dodo88]

focus طبعاً,
و مش عشان الفانتازيا وحشة بالعكس هي كويسة جداً برضه.
بس الفورد فوكاس هي عربية Benchmark يتقاس عليها مستوى العربيات التانية..

[mody3on]

فوكاس وش , تتفوق في كل حاجة , الحاجة الوحيدة اللي تتفوق فيها الفانتازيا شوية اوبشن واعادة البيع
الباقي بقى هاندلنيج وامان وثبات وموتور وراحة وسعر وتقفيل ( الماني )

[Sehsss]

فوكاس

[Mohamed Fawzy]

بص يا باشا انا كنت في نفس حيرتك دي وفي الاخر الحمد لله اخترت الفوكاس وهاتلاقي تقرير بالصور انا عامله عنها بص من الاخر الاسكودا احسن في الانتشار وتوفر قطع الغيار وسعر اعادة البيع و استهلاك البنزين ونوعه (92) لكن الفوكاس (95) غير الحاجات اللي انا قولتهالك دي الفوكاس أفضل في كل شيء

[zangry]

فوكااااااااااااااااااااااااااااس

[arakysolom]

فانتازيا
انتشار العربية اكبر و بالتالي سهولة قطع الغيار و بالتالي العرض اكبر و بالتالي حتلاقي سعر القطعه اقل بالتاكيد من الفورد (غير منتشرة بالمرة) - ايضا سعر اعادة البيع - حتلاقي ليها مراكز صيانة منتشرة اكتر - جودة الصناعة و الامان واحد
و بالتالي يبقي الفانتازيا تكسب

[mody3on]

فانتازيا
انتشار العربية اكبر و بالتالي سهولة قطع الغيار و بالتالي العرض اكبر و بالتالي حتلاقي سعر القطعه اقل بالتاكيد من الفورد (غير منتشرة بالمرة) - ايضا سعر اعادة البيع - حتلاقي ليها مراكز صيانة منتشرة اكتر - جودة الصناعة و الامان واحد
و بالتالي يبقي الفانتازيا تكسب

معلش , قطع غيار الفوكاس زي الفانتازيا وممكن ارخص , شوف الاسعار في التوكيلين واحكم
والفوكاس الماني ( الفانتازيا تشيكي ) وفيها esp و 4 ايرباج يعني امان اعلى
ده غير انها ارخص ب 30 الف
ده غير ان سكودا لا تقارن مع فورد

[Mohamed Fawzy]

معلش , قطع غيار الفوكاس زي الفانتازيا وممكن ارخص , شوف الاسعار في التوكيلين واحكم
والفوكاس الماني ( الفانتازيا تشيكي ) وفيها esp و 4 ايرباج يعني امان اعلى
ده غير انها ارخص ب 30 الف
ده غير ان سكودا لا تقارن مع فورد

ربنا يجبر بخاطرك قادر يا كريم :

[lovestory]

ياريت تنصحونى ضرورى عشان هاشتى يوم الاحد محتار بين الاسكودا الفانتازيا والفورد فوكاس من حيث قطع الغيار وسعراها وصيانتها والرفاهيه المنظر والمتانه

[yehiaseg]

فوكس، الصراحه التوكيل والصيانه ناس محترمه وكل حاجه موجوده فعلا ، انا لسه راجع حالا من التوكيل وممكن تروح تجرب تيست درايف