اشترى اية ؟؟ ( هيونداى i10 فيرنا لوجان بروتون ساجا byd )

[mstool]

صباح الفل
انا خلاص جالى هس هس
العربيات كلها اللى فى الفئة السعرية دية مش عارف اجيب منها اية اللى هيا من 60 ال 70
اسبرانزا 113 لو كويسة عشان رخيصة هدخلها معاهم
هيونداى i 10
بروتون ساجان
لوجان هاف
فيرنا يع هههههه
وال byd
انا عن نفسى بعشق ال byd عشان كان عندنا التويوتا اللى شبها و عشت فيها احلى ايام حياتى اخر العربيات المحترمة فى نظرى طلعت عين اللى جابوها 6 سنين و مدخلتش بيها على ميكانيكى فى مرة (سبحان الله )
ال i10 حلوة شكل ووسع الله اعلم موتور ال1100 دة انا دايما راكبين فى العربية اتنين او تلاتة اغلية الوقت و بسافر فى حدود عشرين مرة سنويا مش كتير و مش قليل يعنى فى الشهر اقل من مرتين
البروتون افضل عربية بس معرفش قطع غيارها و اعادة بيعها بس هيا محترمة و مناسبة ليا
ياريت اللى شايف او يعرف حاجة يقولى

[Sehsss]

لوجان أو بي واي دي

[S O P H O S]

لوجان
لو ينفع كسر زيرو يبقي الصني

[tarekmomo]

لوجان وبعدها الفيرنا والساجا مشكلتها ان توكيلها عز العرب واسعار قطع الغيار شبح

[Dr'AhmZZong]

لولا وسائل الأمان كنت اخترت الفيرنا ..

هات لوجان و توكل على الله ..

[mody3on]

byd , لو عاوز تجيب لوجان هاتها اوتوماتيك

[mstool]

مش عارف اشكركوا ازاى يا جدعان انا دورت و بحثت و جايز تكون دى اكتر فئة سعرية هنا فى المنتدى لفيت 48 ساعة على المواضيع دية لما خلاص احوليت بس باذن الله المقارنة نزلت ل بى واى دى لو الفلوس كملت فوق ال 70 مكملتش هتبقى اللوجان بدون كلام عملية جدا واسعة جدا امبارح شديت معاها كانت مانيوال فى طريق طوالى نضيف جدا و انا كان معايا بيجو 308 2011 موتورها 120 حصان شديت معاة لاخر الطريق معرفتش اجيبة غير لما فرامل كنت عامل سواقة رياضية كمان اللوجان علمت على البيجو و انا معلم قبل كدة على اوكتافيا على فكرة انا مش بتاع جرى بس غير فى السريع الفاضى و مش بغامر يعنى بس امبارح اخدتها معاة استريت لحد ملف و ملمستش الفرامل غير بعدة و يدوبك لمستة فى الاخر و هوا كان سابق بتاع من 5 الى 8 متر اللوجان تحترم و عربية نضيفة جدا فى الثبات عن اى واحدة من المذكورين فى المقارنة

[MohammedAladel]

لوجان فى المذكور ولو بتحب العربيات الصغيرة يبقى فيات بونتو أحسن من 113 و i10 كفاية انها فيات وساجا شكلا بالنسبة لى أفضل

[boshbosh94]

مع احترامي لجميع اراء الاعضاء انا افضلك البي واي دي انا والدي جايبها مود 2012 وعامل بيها 15 الف عربية ممتازه في السحب عشان دواستها واير مش ذي الاسبرانزا وثبات انا عن نفسي جبت بيها 170 كانت راسية عالارض مشكلتها الوحيده هي الفتيس في ناس اشتكت منه كتير المشكله الاساسية في كل الربيات عضه في الفتيس وفي ناس كانت بتشتكي من ونة في النقله الاولي والتانية وعبها كمان الاسطوانة والدسك عبها عامة الفتيس
غير كدا اتوكل علي الله في الساجا عربية محترمة صناعة مليزي بالنسبه ليا عبها الوحيد متورها 1300 بس في البروتون مش هتحس بالفرق ده عشان مواتير البروتون قوية انا عن نفسي بعشق البروتون

[mstool]

مع احترامي لجميع اراء الاعضاء انا افضلك البي واي دي انا والدي جايبها مود 2012 وعامل بيها 15 الف عربية ممتازه في السحب عشان دواستها واير مش ذي الاسبرانزا وثبات انا عن نفسي جبت بيها 170 كانت راسية عالارض مشكلتها الوحيده هي الفتيس في ناس اشتكت منه كتير المشكله الاساسية في كل الربيات عضه في الفتيس وفي ناس كانت بتشتكي من ونة في النقله الاولي والتانية وعبها كمان الاسطوانة والدسك عبها عامة الفتيس
غير كدا اتوكل علي الله في الساجا عربية محترمة صناعة مليزي بالنسبه ليا عبها الوحيد متورها 1300 بس في البروتون مش هتحس بالفرق ده عشان مواتير البروتون قوية انا عن نفسي بعشق البروتون

احترمها جدا و هموت و اجيبها و طز فى ستين لوجان قصادها بس بجد احتمال اسافر كمان سنة و خايف من سعر اعادة البيع عشان هيا صينى و دة اللى مكرهنى فى البلد اللى تفكيرها غبى فى العربيات دية بجد مش فاهمين حاج غير ان الفيرنا افضل عربية و هيا اقل عربية اصلا

[boshbosh94]

هوا فعلا في مشكلة في اعادة البيع للبي واي دي
خلاص خليك في الساجا والبونتو بس من رأي ابعد عن اللوجان

[mstool]

هوا فعلا في مشكلة في اعادة البيع للبي واي دي
خلاص خليك في الساجا والبونتو بس من رأي ابعد عن اللوجان

مالها يا باشا اللوجان انتا تعرف عليها حاجة وحشة ياريت تقولى عليها اية اللى يعيبها ؟؟

[boshbosh94]

بص ياباشا علشان مكدبش عليك انا اعرف واحد جايبها هو من العبور يعني مشاويره بيها كتير بيشتكي من العزل بتاع السخونة وبيقول صوت العربية نسبة اللي العربيات التانية عالي وكان اشتكي قبل كده من مشكله في السحب ودي علي فكرة كانت بتبان في اغلب اللوجان وانا بقلك علي اللي اعرفه
وبرضه هقلك اسأل عليها تاني بس واحد يكون مجربها وبتثق فيه
وفي الاول والاخر القرار قرارك