عاجل لو سمحتم لوجان زيرو ولا أوكتافيا 98

[mohali2m]

عاجل لو سمحتم لوجان زيرو ولا أوكتافيا 98 أنا حاجز لوجان أوتو 2012 قسط ب 80000 ولقيت عربيه أوكتافيا ألمانى 98 متظبطة عاملة56000 ومحتار أفيدون بالله عليكم بسرعة

[amrelsaqqa]

لو تضمن نضافة الاوكتافيا هقولك هات الاوكتافيا بس اكشف على كل مسمار فيها في التوكيل ولو اوتو اكشف على الفتيس كويس جدا واتأكد من تغيير الزيت كل 60 الف في التوكيل والا يبقى اخلع منها .. وخليك في الزيرو

بس لو هتجيب الاوكتافيا حاول تخليك في موديل فوق ال2000 او حتى 99 عشان يبقى الموتور sr الكبير والصالون الجديد

[mohali2m]

هى الماتور الكبير العداد 240 لأنها معاقين وفكة حظر عاملة 132 ألف كيلو

[shaddadfalcon1]

منين القسط دي ياباشا والمقدم كام ؟

[mohali2m]

من الطارق إسكندرية 56 مقدم و670 فى 4 سنين

[mohali2m]

إيه أخبار سعر الأوكتافيا بالمواصفات تكييف سنتر باور .زجاج كهرباء جنوط وكاوتش عريض وإيه الممكن يتعدى فى عيوب التوكيل وهى مانيوال

[shaddadfalcon1]

من الطارق إسكندرية 56 مقدم و670 فى 4 سنين

ده تقسيط مباشر ولا في بنك؟

[mohali2m]

بنك القاهرة

[mazher_m]

اعتقد الزيرو افضل
يكفي انها زيرو
وتقبل مروري

[mohali2m]

أشكرك جدا لأنى سمعت النصيحة وروحت كشفت عليها لقيتها متبهدلة من تحت ومنظر بس ولكن لو عليت موديل الأوكتافيا بقى 2005 يبقى بردو اللوجان الزيرو أفضل؟

[EngAhmedSayed]

موضوع المقارنة ما بين سكودا اوكتافيا و رينو لوحان
شىء طبيعى هتكون الاختيار لسكودا لانى سياتك فى قسم سكودا
انا من راى حضرتك تنقل الموضوع لقسم المقارنات و هتكون الافادة احسن من القسم
او من راى الشخصى اعرف الاوبشن سكودا اوكتافيا من القسم هنا و اعرف الاوبش الوجان من الرينو و قرر
و لو حبب انقل موضوع حضرتك لقسم المقارنات حضرتك بلغنى
و بالتوفيق ان شاء الله فى الاختيار و اتمنى انى حضرتك تنضم فى اسرتنا المتوضعه قسم سكودا

م احمد سيد
وربك المستعان

[amrelsaqqa]

أشكرك جدا لأنى سمعت النصيحة وروحت كشفت عليها لقيتها متبهدلة من تحت ومنظر بس ولكن لو عليت موديل الأوكتافيا بقى 2005 يبقى بردو اللوجان الزيرو أفضل؟

العفو يا باشا
طيب ممكن اعرف كشفت في التوكيل اللى فين والكشف كان بكام ؟

[HAITHAM1985]

أى لوجان تقصد ـــــــــــ الكاملة أوتوماتيك ولا النصف كاملة مانوال

النصف كاملة مانوال ـــــــــــــــــ متدفعش فيها مليم
الكاملة أوتوماتيك ـــــــــــــــــ لها الغلبة على الأوكتافيا 1998

وواضح إنك بتفكر فى النصف كاملة مانوال لأن دى فى نفس الفئة السعرية للأوكتافيا 1998 ففى هذه الحالة لا أرشح اللوجان ليك

ولو بتفكر فى الأوكتافيا لازم تنط للألفينات 2002 مثلا بس ده هيزود السعر

فى النهاية الزيرو له زهوته لكن هذه الزهوة بتتلاشى بمرور الأيام ومع أول مشكلة حقيقية فى العربية وبتظهر هنا أهمية إنك تكون راكب عربية ذات إعتمادية عالية زى الوحش السكودا

بتمنالك كل الخير وهذا ما جاد به عقلى

تحيـــــــــــــاتى

[HAITHAM1985]

نسيت أقولك إنك لازم تعمل إختبار كبس للمحرك .......... ونسبة الكبس فى العربيات الجديدة لا تتخطى 83% فلو كان المستعمل فى السبعينات يعنى مثلا 73% يبقى تمااااااااااام

الإختبار بيتعمل فى التوكيل أو فى البنزينات الكبيرة مثل كالتكس ولا يتخطى الـــ 150 جنيه

تحيـــــــــــــاتى

[mmosly]

يا اخلى فكك من المستعمل . خليك فى الزيرو . ابعد عن قرف المستعمل