إعـــــــلان

Collapse

.

,
See more
See less

محتاج عربيه لايتجاوز سعرها ال 80000 تقسيط

Collapse
X
 
  • Filter
  • الوقت
  • Show
Clear All
new posts

  • محتاج عربيه لايتجاوز سعرها ال 80000 تقسيط

    السلام عليكم و رحمه الله و بركاته

    زى ما العنوان موضح انا محتاج اشترى عربيه قريب باذن الله و دى الفلوس اللى اقدر ادفعها. . اتقسيط باذن الله عيكون هلى 3 او 4 سنين باكتير اوى.
    بالنسبه للعربيه فمش مش شكله تكون هتش باك او سيدان اهم حاجه تكون هربيه كويسه و نستحمل ونسبه الامان فيها كويسه و التكيف يكون كويس.
    مبفكرش فى سعر اعاده اليسع لان مش هيحصل قبل 6 سنين او حاجه.
    توقيرا للوقت الفيرنا اختيار مرفوض لانى مش بحبها.
    مستنى اقتراحتكم: )

  • #2
    انا شايف الصني قدامي الشكل القديم
    بس السعر ولا اعلم يوجد تقسيط لها ام لا
    اعذرني ...

    Comment


    • #3
      متشكر ليك يا احمد

      فى انتظار باقى المشاركات :)

      Comment


      • #4
        فى الفئة دى اربع عربيات
        1 ) الفيرنا سحب ممتاز و تسارع ممتاز و تكييف رائع , عيوبها انها واطية و ثباتها بشع
        2 ) اللانوس عربية من 99 فى مصر اقتصادية جدا جدا جدا فى كل حاجة ثباتها مقبول عن الفيرنا و اعلى منها شوية مع الحمل مش بتحك جامد , عيوبها سحب سئ و خصوصا مع التكييف
        3 ) رينو لوجان ارتفاع و ثبات و مساحة داخلية فوق الممتازة , عيوبها قطع الغيار غالية , و العربية ملهاش سوق زى الفيرنا و اللانوس
        4 ) بروتون ساجا عربية جديدة 1300 cc سحب و ثبات كويس و اوبشن و اير باج , عيوبها عدم توافر قطع الغيار خارج التوكيل , و توكيلها بيجيب القطع من ماليزيا و احتمال بتتاخر شوية

        Comment


        • #5
          المشاركة الأصلية كتبت بواسطة mohamed_mesho3 مشاهدة المشاركة
          فى الفئة دى اربع عربيات
          1 ) الفيرنا سحب ممتاز و تسارع ممتاز و تكييف رائع , عيوبها انها واطية و ثباتها بشع
          2 ) اللانوس عربية من 99 فى مصر اقتصادية جدا جدا جدا فى كل حاجة ثباتها مقبول عن الفيرنا و اعلى منها شوية مع الحمل مش بتحك جامد , عيوبها سحب سئ و خصوصا مع التكييف
          3 ) رينو لوجان ارتفاع و ثبات و مساحة داخلية فوق الممتازة , عيوبها قطع الغيار غالية , و العربية ملهاش سوق زى الفيرنا و اللانوس
          4 ) بروتون ساجا عربية جديدة 1300 cc سحب و ثبات كويس و اوبشن و اير باج , عيوبها عدم توافر قطع الغيار خارج التوكيل , و توكيلها بيجيب القطع من ماليزيا و احتمال بتتاخر شوية

          Comment


          • #6
            الف شكر

            طب ايه نظام ال FRV او ال Sandero ؟

            Comment


            • #7
              المشاركة الأصلية كتبت بواسطة bluemagic11 مشاهدة المشاركة
              الف شكر

              طب ايه نظام ال frv او ال sandero ؟

              لا شكر على واجب يا افندم
              ال سانديرو هى اللوجان بس هاتش باك و عربية ممتازة جدا فى حاجات كتير بس سعر اعادة البيع هيبقى قليل , و ف لو مش هيفرق معاك او هتبيع بعد فترة طويلة توكل على الله فيها او فى اللوجان , ممكن تقابلك بس مشكلة صغيرة ان فى شوية قطع غيار سعرها عالى شوية , بس مع الانتشار هتتظبط

              اما البريليانس انا مش برتاحلها خالص و دا رأى شخصى

              انا كنت فى نفس حيرتك دى و لسه مستلم لانوس زيرو يوم الخميس عشان بغير كل فترة

              Comment


              • #8
                الف مبروك وربنا يباركلك فيها

                انا بسمع ان تاكيف اللوجان مش قوى بالدرجه فهل الكلام ده سليم ؟

                Comment


                • #9
                  احسن حاجة رينو سانديرو اوتوماتيك ..

                  Comment


                  • #10
                    انا بسمع ان تاكيف اللوجان مش قوى بالدرجه فهل الكلام ده سليم ؟

                    Comment


                    • #11
                      المشاركة الأصلية كتبت بواسطة bluemagic11 مشاهدة المشاركة
                      انا بسمع ان تاكيف اللوجان مش قوى بالدرجه فهل الكلام ده سليم ؟
                      يا باشا الكلام دا انا مش بقتنع بيه بنسبة 100 % , بمعنى ان تكيفات العربييات الكورى و اليابنى بتبقى افضل من الاوروبى و اقوى , تكييف اللوجان مش زى اللانوس و لا الفيرنا هو اقل منهم , بس هو فى الاساس تكيف فيه فريون , اه مش قوى جدا بس بدروا مش وحش

                      Comment


                      • #12
                        مع كامل احترامى

                        مع كامل احترامى لو ما عندكش عقدة الصينى ممكن تفكر فى ال byd
                        الاسباب : ما فيش حد ركبها و ما شكرش فيها قطع غيارها بتتغير بلانسر بالنسبة للموتور و كورولا بالنسبة للعفشة يعنى العربية بتعلى معاك ما بتقلش و لو عاوز قطع غيارها الاصلية موجودة و رخيصة جدااااا بالنسبة للعربيات التانية الزيرو برضه عفشة بصراحة ملبن وواسعة من جوة و مريحة جدااا و سحبها 100/100 و ثبات زى الفل يعنى تقدر تعتبر نفسك راكب 50% لانسر بومة و 50% كورولا القديمة من 2002 الى 2007
                        عيوبها بقى : التقفيل مش تمام قوى و خامات نص كم و لازم تراجع على التقفيل كويس و انت بتستلم
                        - فقيرة شوية فى التابلوه حتى شغل الابانوس اللى فيها مش ظاهر قوى
                        عدة صوت مش تمام لو انت من هواة الاغانى الجامدة انما لو زى حالاتى اخرك سورتين قرأن و مزيكا عمر خيرت هاتلاقيها زى الفل
                        و اهم حاجة اهم حاجة فيها ونة فى الفتيس على اول سرعتين لو انت بس بسيطة جدا و مش محسوسة جامد بس اللى ودنه مع العربية زى حالاتى ممكن تضايقه شوية

                        و ع العموم اركب و قارن و سوق بنفسك و اللى ترتاحله هاته
                        و يا رب يقدملك الخير دايما

                        Comment


                        • #13
                          اسف بس نسيت اقولك ممكن برضه تفكر فى m11 لو مش همك قوى المساحة الداخلية للراكب الخلفى هى مش ضيقة قوى بس مش واسعة و عربية تحفة بصراحة بس عيبها الوحييييييد من تجربة ناس كتيررررررررررررر اول ما تجيبها هاتحس ان عفشتها ناشفة و بتزيق منك و هاتسمع كلام من التوكيل مالوش لازمة زى هى كده و معمولة عشان الثبات و كلام فاضى من ده بس يا باشا تتهنى بيها و اول ما تحتاج شغل فى العفشة بعد سنتين او تلاتة ان شاء الله (حسب استخدامك و سواقتك ) عليك و على السوست الالمانى و المساعدين المونرو و هاتحس ان انت راكب اوبل كورسا او استرا (عن تجربة )
                          انا اللى فرق بينها و بين ال byd معايا مساحة الكنبة الخلفية
                          اه و هى كمان قطع غيارها اغلى من ال بى واى دى و مش منتشرة قوى زيها
                          بس لو عاوز ركوبة حلوة استخير ربنا و قول يا رب

                          Comment


                          • #14
                            من رأيى الساجا رغم ان وكيلها مش قد كدة

                            Comment


                            • #15
                              بص يا مان ما دام مش فارق معاك سعر اعادة البيع يبقي ساجا اينعم اللوجان منتشرة اكتر لكن الساجا مش نادرة في الشارع برده والبروتون مواتيره محترمة وتكيفه كويس بس بيأثر علي السحب خصوصا ان الساجا 1300 سس, و علشان بتقول مش فارق معاك هتش باك ولا لا ممكن تشوف البيكانتو بس هتبقي مش هاي لين لانت الهاي لين فوق ال80

                              بالنسبة مقارنة الساجا باللوجان الاتوماتك في الاتنين:
                              74900 و 78900 لو هتحسب الفرق ال4000 ده فرق قطع الغيار وانك هتعمل حاجاتها عند الوكيل لمدة 3 سنين يبقي تقدر تحط موضوع قطع الغيار ده علي جنب ويتبقي ليك فرق سعر اعادة البيع وانت قلت مش فارق معاك يبقي في الاخر الموضوع انك تركب الاتنين وتشوف هتستريح في انهي احسن لان احنا شلنا باقي الفروق
                              http://www.facebook.com/howengineswork

                              Comment

                              Working...
                              X