حيرة السنين بين المستعمل والجديد

[Seifmando]

السلام عليكم
بفضل الله بعت اللانسر بتاعتي اللي كانت بومة ٢٠٠٨ منوال كلاسيك
ود لوقتي محتار جداً بين الجديد والمستعمل بس بتصدم في عيوب كل نوع فيهم
أنا معايا بالظبط ٨٠ الف ودا اخري والبدائل كالتالي:
١- فيرنا كاملة منوال زيرو بس العيب بتاعها انعدام الثبات والأمان بس مميزاتها موفرة واقتصادية جداً
٢-مازدا ٣ مستعملة بس عيوبها انها ضيقة شوية ومش ضامن المستعمل واستخدام اللي كان راكبها قبلي دا غير أني لازم اعمل حسابي في ٥ بواكي عشان الصيانة اول ما اشتريها وبالتالي أنا خدور علي حاجة عاملة في حدود ٧٥ الف جنيه بس مميزاتها أني ممكن مغيرهأش فترة كبيرة لانها عجباني جداً كعربية وركوبة حاجة كدا قريبة من الأوربي
٣-لانسر بومة اوتوماتيك مستعملة مميزاتها أني عارفها وعارف حاجتها بكم وعيوبها أني بس مش هحس أني غيرت
٤- النترا اوتوماتيك مستعملة الشكل مش الجديد لَا مؤ ٢٠٠٩ عيوبها انها مش أمان بس مميزاتها اقتصادية شوية ومريحة
٥-بريليانس frv زيرو عيوبها طبعا اعادة البيع والأمان والخامات
٦- ميجان اوتوماتيك مستعملة مميزاتها لا حصر لها ولكن عيوبها قطع الغيار والاعطال

حيران يا أصدقائي وأكون شاكر جداً لو تفيدوني بأفضل حاجة مقابل المبلغ الموجود معايا

[tareksakr]

هاقولك علي اختيار انت ما حطيتهوش ستروين c 4 اوتو عربية ممتازة جدا ثبات رائع صالون واسع قطع غيار متوفرة وسعرها في حدود 65000 ل 75000 موديلات 2007 2008 وفي منها حالات كويسة جدا

[Seifmando]

عيوب الc4 إيه
عشان أنا عمري ما تابعت أخبارها

[omar-saad]

اوكتافيا a4 حالة شاذة
بى ام دبليو e36 حالة شاذة
تويوتا كورولا
بس انتا شوف انتا عايز ايه من العربية واحتياجاتك منها
ومتنساش انك كنت راكب بومة فلو قليت عنها فى المستوى هاتزهق من العربية وهاترجع تبيعها
وربنا يوفقك للخير

[mazher_m]

عنوان الموضوع يغني عن اي رد
اهم حاجه تدور وما تستعجلش
لغايه متلاقي حاجه تعجبك سواء جديد او مستعمل
وربنا ييسرلك الامور

[mohamdino]

نفس المشكلة اللى انا فيها بعت عربيتى من شهر و لحد دلوقتى مش عارف اركب ايه و بتكلم برده فى حاجة ب 75 بس معظم المستعمل حالته وحشة وغالى على الفاضى و الزيرو اللى بالسعر ده مش داخل دماغى

[samyyousef]

و ماذا بشأن تويوتا يارس 2007 اوتوماتيك

[Dr'AhmZZong]

هات لانسر و تكون سوبر اكشن 1600 ..

[tareksakr]

عيوب الc4 إيه
عشان أنا عمري ما تابعت أخبارها

http://www.nilemotors.net/Nile/264727-c4.html

http://www.nilemotors.net/Nile/284157-c4-2006-2011-a.html

[Seifmando]

السلام عليكم

السلام عليكم

متشكر جداً لكل من افادونى بردودهم
بالنسبة للـ E36 طبعاً نفسي فيها بس طموحى الصراحة انى اول ما اركب BM اركب E46 318i مو 2001 بس الفلوس حكمانى مع انى ممكن اعمل جمعية واقبضها الاول بالـ20 الف الى فاضلين بس برضه هيفضل مصروف الصيانة

بالنسبة للياريس خفيفة ومستعملة فأنا فكرت ان خفيف بخفيف يبقى فيرنا زيرو تكسب

بالنسبة للانسر السوبر اكشن 1600 بيتهيألى ممكن فلوسي متكفيش انا اخرى 80 ألف بس الا لو نزلت بالموديل لــ 2006 ولا حاجة صح؟!

والاكتافيا جميلة جداً بس بحب الـA5 اكتر من الـ4

والمشكلة انى كنت ناوى ابيع البومة واهدى شوية لما بعد الانتخابات ونشوف البلد رايحة لفين والبنزين هيغلى ولا ايه بس للاسف مش قادر اعيش من غير عربية وخصوصاً ان الصيف دخل و عائلتي عوزين يسافروا المصيف
ربنا يكفيكو شر الحيرة

أيه رأيكو فى المازدا موديل 2007 او 2008 أو الالنترا نفس الموديل

[Sehsss]

رينو لوجان أوتو ماتيك زيرو بـ 79 ألف جنية (متفصلة عليك)

[Seifmando]

السلام عليكم

Sehss باشا
اللوجان عربية رائعة بالنسبة لسعرها ولكني مش بستريحلها خالص

[S O P H O S]

كورولا ؟؟...

[ahmedmaklad]

انت قلت نفس الموقف بتاعي بالظبط و نفس اللي بفكر فيهم بالظبط

[Seifmando]

انت قلت نفس الموقف بتاعي بالظبط و نفس اللي بفكر فيهم بالظبط

يا رب نلاقي حد يفيدنا إحنا الاتنين