محتار بين البرسونا والصنى الشكل الجديد افيدونى

[kottoz2008]

ارجوا من اهل الخبرة عمل مقارنة بين البروتون برسونا 2012 والنيسان صنى الشكل الجديد 2013 الأثنين اتوماتيك فول اوبشن لأنى بعد ايام قليلة هشترى بأذن الله عربية منهم ومش عارف انهى افضل فى ناس بتقول الصنى وناس بتقول البرسونا ياريت تقولولى كلام نهائى عن العربيتان من حيث القوة والثبات وقطع الغيار واسعارها والخدمة فى التوكيل وسعر ما بعد البيع ومشاكل العربيتان وجزاكم الله خيرا عنى .........

[MaZaGAngeE]

متابع معاك و ربنا يوفقك ... أنا كمان محتار في الصني الجديدة بس لما شفتها عجبتني بس منتظر تقرير عنها

[harizy]

كنت فى نفس حيرتك دى من فترة.
ياريت تأخذ جولة سريعة فى منتدى كل قسم وأوصيك بصلاة الاستخارة ومش هتندم

[تامر.محمد]

دي ليها ميزات و دي ليها ميزات تانية خاااااااالص

[kottoz2008]

مشكورين جمعيا بس ياريت حد يدلنى ويقولى المميزات والعيوب لكل عربية منهم وايهما افضل ......

[eng.m7md.ali]

مشكلة الصني ان لسة محدش جربها فابالتالي قطع غيارها لسة مش موجودة

[Dr'AhmZZong]

مادام معاك توكيل محترم اوعى تخاف من قطع الغيار

[S O P H O S]

صح صني توكيل محترم
وباي حال من الاحول نيسان مش هتغامر بأسمها
وان شاء الله ربنا يوفقك للاحسن ..

[Sehsss]

فعلا توكيل نيسان ممتااااااااز وأي حاجة محتاجة تغيير بيتم بدون نقاش.. تحياتي

[أحمد نصر]

برسونا بالطبع

أنا امتلك العربيتين ... صني 2008 و غيرتها لبرسونا 2012 و هاقولك سبب التغيير ايه ..
اولا لنعقد مقارنة سريعة

المحرك :
البرسونا 1600 سي سي
صني 1500 سي سي
و هناك ميزة للبرسونا في التسارع و قوة المحرك المشهود لها ... محرك البرسونا انجليزي .

الثبات و نظام التعليق :
البرسونا اثبت بمراحل بمراحل من النيسان ... بل ان البرسونا اثبت من الكورولا و الهوندا سيفك ... ثبات رائع رائع ... و لا مجال للمقارنة بينها و بين الصني .
عفشة البرسونا ناشفة قوي ... عكس الصني عفشة طرية طرية .

الكماليات :
نفس الكماليات موجوده في السيارتين تقريبا و لكن كماليات البرسونا اعلي .

الكماليات التي تتميز بها البرسونا و غير موجوده في الصني الجديدة
1- مثبت سرعة .(الاوتوماتيك فقط )
2- الشنطة اكبر و فيها امكانية طي المقاعد الخلفية .
3- عجلة قيادة يوجد بها مفاتيح للتحكم في الصوت .
4- حساسات للباركنج .
5- تكييف متعدد السرعات (حوالي 12 سرعة ) و اقوي بمراحل من مكيف النيسان .
6- جنوط اسبور الومنيوم ، وكاوتش من نوع ممتاز . بعكس الصني كوتشات تعبانه مووت .
7- سبويلر .
8- لمبات في المرايات الامامية .
9- جودة تقفيل و دهان واضحة جدا .
10- لوحة عدادات اكثر اناقة .
11- سي دي usb >>> غير موجود هذا الوبشنفي صني الشكل الجديد .
12- الصاج اقوي و اكثر سماكة .
13- سي دي متميز جدا و امكانياته عاليه قوي ... مع اريال انيق اعلي السقف .... عندك الصني الاريال بتاعها 2 متر شكله غبي موووت .
14- الجير الاووماتيك اكثر امكانيات

الكماليات التي تتميز بها الصني عن البرسونا :-
1- مساحة أكبر في الكنبة الخلفية من البرسونا .. و لكن البرسونا مساحة جيدة و مقبولة ايضا .
2- فتحات للتكيف في الخلف .
3- خامات التابلوه اجود نسبيا .

السعر :

برسونا اوتوماتيك 95 الف ......... صني الجديدة اوتوماتيك 100 الف .

التوكيل :
بصفة عامة لا يوجد توكيل محترم في الدول العربية كلها أي ماركة سيارة ... كلهم حرامية .
و لكن توكيل نيسان و بروتون و مراكز خدمتهم قريبة من بعض قوي و بيطورا نفسهم .

و الي خلاني ابيع الصني هو توكيل مودرن موتورز (( ربنا ينتقم منهم )) لأنهم حرقولي محرك السيارة ... اه و الله ...
روحت اغير زيت عندهم ... فضي المحرك من الزيت و نسي يملي زيت جديد ... المحرك افش ... منهم لله .. و بالطبع معرفتش آخد منهم حق و لا باطل .

سعر اعادة البيع :
اذا كان البيع بعد 5 سنوات مثلا .. يبقي اجمالي الخسارة في السيارتين واحد تقريبا ... و ان كانت الصني تتميز انها اسرع و اخف في البيع .

استهلاك الوقود :
الصني موفره نسبيا لأن محركها سعته اقل .

خزان الوقود :
برسونا 44 لتر ........ صني 41 لتر .


من الاخر اشتري برسونا و لا يمكن هاتندم ابدا ابدا

[hesham.sma]

انا زيك محتار بس ميال اكتر للبرسونا عشان الاوبشنز اكتر مع الثبات

[hesham.sma]

ايه انتوفين يا ردالة.

[hesham.sma]

خدو بقى اللنك دا وشوفو البرسونا بتتقارن بإيه Proton Persona - Wikicars
بيقارنوها ب
Main Competitors
Mitsubishi Lancer
Toyota Corolla
Nissan Sentra
Chevrolet Cobalt
Suzuki Spectra
Hyundai Elantra
Subaru Impreza
Mazda Mazda3
Honda Civic
Ford Focus
Ford Lynx
Saturn Ion


Read more: Proton Persona - Wikicars
Under Creative Commons License: Attribution

[hesham.sma]

النهاردة كملت المقارنة
كنت من اسبوع فى الاحمدى موتورز بصيت عالبيرسونا وركبتها
والنهاردة لسة راجع من اوتو سمير ريان وبصيت عالصنى وركبتها
الصنى اوسع شوية حلوين وبالذااات فى الكراسى الخلفية
حسيت وانا قاعد ان البرسونا قعدتها اجسن من حيث وضعية الدركسيزن وعلو الكرسى (ودى حاجات ممكن تعديلها طبعأ)
الفيو (المنظر) فى السواقة فى البرسونا احسن تحس انك شايف الطريق والمطبات احسن
حسيت ان راسى هتلزق فى السقف فى العربيتين بس فى البرسونا بشكل اقل (علما بانى مابحبش السواقة وانا مميل الكرسى لورا ....مابحبش اسوق فى وضع النوم يعنى...ههههههههههه)
الخامات الداخلية احسن شويه فى الصنى عن البيرسونا
خامات الزراير فى الاتنين ولامؤاخذة زبالة (اصلى ركبت الهوندا السيتى بالمرة كدا)
ورأيى الشخصى ان الصنى احسن من حيث الوسع والخامات....والبرسونا قعدتها اريح واشيك
ومازلت ميال للبرسونا