نيسان صني 2012 الشكل الجديد ولا كيا ريو لمبتدئ

[ahmedsho3a3]

انا لسه متعلم سواقه و هجيب عربي ان شاء الله , بس محتار في فئه ال 100,000 بين الصني 2012 الشكل الجديد والكيا ريو.

ياريت حد يقولي مين احسن من ناحيه الاداء و التوكيل و اسعار قطع الغيار :)

[fifo2011]

متابع باهتمام

[medoghaly]

خليك في الصني كمالياتها احسن و شكلها مش وحش و اعتمادية مواتير نيسان اكبر من هيونداي

[mody3on]

100 الف مش هتجيبلك ريو كويسة , خليك في الصني

[Dr'AhmZZong]

ريو بصراحة غالية قوي ..

لتجيب سيراتو .. لصني 2012 ..

الصني الجديدة بجد طلعت عربية محترمة و عملية جدا ..

[S O P H O S]

صني ...

[MOK3336]

لو هتغير العربية كل 3 -4 سنين يبقي هات ايلي انت عايزة
لو عايز عربية تعمر معاك هات الصني
و ياسلام لو تلاقي سوبر صالون عند اى موزع او صاله عرض لو ملقيتش وده احتمال كبير
هات الشكل القديم عشان متجرب و قطع غيارة هتبقي ارخص من الشكل الجديد و ده مهم بالنسبالك عشان انت بتقول متعلم سواقة جديد
و غير كده كمان الشكل الجديد لسة محدش جربة و لا يعرف عنه حاجة
انا عن نفسي إن شاء الله هنشتروا عربية تانية و بإذن الله هاجيب الشكل القديم لو لسة محدش قال كلام فاصل فيه

[ahmedsho3a3]

mothskr gdn ya gma3a 3ala el nasay7 de, we isA low gbt el Sunny, haktblko feedback 3nha

[assaf]

استني لما الصني تتجرب لأنه لو طلعت كويسه حتكون احسن اختيار

[szaalouk]

النيسان عموما عربيات محترمه جدا جدا و بخاصه الشكل الجديد الشركه راعت فيه النقطتين اللي كانوا مزعلين الناس من العربيه و هما :
استهلاك الوقود العالي ( تم تحسينه و بشده مع التكنولوجيا الحديثه في الجيل الجديد من المحركات )
وسع غير مقبول ( تم عمل تصميم جديد للصالون لتصبح اوسع سياره في فئتها )
غير كده
توافر قطع الغيار : اعتقد نيسان تتفوق بشده .
خدمه التوكيل : توكيل نيسان محترم جدا و توكيل كيا ايضا من التوكيلات المتميزه في مصر بجوده خدمتها و احترام العميل .
سعر اعاده البيع : اعتقد ان نيسان تتفوق بمراحل في هذه النقطه .

و ربنا يوفقك في الأختيار لما فيه الخير لك .
تحياتي .

[fifo2011]

اعتقد انك هتحتاج في الاول عربية ابعادها مش كبيرة وتكون في نفس الوقت اوتوماتيك عشان تريحك في السواقة في الزحمة والركنة على اساس انك لسة متعلم السواقة لذلك انصحك بالاتي وفقاً لميزانيتك:

1- كيا ريو 2012 (الطول : 4365مليمتر سيدان، 4045مليمتر هاتشباك) وسعر اول فئة اوتو 104000-108000، وسعر كسر الزيرو من هذه الفئة تقريبا من 95000 -100000 حسب سيدان ولا هاتشباك

2-اكسنت Rb (الطول: 4370 مليمتر)وسعر اول فئة اوتو 104000 تقريباً، وسعر كسر الزيرو من هذه الفئة تقريبا 95000

بالنسبة للعربيتين دول سواقتهم سهلة وممكن تركن بصباع ايدك وتتحرك بسهولة في الزحمة، اما بالنسبة للنيسان فهي عربية ممتازة ممتازة ممتازة لكن طولها 4495 مليمتر يعني اطول واكبر من الRb والريو فممكن تلخمك شوية في الاول بالنسبة للركنة والسواقة في الزحمة والشوارع الضيقة لحد متتعود عليها وتشد في السواقة غير انها بتتميز بثبات كويس على السرعات العالية لذلك في المقابل الباور بتاعها في السواقة هيكون اتقل شوية من الRb والريو