التمبرا * الريجاتا * شاهين * دوجان

[Fouad Ezz]

السلام عليكم
ياجماعة لو حبيت أشتري مستعمل في حدود 30 ألف أو أزيد شوية أو أقل
مين أنسب في هذه السيارات ومين فيهم له مشاكل كبيرة
التمبرا - الريجاتا - الشاهين - الدوجان
وهل لو لغيت ده كله وجيبت 128 يكون أفضل؟؟؟؟؟؟؟؟

[mohamed2002]

لا طبعا ال 128 مش افضل ومينفعش تقارن بالعربيات دي

انت بتتكلم في 30 الف ووممكن تزود شوية يبقي دور علي دوجان 94 ا95 وحتلاقيها في حدودا 33

[Rsarabia]

زود كمان تلاتة ولا حاجة و هات هيونداى اكسل عربية كويسة بس خفيفة على السرعات العالية

[Fouad Ezz]

زود كمان تلاتة ولا حاجة و هات هيونداى اكسل عربية كويسة بس خفيفة على السرعات العالية

بيقولوا صعب ألاقي إكسيل (نظيفة) بـ 33
وبعدين أنا شايف إني لو لقيت (تمبرا) مثلا بالسعر ده تكون أضمن من الإكسيل (وجهة نظر)

[hazem_khidr]

اكسيل نضيف بس من غير تكييف و 1300
ممكن تلاقي حاجه كده.
الشاهين حلو برضه
و الدوجان جميله بس لو لقيت منها نضيف.
لو تعرف تزود ل 35 هات سويفت 93 او 94 ياباني و تبقي احسن من دا كله

[mohamed2002]

طالما انت عندك استعداد توسع دائرة البحث شوية يبقي خد عندك دول
اوربي
1-سكودا فورمان ,فليشيا
2-فولكس بولو
3-اوبل كورسا
4-فيات اونو
5-سيتروين zx
كوري يبقي
1-كيا برايد عصفورة
2-هيونداي اكسيب
فر عربية بتعجبني بصراحة ومش عارف لية سعرها قلبل فورد فيستا ,قطع غيارها غالية شوية لكن موجودة في الاسكندرية وموجود استعمال منها
بالتوفيق

[Fouad Ezz]

في كتير من العربيات دي ممتاز لكن .... الهاتشباك .... ماينفعنيش خالص ... لأني هاستخدم العربية في نقل كتب ولف كتير طول النهار ...
عشان كدة قولت التمبرا شكل شيك وإعتمادية وسعرها قريب ...
بالمناسبة ... سعر التمبرا يعمل كام ... حاله ممتازة؟

[mohamed2002]

في كتير من العربيات دي ممتاز لكن .... الهاتشباك .... ماينفعنيش خالص ... لأني هاستخدم العربية في نقل كتب ولف كتير طول النهار ...

يبقي عليك بالدوجان او تفكر في لادا 2105 ماتور 1200 وعربية تقيلة وبتاعت شغل جامدددد

[mohamed2002]

بالمناسبة ... سعر التمبرا يعمل كام ... حاله ممتازة؟

من 35 الي 42 حسب الحالة والموديل
لانها من موديل 1990 الي 2001 تقريبا لانها فضلت تنتج في البرازيل حتي 2001

[sherif_84]

بص ياباشا
التمبرا عربية هايلة واسعة وقوية وشيك زي ما انت قولت وفي منها موديل العدادات بتاعتها ديجيتال بصراحة شكلها جميل جدا
لكن التمبرا قطع غيارها غالية غير الشاهين والدوجان والريجاتا اللى أسعار قطع غيارهم معقولة وممكن بعض القطع فى التمبرا متلاقيش منها غير استيراد
ضيف كمان انها واطية شوية فلازم هتحك منك فى المطبات او البلاعات العالية
يبقى التمبرا عيوبها ان قطع الغيار غالية وواطية غير كده العربية ممتازة بس لازم تاخد بالك من الحالة

الشاهين والدوجان طبعا من غير كلام العربيتين لا غبار عليهم ( ممتازين ممتازين ) هى دى الخلاصة بس لازم برضو تاخد بالك من حالة العربية
الريجاتا برضو حلوة بس انا مش بتعجبنى

[Fouad Ezz]

بص ياباشا
التمبرا عربية هايلة واسعة وقوية وشيك زي ما انت قولت وفي منها موديل العدادات بتاعتها ديجيتال بصراحة شكلها جميل جدا
لكن التمبرا قطع غيارها غالية غير الشاهين والدوجان والريجاتا اللى أسعار قطع غيارهم معقولة وممكن بعض القطع فى التمبرا متلاقيش منها غير استيراد
ضيف كمان انها واطية شوية فلازم هتحك منك فى المطبات او البلاعات العالية
يبقى التمبرا عيوبها ان قطع الغيار غالية وواطية غير كده العربية ممتازة بس لازم تاخد بالك من الحالة

الشاهين والدوجان طبعا من غير كلام العربيتين لا غبار عليهم ( ممتازين ممتازين ) هى دى الخلاصة بس لازم برضو تاخد بالك من حالة العربية
الريجاتا برضو حلوة بس انا مش بتعجبنى

الله ينور عليك
يبقي كدة نستبعد التمبرا
ونخلينا في الدوجان والشاهين عشان أعتقد الريجاتا صعب تلاقي حاله حلوة منها إلا نادرا...
بس عندي سؤال
شوفت في موقع بيع علي النت ... كونتاكت .. أو كار100100 مش فاكر
شاهين بـ 37000 دا رينج كويس ولا الحالة الحلوة منها ممكن تكون أغلي من كدة
وطبعا إنتوا فاهميين ان الحالة مش ليها علاقة بالموديل
يعني ممكن تكون موديل 2007 بس عاملة حادثة ...
يعني بإختصار: ممكن سعر الشاهين (حالة حلوة) يكون كام أو (الدوجان) طبعا
ولو حد من الأعضاء الكرام .... عندة شاهين - دوجان - ريجاتا (perfect)
للبيع ياريت يدلني
وشكرا للجميع

[sherif_84]

الشاهين أسعارها تختلف طبعا عن الدوجان
الدوجان أنضف عربية فيها هتعمل 43000 جنيه عمرها ماتزيد عن كده لان موديلاتها قديمة
الشاهين بقى أنصحك تشتري من بداية موديل 2000 أو 2001 عشان العربية ماتكونش هلكت
بالنسبة للأسعار خد بالك ان وجود التكييف فيها بيفرق جامد فى السعر وكمان لو العربية 1400 او 1600
السعر اللى انت قلت عليه 37000 ده كويس بس ممكن يكون موديلها قديم ( يعنى 99 وانت نازل )
يعنى الخلاصة ان حكاية السعر دى بترتبط بـ :
1- موديل العربية وحالتها ( نادرة - ممتازة - جيدة )
2- وجود التكييف من عدمه
3- السعة اللترية للعربية 1400 او 1600
وعليك بالوسيط وان شاء الله تلاقى حاجة كويسة

[mrghost]

بالنسبه لثمن البنزين دور على حاجه تمشى ب 80
بالنسبه لقطع الغيار طبعا الاشاهين والدوجان رخيصه
بالنسبه للتحمل طبعا الشاهين والدوجان

[Fouad Ezz]

شكرا يا أجدع شباب ..........

[galilio_mad]

معلش يا رجاله

التمبرا مش كده خالص , ما بتحكش فى المطبات غير و هى محملة 4 افراد
قطع الغيار ارخص من حاجات كتير
قطع الغيار الاستيراد مرمية فى كل حتة و اسعارها قليلة جدا