إبيزا و لا فيستا 2012

[McLaren2012]

اﻷخوة اﻷعزاء أعضاء منتدانا الكريم....أرجوا إفادتى بخصوص شراء سيارة أوروبية فى حدود 130-140 ألف جنيه...لقد وقع إختيارى و حيرتى ما بين اﻹبيزا و الفورد فيستا و لكن هناك بعض النقاط المحيرة بالنسبة لى...أختار الموتور اﻷكبر لﻹبيزا و لا الفيستا و مش هأحس بفرقرعلما أنى بأحب الشد و الجرى....يا ترى مشاكل فتيس اﻹبيزا 2012 إتحلت ولا لسة ﻷن محدش فايدنى خالص فى ده...إعادة البيع و التوكيل أخبارهم إيه فى اﻹثنين و العفشة مريحة أكثر فى أيهما وهل الفيس ليفت لﻹبيزا اللى بالفعل نزل برة هينزل فى موديل 2013 فى مصر
و آسف لﻹطالة

[Mohamd Hussein]

أنا لو مكانك بالسعر ده، أركب فلوانس أعلى فئة (مجرد رأي)

[McLaren2012]

شكرا لمشاركة حضرتك

شكرا لمشاركة حضرتك. ..يا ريت لو حضرتك تفيدنى بين الموديلين دول فقط...الفلوانس عربية جميلة بس طلعتها تقيلة و سمعت أن عفشتها اللى ورا مش حلوة

[bobozoro]

هي الفورد اوروبي؟ انا افضل الابيزا بس لازم تشيك مع فريق السيات في المنتدي علي موضوع الفتيس بس اعتقد اتحلت, يستحسن تسأل في جروب السيات

[Mohamd Hussein]

شكرا لمشاركة حضرتك. ..يا ريت لو حضرتك تفيدنى بين الموديلين دول فقط...الفلوانس عربية جميلة بس طلعتها تقيلة و سمعت أن عفشتها اللى ورا مش حلوة

العفو يا باشا، وبالنسبة للفلوانس طلعتها تقيلة صح بس على السرعات العالية كويسة جدا، والعفشة ما فيهاش مشاكل.. السيات في كلام فعلا على موضوع الفتيس لأن طبعا حضرتك عارف إن الفتيس dsg لأن الشركة مملوكة لفولكس واجن، الفيستا في ناس بتشكر فيها.. دي كل معلوماتي

[McLaren2012]

هي الفورد اوروبي؟ انا افضل الابيزا بس لازم تشيك مع فريق السيات في المنتدي علي موضوع الفتيس بس اعتقد اتحلت, يستحسن تسأل في جروب السيات

الفورد أصلها أمريكى بس اللى بتنزل مصر تقفيل ألمانى و يمكن تصنيع كمان عشان كدة قلت أوروبى

[mody3on]

الفييستا تصميم وتصنيع وتقفيل الماني .. هي اصلا تبع فورد اوروبا زي الفوكاس
معتقدش انك هتحس بفرق كبير في الموتور بس فتيس الابيزا بيساعدها شوية لانه dual-clutch و 7 نقلات بس في المقابل الفييستا كويسة ومرضية نوعا ما بس الفتيس 4 سرعات بس هيضعف التسارع شوية
الاتنين عفشتهم ناعمة بس الفييستا تعتبر رياضية اكتر والدركسيون بيتقل مع السرعة
عزل الفييستا احسن وتعتبر اهدى عربية في فئتها
عوامل الامان احسن في الفييستا
داشبورد الفييستا احسن في رايي والرؤية الخلفية في الابيزا مش كويسة
بشكل عام انصحك بالفييستا

[McLaren2012]

الفييستا تصميم وتصنيع وتقفيل الماني .. هي اصلا تبع فورد اوروبا زي الفوكاس
معتقدش انك هتحس بفرق كبير في الموتور بس فتيس الابيزا بيساعدها شوية لانه dual-clutch و 7 نقلات بس في المقابل الفييستا كويسة ومرضية نوعا ما بس الفتيس 4 سرعات بس هيضعف التسارع شوية
الاتنين عفشتهم ناعمة بس الفييستا تعتبر رياضية اكتر والدركسيون بيتقل مع السرعة
عزل الفييستا احسن وتعتبر اهدى عربية في فئتها
عوامل الامان احسن في الفييستا
داشبورد الفييستا احسن في رايي والرؤية الخلفية في الابيزا مش كويسة
بشكل عام انصحك بالفييستا

أشكر حضرتك على رأيك الوافى..بس سؤال؟ سعر إعادة البيع و قطع الغيار و أسعارها و معاملة التوكيل تختار مين؟

[mody3on]

أشكر حضرتك على رأيك الوافى..بس سؤال؟ سعر إعادة البيع و قطع الغيار و أسعارها و معاملة التوكيل تختار مين؟

معرفش حاجة عن توكيل سيات
بس اعادة البيع اعتقد متساوية وضعيفة في الاتنين
قطع الغيار اعتقد متوفرة في التوكيل بس معنديش فكرة عن الاسعار

[startrace]

الفييستا من رأيى احسن بس اهم حاجة متكونش هتبيع على طول و دة كمان على الابيزا

[HAITHAM1985]

فتيس الإبيزا الــ dsg مشاكله إتحلت بدءا من موديلات النصف الأخير من 2011

[McLaren2012]

فتيس الإبيزا الــ dsg مشاكله إتحلت بدءا من موديلات النصف الأخير من 2011

متشكر لرأى حضرتك...بس حضرتك متأكد من موضوع الفتيس؟ لأن هناك أحد الأعضاء إشترى جولف 6 و هى بنفس الفتيس موديل 2011 و عملت معاه مشاكل كتير لحد التوكيل ما عرض عليه تبديلها بأودى و وافق...أرجو الإفادة

[HAITHAM1985]

متشكر لرأى حضرتك...بس حضرتك متأكد من موضوع الفتيس؟ لأن هناك أحد الأعضاء إشترى جولف 6 و هى بنفس الفتيس موديل 2011 و عملت معاه مشاكل كتير لحد التوكيل ما عرض عليه تبديلها بأودى و وافق...أرجو الإفادة

أنا كلامى محدد أنا قلت النصف الثانى من 2011 .......... تفرق

[Dr'AhmZZong]

هات فيستا و ريح دماغك ..

[McLaren2012]

هات فيستا و ريح دماغك ..

طيب و الموتور ال1400 يا د.أحمد؟و اﻹنتشار..يعنى أنا بأشوف إبيزا كتير قوى فى الشوارع، صحيح موديلات قديمة بس أنا تقريبا م بأشوفش فورد خالص و بالذات الفيستا...عارف أنا عندى شبه ميل لﻹبيزا أكتر بس إختلاف الناس عالفتيس قالقنى التوكيل بيقولى دى مشاكل قديمة ومن بعد 2010 بقى فتيس اﻷودى بالسوفت وير بتاعه مش الفولكس...و بعدين مش عارف قعدت أحور عالنت ملقيتش حاجة تخص الجديد راسلت أعضات من سيات عارف أنهم إشتروا الموديل ده محدش رد على!! أرجو اﻹفادة